AMOS 7:9 - Allah Wene Fano Wene Hupla Inane

⁹ Ap Ishak en tagomangge mene nen tugwi kembu obaget hilingitarek kwe andoma re hobuk wolelenggenhogo potfisigik, afuni Israel mene nen, mondok wesama iluk agarek kwe andoma re meisalogo potfisigik, igin o. Nen, at raja Yerobeam en tagomangge mene inebe mondok leget fisigik igiluk karok nenggim wanhik, igin aro,” iluk yaganete.

AMOS 7:9 ပူးပေါင်းရင်းမြစ်များ

KEJADIAN 46:1

At Yakub angge yi mene ti mene mondogat tegelogo waluk lagaikhe. Lagaikhesik, o Bersyeba asi lagaikhesik he, eisena Ishak en Allah fogerati lagaikhe mene a'nogo faget wam warogo endu noletikhe.

2 RAJA-RAJA 14:24

Aren he hun Nebat amlogo raja Yerobeam attak mene nen weak hilingiti lagaukwa ba afuni Israel mene inom weak hilingisogo fisasikhe mene a'nogo higithogo re, aren ogo Tuhan oba weak hilingitikheat.

YESAYA 63:18

Afuni ninaselei mene nen Hat hawi wuri'mo ineisogen alperel isigik, Honggwarek handom oba emetfigik, uageluk herakfisegendik welagen andi re nenahalok?

YEREMIA 51:51

Hiren ikhi logolik,” Nit he afuni nen wena'nisikhi logolik, ninenggali warogo hilingninabi'lagwi o. Nit he Tuhan awi wuri'mo senggelek horek meneba omanogo re ap pok mene hu'lasi kwagama re ninelokhe enggali aga o,” iluk ikhi lagep.

YEHEZKIEL 6:3

An Tuhan Lego Mondok welagirek mene a'nogo, nane holhik, fut nobagagik, ikhi logouwageluk haren it yagaisikhi logoino. Tom-tom andoma inom, punukwe andoma inom, pulekwe andoma inom, fanggong-fanggong werek mene andoma inom mondogat yagaisilik lan o. Ibi eberogo nen he An nen karok lakfei wesumo, kembu fogeratarekwe andoma wolelenggenhogo fouwageluk lakfei wesigin.

HOSEA 10:8

O Betel punuba kembu awi wuri'mo afuni Israel mene nen fogerari'lagwi kwe andoma mondogat wolelenggen isogoin. Iren mezbah wurik mene ebene andoma re engga inom alok-alogengge inom wulibigin. A'nogo wulifunem iren inane tom andomaba kweti logolik, ”Nit salninabime o,” igik, nen punu-punukwe andomaba woleti logolik he, ”Nit sebelninabime o,” igik, ikhi logogun.

AMOS 3:14

An nen afuni Israel mene inobabut weak mondok hilingiri'lagwi andi nen wene inoba fikhi logolik, o Betel en wam, yi mene ti mene tugwi kembu faget warogo noletarek mene andi ebe mondok legetfisikhi logolik, unggut fena-fena andimuk hilingik mene andoma ambisang somborisilik lamo re sinukhogo kweangma lobak ilik lagain o.

AMOS 5:5

Hit an faget hilingisuogoluk, o Bersyeba lagubo. Nen, afuni o Betel mene inebe lek asugun andi nen he, An hera'nabik, andoma la fugo. Nen, afuni o Gilgal mene inebe hele warogo woginarek logoin andi nen he, o Gilgal lagubaro,” iluk ikhe.

AMOS 7:11

At ane ikhi logolik he, Neisena hat hebe re weim ambisangma nen wa'lasigin, nen afuni Israel mene mondogat he it inaiba herakfisaluk o yatma andoma hele warogo lakninobagagin iluk ili'lago,” iluk yagasi loageluk lakfisasikhe.

AMOS 7:13

Oba nen he o kota yomaba re, raja faget inom nen wene afuni at a'ma welagaikharek mene nen kabogeri'lagwi kwe nek hilingi'mo re, hat he o Betel yoma nen wene ekhe yagaisikhi logogin lego,” iluk wenagetikhe.

AMOS 8:14

Afuni ekhe nen afuni o Samaria mene inandugwi kembu enu hombuk palhik, afuni inunggulenu Dan mene inandugwi kembu enu hombuk palhik, afuni Bersyeba mene inandugwi kembu enu hombuk palhik, ugun meneat he arat pile pugun andi nen he, hobuk menlasugun mondok lego,” iluk ikhe isikhe.

AMOS 9:1

Nineisena Tuhan ebe, At faget wam, yi mene ti mene warogo noletarek oba era'lu horokhogo mendek were'ma yethigi. A'nogo logolik, mel yaganete, ”An nawi wuri'mo kweba afuni andogotarek oba andem en abolok uagen he, wuroak hokho telik andi henggi uare'mangge fothan o. A'nogo fothugunem sinukhogo pi waga logolik, afuni inungguloak pagethigik inoasigin. Nen, it ekhe inebe wa'lagi'lek mene halok, An nen weim yafi logolik inoasigin enego. A'nogo inoatu kwelek, it ekhe heise poloksek ineluk wulibugun mondok lego.

MIKHA 1:5

Afuni Israel mene nen he, Allah inabithogo logolik, ane sagalogo weagenek hilingiri'lagwi andiba re, wene igi mene andem mondogat hilinglasigin o. Ero sa weak elekwe afuni Israel mene weak hilingiri'lagwi nogo? Ero re o kota Samaria eroma werek mene omanogo inonggwaregen aro. Nen, ero sa weagen it afuni Yehuda mene tugwi kembu fogerari'lagwi nogo? Ero re it afuni o Yerusalem mene inonggwarek weagenaro.