AMOS 6:6 - Allah Wene Fano Wene Hupla Inane

⁶ Hit he, hinagai anggur enggen amusu mangkok oba ambem hetokhogo hinagaisogo ninggik, hinebene amusu amben fano mene warigik, hilingiti logoligat he, hit Israel mene hinebe weaget hinabigin mene andi faget hinendawimo weak agi'lek welagep andi ri!

AMOS 6:6 ပူးပေါင်းရင်းမြစ်များ

KEJADIAN 49:22

Nen, hat Yusuf hobabut he, wam keledai eak mene hangge o. Keledai eil poloksek mene i elesi, wulibi wagare'ma welagarek mene hangge. Logolik, humusek tom a'makwe Lagerek mene hangge welagen o.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

ESTER 3:15

A'nogo isukwama re it ap yonggo lakfisagarek mene omanogo nen he lisu palek a'nogo waluk weak-weak o kerajaan andiba nen propinsi omanogo mondogat ebene waluk lagaukwa. Nen at raja nen amingmingengge oba re wene melalek a'nogo re o Susan it afuni Persia mene inawi eroma andoma inom fagetukwa. A'nogo hilingitukwasik he at raja inom Haman inom he, hu'lagaukwasik i anggur amusu ninggi logolik hurek welagaukwa, oba nen he o Susan oba andoma nek he wene a'nogo faget youk kwelakfesukwasik hilingiti lagaukwa.

YESAYA 28:1

O kota it afuni Israel inaben lugu-lugwi palhi logolik inendawinggen himbirogo werek aiba andi re alomat lakhoak. O andi elokhe fano pugunsek mene andi re owil-owilengge mintagaisogo hinunggulkwe pugetunem weak-weak lionggo ikherek andi hangge asigin. O kota kweang mulire'ma tonggo ebema tulem wolonghogo wurogo liabek were'ma afuni anggur enggen amusu naluk lugu-lugwi palhi logolik foget fakhagarek awi andi re alomat lakhoak.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

YEREMIA 30:7

Yago, linggene fulu polan mene a'nogo arat asi waga, linggene andi inom ekhe higirabesu elo'lek mene. It An nagainafuri nen he linggene andi re inendawinggen fit lasigin mene, oba nen it inebere An nen inagap telinabigin o,” ikhe.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

HOSEA 3:1

Tuhan nen An yaganeti logolik yi'nogo ikhe: ”Haren, hagwe obabut agun oba lomborogo logou abirengge we yanani nilik nikherek mene andi hobuk oba lan o. Lambik he, An nen afuni Israel mene inebe An hera'nobagaluk, hunogo mene faget, Nineisena ebe yi aro, iluk fogeratarek mene andi fogeratik, anggur enggen puk mene werago tugwi kembu fisugu mene faget inamolo welagik, ugu kwelek meneat he, An nen nendawirinafirek andi hak, haren he andi hendawirasi lan o,” iluk yaganete.

AMOS 2:8

O An nawi wuri'mo mezbah ebe lombok era'lukwe omanogo re, iren su afuni inenggi lek mene inoba onggo hobuk wokhosugun iluk wanharek mene omanogoba talfuluk nogoli'lagwi andi. Nen, it ineisena Allah awi wuri'mo nen he afuni it inoba palegengge werek mene inangge anggur agai omanogo helaluk nili'lagwi.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

YOHANES 12:3

A'nogo nunggu kwelek, at he Maria nen amusu enu naruwastu amben fano mene onggo hokhorogoat palharek mene Yesus eisok oba watfesikhesik he, at Maria onggwarek esiba tetikhe. A'nogo tetikhemo, oloba a'nogo amben mondok sang-pang isikhe.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

1 TIMOTIUS 5:23

Ou en hundik-handigat homame lek agarek a'nogo nen halabut faget i nek ninggi logogin lek. We, anggur amusu fano mene ekhe endebat inom ninggi logoino.