A'nogo menogo fisasikhesik, it ap tugwi kembu eisewerek mene omanogo nen tugwi kembu faget hilingiti logouwagaluk o Betel fisasikhesik, at Yerobeam ebe nen tugwi kembu emas mene sapi alik hilingitikhe mene omanogo faget wam, yi mene ti mene fisasikhe. A'nogo fisasikhesik, pesta it afuni Yehuda mene nen Allah faget hilingiti lagaukwa andi hak, aren tugwi kembu andi faget tugi it inenggi wenati lagaukwa higithogo 8 oba tanggal 15 oba hilingiti logogun, iluk wenagaisogo fesikhe. A'nogo wenagaisogo fesikhesik, o andi sambul at Yerobeam tugwi kembu faget wam, yi mene ti mene fisageluk o Betel lagaikhe.
AMOS 8:14 - Allah Wene Fano Wene Hupla Inane14 Afuni ekhe nen afuni o Samaria mene inandugwi kembu enu hombuk palhik, afuni inunggulenu Dan mene inandugwi kembu enu hombuk palhik, afuni Bersyeba mene inandugwi kembu enu hombuk palhik, ugun meneat he arat pile pugun andi nen he, hobuk menlasugun mondok lego,” iluk ikhe isikhe. အခန်းကိုကြည့်ပါ။ |
AMOS 8:14
32 ပူးပေါင်းရင်းမြစ်များ
A'nogo hilingitikhe andiba re Tuhan nen Yehu ba ikhi logolik, ”Haren at Ahab eisok erokwe mene inoba hilingfisuageluk yagahete mene a'nogo re mondogat hilingiten. Andiba re hat hagainafuri inom iren tagomangge mene inom ta'larik logoin mene huli enggaminogo nek meneba andoma re afuni Israel mene inobaget inoe raja logogun nen wene watheti o,” iluk yagatikhe. A'nogo yagatikheba nen he, at Yehu nen afuni Israel mene ineisena Tuhan Allah a'nogoba endawinggen himbirik logolik Tuhan Awene melalek omanogo higithogo hilingiti lagaikhe lek. Aren he, Yerobeam hilingiti lagaikheba it afuni Israel mene kembu emas mene o Betel oba inom o Dan oba inom wutukwa mene omanogoba fogeratunem Tuhan oba weak hilingisogo fikhi lagaukwa a'nogo hak hilingiti lagaikhe.
Kweang pogola hangge abuk-abuk waganek engge ari re ap i naluk lugu-lugwi palhi logolik talo-talongge hilingitarek hak hilingisigin, nen o sabu sale'ma sogoi sielu waga logolik langfang hikherek hak hilingisigin. Kweang ari re afuni inaweak enggin nen sunukhogo pigin. At mondogat wolelenggen tagalogo hilinglasumo re hobuk ambotkwe fano asigin lek.
A'nogo yatikhesik he, ap tentara inogogwi inom, inagoromi inom, weim yabuagaluk yagaisasikhemo, kuda nen lisogo waluk lagarek mene enu kereta oba lagasukwasik wagaukwa meneat he, inebe arat inoatikhemo hobuk ineluk asugun mondok lek. It inebe esage amulok lagaikherek mene nagulagarek andi hak wa'lagaukwa.
Andi nen Tuhan nen an noba ikhi logolik, ”Haren afuni andoma yagaisikhi logolik, An Tuhan Nomame Mondok Hokho welagirek mene, afuni Israel mene ineisena Allah a'nogo nen he, hit hinebe mondogaren anggur agai hinago andi naluk lugu-lugwi palogo hebak wusuak ikhe o. An nen weim it inoba lakfei wesigin mene andiba nen it inebe warogo hulambethigik taik umo re inambotkwe inelugasugun mondok lego,” ikhe.
O yogondak ogore, afuni Efrayim mene andi re, Allah ane sagalogo weak hilingituat werek. Iren he, tugwi kembu afuni inendawimo nen wenggelfuluk perak mene agauwak hilingisogo inenggiba wuri'lagwi. A'nogo wutfuluk iren ikhi logolik he: ”Wam, yi mene ti mene tugwi kembu yoma faget warogo nole'ni o,” iluk ugunem, afuni nen he sapi eak alik waganek meneba hai inambe saluk watarek andi re higit nogo a!
Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.
Afuni Israel mene nen he, Allah inabithogo logolik, ane sagalogo weagenek hilingiri'lagwi andiba re, wene igi mene andem mondogat hilinglasigin o. Ero sa weak elekwe afuni Israel mene weak hilingiri'lagwi nogo? Ero re o kota Samaria eroma werek mene omanogo inonggwaregen aro. Nen, ero sa weagen it afuni Yehuda mene tugwi kembu fogerari'lagwi nogo? Ero re it afuni o Yerusalem mene inonggwarek weagenaro.
Afuni ekhe nen o tum oba lagaluk mo inom hesagalenggen inom apne wanugun iluk lagagarek mene andoma re An nen mondogat nenggi sabul horogo herakfisagain. Nen, ekhe it afuni nen An napne wanhik, tiphogo hilingiti logogin iluk inane hombuk palhik, ikhi logolik oba nen iren kembu dewa Milkom enu igisogo hombuk palharek mene andoma re An nen mondogat legetfisagain aro.
Andem sambul he, o kota Efesus andoma ap ekhe enu Demetrius. Yi mene ti mene perak mene hilingiti lagaikhe. Hilingiti logolik su kembu ebe he mene enu Artemis. Ebe awi hokho andoma wurik werek kwelek, perak mene ekhe magendek mene hokhorogoat hilingisogo fikhi lagaikhe. A'nogo hilingisogo fugunem, afuni nen onggo fikhi lagaukwama, it Demetrius agoromi inambugunweak hilingiti lagaukwa mene inomat hokhorogo saburikhi lagaukwa andi nen, afuni Yesus ane waluk ombo'ne lagaikharek wene andi faget o Efesus andoma inane hokhoat sagalhukwa.
A'nogo Logolik yagaisikhi lagaikhe meneat he, it andi fena inendawinggen omame a'luk, wene andi inendawimo sebelfuluk he, afuni ekhe hokhorogo ineilhanemat, Yesus ombo'ne lagaikharek wene andi abok weak palhukwa. Abok weak palhukwama, at Paulus, it herakfisaluk, it fena Yesus ane wanhukwa mene nek woginarek wulifikhe. Woginarek wulifikhesik he, o hokho wuri'mo ap Tiranus nen yi wene ti wene yagaisikhi lagaikheba andi kwisukwasik, hundik-handik enggi ekhe kamo igi'lek wene aren yagaisigik, iren onggo yagatik, ikhi lagaukwa.
Mene re, wene eberogoat hilingiti lagi mene ebe yi fakhogo yagahesik. Iren he, Afuni Yesus ombo'ne lili'lagwi andi weak, iluk agarek. Meneat he, an enek he, iren, weak agarek mene andi ane hologo, Allah nit ninombalak awe a'ma kwisukwasik welagaukwa mene andiat fogerati lagi andi nek he, eberogoat hilingiti lagi aro. Fogerati logolik, wene Allah nen komotninafikhe wene andi inom, ap at ane yagaisikhi lagaukwa mene inane inom, mondogat lisu palogo fesukwa mene werek andi, eberogoat iluk fisogo welagi.
”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.
ကြော်ငြာတွေ