AMOS 9:4 - Allah Wene Fano Wene Hupla Inane

⁴ Nen, it inebe inaselei mene nen hele warogo woginarek logoin halok, An nen it inebe pinggi inoasuageluk yagaisagain aro. Nen An nen it inebe legetfisageluk welagi andi nen he it inebe mondogat weaget fisagain o. Nen ap misigen iluk ogo it ekhe leberisogoin mondok lek,” iluk ikhe isikhe.

AMOS 9:4 ပူးပေါင်းရင်းမြစ်များ

KEJADIAN 44:21

Ninoe, haren at andi an neilenggen hayogen hondo'nesi lani iluk mimingninafenma.

2 TAWARIKH 16:9

It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

MAZMUR 34:17

Oba nen he, it ekhe inobabut weak hilingitarek mene re elokhe age warisikherek. It inebe wa'lagu halok he, inoba eberek logoinogo iluk, inoba inonggoret fisaluk logouwagaluk hilingfikherek.

KELUARAN 14:24

Ki wagaukwama, o hil mogolhu kwelek nineisena Tuhan ebe endu inom, ohena inom, telik welagaikhe a'nogo nen eilenggen tentara Mesir mene yerisasikhesik he, mondogat weagerinafikhe.

YEREMIA 12:12

O leik fena fikhit tom oba andoma nen, afuni yogot hinasuogeluk weri'lagwi. An nen he weim ambisangma nen o kweang andoma mondogat weagasuagaluk lakfei wesumo re ap misik iluk ogo ekhe ineluk fanorogo logogun lek.

YEREMIA 21:10

An nen kota yi mondogat wolelenggen isagain iluk nane arat tekhogo igimo re nendawirasigin mondok lego. Kota yi re raja Babel mene inenggimo foumo, aren mondok obalik tamukhogo endu noligin. Iluk An Tuhan nen nane mondogat igi o,” ikhe.

YEREMIA 24:6

An nen he it halinafu logombik, nekhengge woginarek o kweang yiba wesigin. An nen it meisalogo fisagain lek oba nen he, wurogo fisagain. Nen An nen henogo lakfisagain lek oba nen he, awi yagaisogo fisagain.

YEREMIA 39:12

”Yeremia andi herasi laluk he at ebe fanorogo halhi logoino. Hiren at oba yi'nogo ti'nogo ekhe hilingisu fuk, aren kinori'lagongge andoma higithogo nek hilingi'no,” iluk wene wulabuak ikhe.

YEREMIA 39:16

ap Ebed-Melekh awi Sudan mene andiba ikhi logolik he, Tuhan Omame Mondok Hokho mene, Allah afuni Israel mene ineisena nen yi'nogo ikhe ino, ”Attak an nane isigi hak he, An nen o kota yiba enggin mene fei wesigin o, sikhogo welagaikharek mene re lego. Nen, haren he andoma agunem heilenggen hagain aro.

YEREMIA 44:11

Andiba re, An Tuhan Nomame Mondok Hokho mene, Israel mene ineisena Allah a'nogo nen he hit eil hinabimbik he, Yehuda mene mondogat alperelogo fisagain o.

YEHEZKIEL 5:12

Afuni fenakwe ekhe minggilogo re ou amben weak meneba nen inom, sumburu ouwagen inom, o kota yiba asi wesigin mene andiba nen mondogat wa'lasugun. Fena ekhe minggilogo re karogen o kota endakwe fikhiren inobakhe tegethigik inoasigin. Nen fenakwe ekhe minggilogo re An nen o unggut-unggut higithogo telfolisigik, karok fanghogo sikmuk isigik, igin.

YEHEZKIEL 5:2

Arigin fembik minggilik mene andem kabok misik ekhe re o labesi wesugun oba andi arat agu halok haren o kota andi tulem andoma nolino. Kabok ekhe pirenek mene re weim enggat mago mene a'nogoba kota andi maset hikhi logolik tik tekhogo hugisilik lano. Nen henaganek mene re pogot fikhit poma hesangge hugisa lagaumo An nenggarok enggat merengsek mene a'nogoba libik-lebekhigik hugisagain.

IMAMAT 17:10

Nen, afuni Israel mene ogo, it pok meneba nen afuni Israel mene inanggelekwe femhoho werek mene nen ogo wam kurik meberengge nunggu halok he Tuhan nen wene oba fagain, nen at ebe faget An namlogo mene werek he anggagain lek.

IMAMAT 26:33

Hineabu helikhi legep kwe andoma hesangge linisikhi logogun, nen hinawi wurik he we meisalegenek kabok lagakhi logogin. An nen hit hinaiba eroma andoma weim liabumo hit hinailo nen linggi longgo ugun.

AMOS 9:8

An Tuhan Lego Mondok welagirek mene a'nogo nen hit afuni kerajaan Israel oba weak hilingiti lagep mene andi neilenggen wokhinafi lagi. Andi nen he, An nen o kweangma yoma nen lek hilingisogo hinobagagin o. A'nogo meneat he, afuni Israel mene Yakub en tagomangge mene hinebe mondogat lek hilingisogo hinobagagin lego, iluk An Tuhan nen nane arat igi.

ZAKHARIA 8:10

Nen, o andem oba oan asi wagi'le'ma re, afuni nen it ekhe yabu onggo faget hilingisuageluk yagaisigik, wam en habulik loageluk miminginafik, ikhi lagaikha lek, nen, it inaselei meneba nen ogore, inebe inendawinggen yamukhogo werek mene re lek aga. Andi nen he it ap ekhe nen ekhe inom lang-lang asuageluk hilingfisasigi andi,