AMOS 6:13 - Allah Wene Fano Wene Hupla Inane

¹³ Hit hinonggwarek foget fakhikhi logolik, niren Lodebar omame leget fesugu iluk ikhi lagep. Nen, hiren nekhengge hinane ikhi logolik, ”Nit he, o Karnaim pin kwi logoin he ninomame elogat welago,” iluk ikhi lagep.

AMOS 6:13 ပူးပေါင်းရင်းမြစ်များ

2 RAJA-RAJA 13:25

A'nogo menlagaikhemo raja Israel mene Yoas a'nogo nen Benhadad a'nogo enggi henagan oba mabenet fesikhesik, aren o kota-kota ap Yoas eisena Yoahas a'nogo raja logolik telasikhe mene omanogo nekhengge oak waganogo helasikhe.

2 RAJA-RAJA 14:25

Hun Yerobeam pirenek mene andi nen o afuni Israel mene inaiba welagaukwa kwe o Hamat abel utara fikhit andoma inom, nen selatan fikhit he i Laut Mati werek huli andoma inom, aren nekhengge telasikhe. Andi re afuni Israel mene ineisena Tuhan Allah nen he At amingmingengge nabi Yunus hun Amitai amlogo aiba o Gat-Hefer mene a'nogo bene nen wene warisasikhe higithogo hilingitikhe.

AYUB 31:25

Athe, yabu nenggi omameba nangge yi mene ti mene saburogo fakhaluk, neilmo wulalhak welagi iluk fogerakhigirek legaro.

AYUB 31:29

An naselei mene yi enggin ti enggin higik, mondok weagat lagik, ugu halok, nendawimo nagaiyek hikhi lagi legat.

AYUB 8:14

Yo omosi lekhogo eil sakho meneba endawi tebet fikherek, kimalin agalesanggeba wurogo endawinggen yamuk ikherek.

AYUB 8:15

Agalesangge andiba tibet fuluk hilingisumo re elok omame werega? Nen, yo andiba inenggi senengge iluk senogo logoumo nen he omamerogo logou hak nogo a? Elo'lego.

MAZMUR 2:2

It afuni kweangma mene inogogwi raja-raja omanogo inom, kaindek-kaindek inomame hokho mene omanogo inomen, nit nineisena Tuhan inom ap Raja Aren wenagaisogo fikhe mene a'nogo inom, emberek inoasuogoluk weim abok inebe mondogen inane misik seberogo mata andi.

MAZMUR 75:4

Kweang inom afuni kweang amboloba werek mene mondogat inom leigesigin, oba nen he, timuk warogo liabek mene andi re An nenat omamet fikhi logogin, ikhe.

MAZMUR 75:5

Afuni inane nen lalogo agaugerik lagaikharek mene inoba re, ekhe inom agaugerik lanogoluk he An nane ikhi lagi andi o.

PENGKHOTBAH 11:9

Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego.

YESAYA 7:1

Raja Ahas hun Yotam amlogo Uzia omba andi re afuni Yehuda mene faget raja logolik ferinarek were'ma nen weim kagal agaikhe. Raja Siria mene Rezin andi inom raja Israel mene hun Remalya amlogo Pekah andi inom, misi'mo sebetukwasik Yerusalem mene inoasugun iluk weim kwi wagaukwa, oba nen he iren o kota a'nogo sebeli ku elo'lek agaikhe.

YESAYA 7:4

Lambik yagati logolik he, ”Hendawinggen hambukhogo logolik hafe hebelogo logoino. Hailo a'luk ninggi'nogo hilingisigin iluk nonghongge hilingisu fuk. Raja Pekah inom, Resin inom, it inagoromi tentara o Siria mene andoma re we elo'lek hangge, endu aro pire meneba nen amulok legengge so'le nek irop arophogo lagaikherek andi hak werek.

YESAYA 8:6

”Afuni yoma nen he i Syiloah aganhan mene ane legengge agum puakhogo lagarek agai a'nogo herakfisagasik he iren inoe raja Rezin inom raja Pekah inom faget inagaiyegeri'lagwi.

YEREMIA 50:11

Tuhan nen ikhi logolik, ”Yago hit Babel hinap yi re, hit he An nagainafuri mene telogo woginabuogeluk hilingitep. Hit he wam kuda nen ane kweti logolik agaiyegen hukhogo lagagik pigik hilingiterek hak, nen wam sapi engga tekhigik nilik laga logolik hilingiterek hak hilingiti lagep.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

YEHEZKIEL 29:3

Tuhan Lego Mondok welagarek mene a'nogo nen wene hilingisuageluk ikhe mene yi hat raja Mesir mene yagahesuageluk mimingnafi logolik yi'nogo ikhe, ”An yi re hat haselei mene welagi o, buaya hokho mene i laut obakhe tulem pourek welagen mene yi re. Hat hane nen weregap hikhi logolik i Nil andi an nagai o, an nen elalhigi mene ikhi lagen.

YEHEZKIEL 29:9

Mesir kweang oba andoma hobuk afuni inareng mondok terenghogo hilingi'mo asigin. Andiba re hiren An Tuhan nebe hinelu asugun,” iluk ikhe. Tuhan nen ikhi logolik, ”Hat raja Mesir mene yi! Haren ikhi logolik, i Nil he an nagai o, an nen hilingitigi mene ikhi lagen.

DANIEL 4:27

Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

DANIEL 4:30

mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

YUNUS 4:6

Were'ma re, Tuhan nen at Yunus endawimo fanorogo kunmo logouwagaluk hobut hangge mene ekhe yakfei wagaikhe. A'nogo yakfei wagaikhemo re at Yunus endawimo agaiyek mondok hokhorogo agaikhesik kun a'ma welagaikhe.

ZEFANYA 3:11

Yago nagainafuri e, andem sambul he hiren An nane sagalogo fuluk hilingiti logogun andiba An noba hinenggalirogo hilingiti logogun lego. Afuni winik-wonok agarek mene inom, inendawimo legeisogo fakhagarek mene inom he, An nen mugisogo wulakfisagain o. Hiren he, An nandom mondok hore'ma andoma nen An nane sagalogo fuluk ekhe hilingiti logogun lego.

ZAKHARIA 1:19

A'nogo hasigisik an nen malaikat ane an noba isikhe mene a'nogoba heinok wokhikhi logolik, ”Andimuk andoma re, wene ebe ninggi'nogo mene faget?” iluk yagati. A'nogo yagatimo aren onggo yaganeti logolik, ”Andimuk andoma ebere o ”kerajaan” mondok omame mene nen afuni Yehuda mene inom, Israel mene inom, Yerusalem mene inom, pugulogo nalek-falek hilingfisasukwa mene ilirenggerogo were'ma hegen o,” iluk yaganete.

YOHANES 16:20

Hobuk hit hinendawimo nen he li le aga logogun meneat he, it afuni kweangma mene inendawimo inagaiyek asigin o. A'nogo meneat he, hit hinendawimo weak logogun mene andi, hobuk fano agunem hinendawimo hinagaiyek hokhorogo asigin o, iluk eberogoat yagahisigi.

YAKOBUS 4:16

hinonggwaregen fogerakhigik, agaugwerakhigik, ilik nikhi lagep andi ri! A'nogo fogerakhikhi lagep andi re, wesa aro.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.

HAKIM–HAKIM 9:27

Ariginik logolik iren anggur enggen yabumo tagani lagaukwasik anggur agai ferelogo i nunggu mene hilingfesukwasik iren seni isatukwa. Isatukwasik he iren he inandugwi kembu apne wanharek oba omanogo nen inamburu ninggik, inagai ninggik ikhi logolik, Abimelekh a'nogo homan fikhi lagaukwa.

1 SAMUEL 4:5

Peti andi a'nogo waluk laga lagaukwasik, o su mene wuri'mo fei lagaukwama re, ap Israel mene inane ami'mit hokhorogo sup isukwama kweang mondogat abolok leik isikhe.