A'nogo nolhikhemo endu nunggu kwelek, at Yosia elokhe hebekhogo punu andiba afuni warek salinafukwaba eilenggen yethasikhesik, ap ekhe nen afuni warek salinafukwaba nen inoak yegelogo waluk wesuageluk, yagaisasikhemo, lagaukwasik, inoak andi yegelogo waluk wagaukwama, endu ninggi lagaikheba a'nogo nolhikhe. A'nogo hilingiti logolik, yi mene ti mene tugwi kembu faget noleti lagaukwaba obuluk weagarogo seramet fesikhe andiba, ap ekhe Tuhan ane yagaisikhi lagaikhe mene ekhe nen ap raja Yerobeam ebe, yi mene ti mene tugwi kembu faget noletarek oba obuluk andoma era'lu were'ma, ”Hobuk yi'nogo hilinglasigin,” iluk endamat yagatikhe mene a'nogo higithogo hilinglagaikhe. A'nogo hilingitikhesik, at Yosia nen ap warek salhukwa mene ekhe eilenggen yethasikheat.
AMOS 6:10 - Allah Wene Fano Wene Hupla Inane10 A'nogo wa'lasumo, ap misik ekhe it ineisok erokwe ap warek a'nogo saligiluk agailak warek a'nogo wani wesimbik wilibigin. Waluk wilifi logolik, aren ap o andi ambolkwe fikhit logogin mene a'nogoba ikhi logolik he, ”Hat hinom he afuni ineluk werek mene ekhe werega?” iluk heinok wanigin. A'nogo ugunem onggo ugu mene holhugunem he, ”Lego!” iluk igin. Ap misik it ineisok erokwe mene nen ap warek salherek agun a'nogo nen ikhi logolik, ”Hane ekhe inom ugun! Niren Tuhan enu ugun mondok lego,” iluk igin. အခန်းကိုကြည့်ပါ။ |
AMOS 6:10
11 ပူးပေါင်းရင်းမြစ်များ
Andi faget he yogondak An nen hit afuni Israel mene o Mesir welagep mene hinoba ikhi lagi yi holini o: An Tuhan Nenupogot nonggwarek nenu igisogo hombuk palhi lagi enggere, hiren amu mene hinom wene wasuogeluk An nenu uluk wene wati logogun mondok lego. Hiren wene wati logolik, ’An he Allah eluk mondok welagarek mene enuba ikhi lagi,’ iluk ikhi logogun legaro.
Tuhan Lego Mondok welagarek mene a'nogo nen ikhi logolik, ”Hit afuni Israel mene yi sani, Yogondak he, we hiren hilingisugun. Hiren hinandugwi kembu andoma fogerati logolik weak hilingiti logogun andi re hirenat! Oba nen he hinelurogo, andi mondogat hilingfuluk he hit hobuk An nane furogo hologo hilingiti logogun. Nen, hiren hinandugwi kembu omanogo faget fugu mene waluk wogosi waga logolik, An nenu fano horek welagi mene a'nogo weagerogo fikhi logogun mondok lek.
wene yi'nogo hilingisuageluk yagaisano iluk yaganetemo, iren he Tuhan Awi wurik a'nogo faget foget fakhikhi lagep. Hiren he hineilenggen kwelakhikhi logolik o ebe wuri'mo omanogo laga lagep, oba nen Tuhan nen At aiba andi emerogo mondogat weaget fagain. Nen hit hineisok erokwe mene inebe yenggerek oan meneba nen o Yerusalem yoma werek mene re weim yafi logolik inoasugun o, iluk igi.