AMOS 6:2 - Allah Wene Fano Wene Hupla Inane

² Hit hinebe o Kalne andoma hineilenggen halano o. Laluk pikhit he o kota hokho mene Hamat oba andoma lambik he, o kota Gad afuni Filsitin mene inaiba andoma lano. Hiren anggikhi logolik o kerajaan Yehuda oba inom, Israel oba inomen he o kota-kota andoma nek he fano anggikhi logolik hilingiti lageba? Nen wilayah iren mene re hokho nen nit mene re endep hangge anggikhi lageba?

AMOS 6:2 ပူးပေါင်းရင်းမြစ်များ

KEJADIAN 10:10

Attak-attak ap inenu werek logolik wene melalinafunem it kerajaan aren mene re Babel inom, Erekh inom, Akad inom, o sili andem he, o Babylonia kweang oba andoma welagaikhe.

2 SAMUEL 8:9

A'nogo hilingitukwama at raja Tou o Hamat agun a'nogo nen esanggo holhasikhe re at Hadadezer agoromi sikhe fisogo mene omanogo mondogat mabenet fisaga o, iluk ugunem holhikhe.

1RAJA-RAJA 8:65

A'nogo hilingiti logolik, at Salomo inom, afuni Israel mene inebe mondogat inom, inomen endamat afuni Israel mene o sabu enggaba salhigik wurik welagaukwa a'nogo inendawimo eberek logolik, pesta nineisena Tuhan awi wuri'mo andoma inenggi 7 nen hilingitukwa. A'nogo hilingiti logolik, afuni inebe mondok hokhorogo i elesi kwe higit o Hamat lagaikharek oba andoma nen pikhit o Mesir huliba andoma andogotukwa.

2 RAJA-RAJA 17:24

It afuni Israel mene huginabi lagunem woginapluk lagaukwa mene omanogo inobali'mo re raja Asyur mene nen o Samaria kota andoma bene re afuni Babel mene inom Kuta mene inom, Awa mene inom, Hamat mene inom, Sefarwaim mene inom, andoma fisa wagaukwa. Afuni andoma o andi kwi wagaukwasik femhogo welagaukwa.

2 RAJA-RAJA 17:30

A'nogo wuti logolik, afuni Babel mene nen inanggembu dewa Sukot-Benot wutik, afuni Kuta mene nen kembu Nergal agut hilingisogo wutik, it Hamat inaben inanggembu Asima agut hilingisogo wutik,

2 RAJA-RAJA 18:34

Afuni o Hamat mene inom, Arpad mene inomen he, inandugwi kembu faget, nineisena ebe yi aro, iluk ikhi lagaukwa mene andi nen, ekhe telinafikhe mene werek nogo? Nen, afuni o Sefarwaim mene inom, Hena mene inom, Iwa mene inom, inaiba andoma inandugwi kembu faget, nineisena ebe yi aro, iluk ikhi lagaukwa mene andoma nen telinafikhe mene ekhe werek nogo? At he, it andoma nen afuni o Samaria mene telinabi wagaikhe mene ekhe werek nogo?

2 RAJA-RAJA 19:13

Afuni o kota Hamat mene inom, Arpad mene inom, Sefarwaim mene inom, Hena mene inom, Iwa mene inom, inogogwi raja-raja inebe koma lagaikhama nogo,” iluk yagatikhe.

2 TAWARIKH 26:6

At Uzia nen he it ap Filistin inap inom, weim yabi lagaukwasik he, aren o kota Gat, Yabne, Asdod inom, leget pa' leget omamerogo waganek welagaikhe mene omanogo meisak-langkukhogo lakfisasikhe, aren hobuk he o kota-kota andoma mondok ning maniberogo o Asdod horokhogo andoma inom, o it afuni Filistin mene werekwe alekwe andoma inom wutikhe.

YEREMIA 49:23

Tuhan nen Damsyik faget ikhe mene re yi, ”Afuni o kota Hamat inom Arpad inom he wene weak mene holhasik inendawi fiti logolik inoak leigeri'lagwi. It inendawinggen suk sak ikhi logolik i laut founak lenggak hikherek hak nonghong ili'lagwi.

NAHUM 3:8

Hit Niniwe mene yi sani, hiren he, o Tebe it Mesir mene inawi eroma ibu kota andi re sebelek kwelek nit enek he lego welago iluk ikhi lageba? O Tebe andi re, i aikmo were'ma, i andi nen it inebe faget leget fak waganek hakhogo ferinarek hilingi'mo re, eberogo nen he i Nil andi re it inendawi hambugengge werek.

1 SAMUEL 17:23

Lagaikhesik, ogogwi inom wenenggak ugunem, ap Goliat a'nogo inelokhoma higit wagaikhesik he, hundik-handik ane asegen wogisikhi lagaikhe hagat wogisugunem at Daud esanggo holhikhe.

1 SAMUEL 17:4

A'nogo hilingik kwelek ap misik ekhe aiba kota Gad mene, weim ailo'lek yaferek mene enu Goliat, ap Filistin mene inawi tenda wuri'mo nen ap tentara Israel mene inoasigiluk wulibi wagaikhesik ane asegen wogisikhi lagaikhe. At oagese re, mondok uan 3 meter hangge.

1 SAMUEL 5:10

Inane a'nogo sagalik lagaukwasik, Peti a'nogo afuni Filistin mene inawi kota ekhe enu Ekron agarek oba andi waluk lagaukwa. A'nogo waluk lagaukwasik, o kota andoma fei lagunem he, afuni o kota andoma mene nen inane hokhorogo mel isukwa: ”Afuni Israel mene ineisena Tuhan nen Peti wene warogo woginafikhe iluk hilingik mene andi nit ninebe mondogat ninoasuagaluk waluk wagaikha andi nenahalok,” iluk isukwa.

1 SAMUEL 5:8

A'nogo isukwasik, afuni Filistin mene inogogwi kaindek inebe 5 nen omanogo andogosi wesuagaluk inayonggo fesukwa. Inayonggo fesukwama wagaukwama re, mel yagaisasukwa: ”Afuni Israel mene ineisena Allah nen Peti Wene Warogo woginafikhe iluk hilingik mene andi ninggi'nogo hilingisugun anggegep,” iluk heinok wogisasukwama, iren he, ”O Gat andoma lakfeino o,” iluk yagaisasukwa. A'nogo yagaisasukwama, afuni Filistin mene inaiba kota ekhe enu Gat andoma lakfesukwa.