AMOS 8:2 - Allah Wene Fano Wene Hupla Inane

² A'nogo higimo nen, Tuhan nen an yaganeti logolik, ”Amos. Nenamene heilenggen hegen?” iluk heinok wo'niikhemo, an nen he, ”Mul ugu misik meneba re enggen yugulik mene nek taganegengge kwalek were'ma higi o,” iluk yagatimo, Tuhan en yaganeti logolik he, ”E enggen wurik agunem palu higit agarek andi hak, afuni Israel mene an nen hilinginabigin mene horok agasik werego. Ma re, an nen hilinginabigiluk anggigi mene andi, sugulhi'lek, eberogo nenat wene arat inoba fagain o.

AMOS 8:2 ပူးပေါင်းရင်းမြစ်များ

KEJADIAN 6:13

Allah eilenggen a'nogo isikhi lagaikhe andi nen, Nuh mel yagatikhe: ”Afuni o yi awi ti awi inobabut it ekhe inebe inendawirinafi'lek mondok weak hilingiri'lagwi andi nen, afuni inebe inom, yi mene ti mene mondogat inom, kweang inom, mondok legetfisagain o.

YESAYA 28:4

It inawi kota enu lego werek mene yogondak enu lek-lek lililago mene andi re mondogat legasigin. At ambisangma hagain mene re e ara enggen yugulagunem palugun oba oanse'ma afuni nen ineilenggen hagaresik taganaluk nenggarek higit asigin.

YEREMIA 40:10

Hit he o kota hinendawimo anggikhi lagep lombok andoma logolik he anggur kabokhogo fakhigik, e enggen inom, zaitun inom, kabokhogo fakhigik, hilingiti logogun. An he o Mizpa logolik ap Babel mene wagu halok he an nen afuni inenuba wene ikhi logogin o,” iluk yagahisigi.

YEREMIA 5:31

Andi re it ap nabi nen he ineranhogo wene igik, nen it imam en he inendawimo nen anggaluk hilingisugun mene nek hilingitik ugunem, hit An nagainafuri nen ogore ariginik mene andoma faget hinagaiyekhogo nek hilingiti lagep. Oba nen he hobuk wurep kobok i wesigin oba re hiren ninggi'nogo mene ekhe hilingisugun nogo?” iluk ikhe o,

RATAPAN 4:18

Nit he wulibugun iluk lagunem it ninaselei mene nen ineil wo'ninafu nen he niren wilipluk ebekhe kwe laga lago lek. Linggene nit nineluk logou mene re wurep oba arat asi waga, nit ninebe wa'lasugun oba tip iwaga.

YEHEZKIEL 12:23

Andiba re, An Tuhan Lego Mondok welagirek mene a'nogo nen wene onggo ikhi lagi mene yi yagaisan o: Inane oba lirogo ili'lagwi andi re An nen leget fisamo re, Israel mene were'ma andoma nen inane andi mene ekhe ikhi logogun lek. Andi obali'mo re it inoba yi'nogoluk yagaisano, inenggi asigin oba andire arat asi waga, nen hobuk hilinglasigin iluk ili'lagwi mene andoma mondogat he tibigin enek.

YEHEZKIEL 29:8

Andi hilinglasigin andi nen he. An Tuhan Lego Mondok welagirek mene a'nogo nen hat hoba nane ikhi lagi yi o, An nen tentara hat huget hobagauwageluk lakfisa wesumo re, karok waluk waga logolik, afuni inom wam inom mondogat hinoasugun.

YEHEZKIEL 3:10

Hobuk ekhe inomat Allah ane ikhi logolik, ”Afuni wa'lagaikharek mene yi re, An nen yi wene ti wene hat hoba yagaheti lagi mene andoma fanorogo fut-fuluk wenggelhi logoin o.

YEHEZKIEL 3:7

Oba nen unggulenu Israel mene andi re hat hane igin menere holugun mondok lek a'naga o. An nane ogo furogo holi'lagwi legaro, it he inungguloak helep hangge logolik nane sagalharek inap werego.

YEHEZKIEL 7:6

Yogondak mondogat he wurep kobok ikhe, hit hinebe legasugun oba a'nogo re yi aro, hit hineluk logogun mene ekhe werek lek.

YEHEZKIEL 8:12

Were'ma Allah nen an noba ikhi logolik, ”Afuni wa'lagaikharek mene yi re, afuni Israel mene melalinafarek mene nen hinak-hinak hilingiri'lagwi mene andoma hegen a? Iren he, An nebe o kweang yiba nen herakfuluk wilife, nen iren hilingiri'lagwi mene andoma An nen nisili'lago lek anggikhi logolik he iren o senggelek tugwi kembu nen enek hoporogo hilingik awi andiba obaget hilingiri'lagwi mene andoma heilenggen isegen a?” iluk ikhe.

YEHEZKIEL 8:17

Tuhan nen an noba yaganeti logolik, ”Afuni wa'lagaikharek mene yi re, iren hilingiri'lagwi mene andi hikhi lagen a? Ap Yehuda mene yi it weak mondok ina'meilo mene hilingiti logolik afuni inoba inendawirinafarek lek mene andoma inoba re homot fisikherek lego. Iren andoma mondogat he An nawi wuri'mo yoma nen hilingiri'lagwi andiba re An na'mage kwelabi'lagwi. Iren mondok ina'meilo mene andoma hilingiti logolik An sebelogo nobagali'lagwingge andi fogesin!

YEHEZKIEL 8:6

Allah ane an noba yaganeti logolik, ”Afuni wa'lagaikharek mene yi re, hat heilenggenma re nenamene hilinglagunem hegen? Ap Israel mene nen ina'meilorogo hilingiri'lagwi andiba An nonggwarek nawi wuri'mo nen eil uanhogo hilingnobagali'lagwingge andi furogo kwelakhan o! Andi nen he hobuk An nen hat hoba wene mondok namel-mel asu hak mene ekhe inukhesigiluk welagi o,” iluk ikhe.

HOSEA 9:7

Unggum helogoin oba arat horogasi waga, iren hilingiri'lagwi mene andoma ambisangma helogoin oba faget arat horogasi waga. Israel mene andoma re, ambisangma hogoin mene werek! Hiren ikhi logolik, ”Nabi yi re munggwarengge endawimo kwikhesik! At ebe mondok wenenebo mene!” iluk ikhi lagep. Hiren a'nogo ikhi lagep andi re hit hinaweak hokhore'ma re, an noba hinabit logolik ikhi lagebo.

AMOS 7:8

A'nogo logolik mel yaganete: ”Amos. Hat heilenggen yethegen andi nena mene yethegen nogo?” iluk yaganetemo, an nen he, ”Hele ilirengge ninghogo pelabek were'ma yethigi o, neisena” iluk yagati. A'nogo yagatimo, Aren he, ”An nen hele ilirenggethugu meneba wanhirik hilingiti yi re, An nagainafuri inebe re leget pa'leget kwanirek andi hangge, iluk walhigik hilingiti lagi o. Nen, An nen hilingisigin mene iluk melalogo figi mene andire agam eti'lek, ibi-eberogo nenat wene inoba feigiluk hilingiti o.

AMOS 8:1

Tuhan Lego Mondok welagarek mene a'nogo nen nabikanggoba ekhe inuk niikhi logolik, mul ugu misik meneba re enggen taganegengge omanogo mondok yugulik mene nek kwalegengge were'ma higi.

MIKHA 7:1

An nebeba hilingik welagi re o hibi lagagunem e enggen itu mene omanogo andogosi lagaikharek hak inom, nen anggur enggen attak mene paliluk hobuk mene pali lagaikharek hak inom, hilingik logolik he, alomat lasigiluk welagi o. Nen e anggur enggen nunggu mene inom, ara enggen an namolo mene inom ekhe werek lek.

ZAKHARIA 5:2

A'nogo higimo nen he, at malaikat a'nogo nen an higi mene a'nogo faget heinok wo'niikhi logolik, ”Andi nenamene hegen?” iluk heinok wo'niikhe. Mo re, an nen onggo ikhi logolik, ”Buku misik huli'lip segengge selekwe tarogo lagunem higi o. Nen buku andi ebe uanhogo re 9 meter en, nen sabiarekwe re 4 setengah meter en hilingik welaga higi.”