AMOS 9:2 - Allah Wene Fano Wene Hupla Inane

² It andi ekhe heise poloksek kweangma afuni wa'la'luk lagaikharek oba andoma eberogoat logoin oba nen ogore, An nen inambotkwe liakfisa wesigin o. Nen, heise poloksek pogoroba elok logoin oba nen ogore, An nen it andoma nen pelakfisa wesigin aro.

AMOS 9:2 ပူးပေါင်းရင်းမြစ်များ

AYUB 20:6

At sele'ma enu poksek were'ma, ambisang en anggulok oba po'lima fakhikherek oba nen he,

AYUB 22:13

A'nogo werek oba nen haren ikhi logolik he, ”At he nena mene elu a?” At ebe anggulok ambol fikhit andoma were'ma re, Aren nit faget ayo wurogo pilingninabu lek hak,” ikhi lagen.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

YESAYA 2:19

O Tuhan ebe menlasimbik kweang yelandi kwelandirisagain sambul andi re Tuhan Aniniba nen inom At Omame mondok hokho mene a'nogoba nen inom inoba feinogoluk afuni andoma re oumokwe helep hokhondek mene a'makwe inom, kweang pogolema andoma inom hina'lasi kwimbik logogun. O andi asi wesigin sambul andi re kembu perak mene inom, emas mene inom iren hilingiraluk apne wanharek mene andoma re hesanggema linisamo paik inom, kundik inom, nogo i kwikhi logogun.

YEREMIA 49:16

Haren legeisogo fakhikhi lagen andiba re honggwarek hebeat lalfakhikhi lagen o. Haren anggikhi lagen andem hakhogo hat hoba hinailot habi'lagwi mene ekhe werek lego. Hat hebe tom unggul uan meneba logoumo mene ogore, nen hawilun mondok yat patma po'lima sue rajawali awi wuterek hakhogo wurik logoilenma mene ogo re An Tuhan nen andoma nen pelak habi wesu hagaro. Iluk mondogat andoma Tuhan nen ugunem holhi o,” iluk yagaisigi.

YEREMIA 51:53

At Babel ebe pogoroba lagai laluk at along pale'ma aben fakfei lagau elo'lek oba lagoumo nen ogore, An nen he aben meisalogo weaget fisoageluk lakfisamo re higit aro. Iluk An Tuhan nen nane mondogat igi.

YEHEZKIEL 26:20

Andi nen An nen hat hanggweangma ap wa'la'luk lagaikharek oba omanogo lakhobagaumo lambik it ap o andemen wa'lagaukwa mene omanogo hinom mangosi lagain. An nen hat hanggweangma ap wa'lagaukwa mene inanggele'ma andoma lakhobagaumo logogin. Andiba re hat hanggweang oba it ekhe logogun lek, nen hat faget ogore afuni ineluk werek mene inanggele'ma nen ekhe wurep wokhiikhi logogun legat.

YEHEZKIEL 31:14

Mondogat andi hiling lasigin he yogondak erorate yi huli nen e andi higit uanhogo lagagu mene ekhe logogin lek. At hakhogo e omanggen elema nen i hokhorogo ninggi logogin oba nen e erembul pogot halianggen oba tip ilagagin mene ekhe werek lek. Andoma mondogat he afuni wa'lagaikharek mene hakhogo wa'laga logogun, nen it mondogat he kweangma ap wa'lagaikharek oba paga mene omanogo inom andogosi pugun.

OBAJA 1:4

A'nogo anggikhi lagen oba nen he, hat haiba sue fogonoe awi mondok pulema wuterek andi hak inom, nen pogoroba hesagalenggen werek oba walek po'lima inom, wusigin meneba nen ogore, An nen hat pelakhabi wesigin aro.

LUKAS 10:18

at Yesus nen he, mel yagaisasikhe: ”Iblis andi eilabut yegelogo lakfei wagarek hak, pogoroba nen pi wagunem neilenggen higi o.