AMOS 8:4 - Allah Wene Fano Wene Hupla Inane

⁴ Hit afuni o yiba logolik it ekhe inenggi lek mene enggin-fenggin inoba fugunem inebe lek ari'lagwi andi nen he, hinesanggo fanorogo holini o.

AMOS 8:4 ပူးပေါင်းရင်းမြစ်များ

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

AYUB 24:4

Iren he ap inenggi lek mene inangge omanogo helogoin iluk hilingitunem kwe palinafu nen he, ningginu-ningginu it ap inangge lek mene omanogo re hina'lari'lagwi.

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 14:4

Tuhan nen yagaisikhi logolik mel isikhe, ”Hit afuni weak hilingiti lagep mene yi, hinobabut hebelhi lagep lek yi nenahalok? Hiren he an nayonggo figi'lek logolik, sumburu haumhogo nenggarek andi hak an nagainafuri weagerinafu welagebo,” iluk wenagisasikhe.

MAZMUR 140:12

Afuni inobabut aferogo nek hilingitarek mene andoma enggin-fenggin mene nek inoba asi waga logouwak, it ap inabok weak palharek mene andoma kweangma yoma logouwageluk herakfisogoin hanogo.

MAZMUR 56:1

Afuni nen wuni wulak fuluk inebe seberogo ugunem yagaisugu mene faget. Wuni sue merpati o yatkwe e bene afe mogol arue iluk ikhi lagaukwa mene andi faget apne waganogo felalhukwa mene. Daud ebe it afuni Filistin mene nen o Gat omanogo nen fakfesukwama, at Daud en isikhe awuni.

AMSAL 30:14

It ekhe nen he inangge nunggu mene herakhikhi logolik ina'mageba ninghogo mondok hilingitarek, a'nogo hilingiti logolik afuni sebelek mene inom, inenggi lek mene inom inabiret fisaluk inenggi omamerogo sebelinarek welagaikharek.

YESAYA 1:10

Hit Yerusalem mene hinogogwi fethinarek mene hinom he afuni o Sodom Gomora mene inobabut wanhigipsik welagebo. Nineisena Tuhan en wene yagahisikherek mene andi furogo holfuluk he nit nineisena Allah nen wene yaga hisikherek mene andi fanorogo wanhi logoni o.

YESAYA 28:14

Hit afuni o Yerusalem oba ferinarek logolik puliarinafi lagep hinap yoma sani! Tuhan ane ikhe mene andi holini o!

YEREMIA 28:15

Andoma mondogat he an nen Hananya ba yagatigisik ekhe inomat yagati logolik, ”Hananya ahwi, hat hesanggo holin! Tuhan nen he hat lakhobagai waga fugo. Haren he ap inunggulenu yi inoba heranhogo wene yagaisugu mene omanogo eberogo anggoageluk hilingiten o.

YEREMIA 5:21

”Yago, hit ap hinobabut mondok hebelek lek morue mene yoma sani, hinesanggo fanorogo holini o! Hit he hineilenggen werek oba nen he hikhi lagep mondok lek, nen hinesanggo werek oba nen he holhi lagep he legat!

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

YEHEZKIEL 45:10

Hiren he enggin ilirengge walhugu mene inom, kilo walhugu mene inom he, eberogo meneba nek walethikhi logoni o.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

AMOS 7:16

Arigini'mo re, Tuhan nen hat yi'nogo hilingi'nogen iluk yagaheri'logo mene andi hesanggo fanorogo holin o. Andi re haren an wene yagaisikhi logolik it Israel mene nen hilingiri'lagwi mene andi faget wenagisugu kwelek kwe palnafi lagen enggere.

MIKHA 2:2

Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.

MIKHA 3:3

Hiren he it inagap sapuk-sapakhogo heligik, inoak wolelenggen tagalogo fisigik, nen wam palogo belanga elema kwelafarek hak it inebe kirigi-kurogo liakfuluk, afuni an nunggulenu mene andoma inebe ninggi lagep.

ZAKHARIA 5:6

A'nogo yaganetemo an nen heinok wokhikhi logolik, ”Andi re, nenamene nogo?” igimo aren he, ”Si ugu misik were'ma higi o. Andi re, afuni o kweang yiba nen weak hilingiri'lagwi mene omanogo ilirenggerogo werek andi o,” iluk yaganete.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

YAKOBUS 5:6

It ekhe higithogo hilingiri'lagwi mene andi, iren onggo hit hinoati le'maat wene inoba fuluk inebe inoati lagep andi ri!