AMOS 5:7 - Allah Wene Fano Wene Hupla Inane

⁷ Hiren wene higithogo hilingitu awene a'nogo agam fagam isigik, eberogo mene kweangma hugisaluk hineisogen sebelisigik, ikhi lagep mene oma re alomat lasugun o.

AMOS 5:7 ပူးပေါင်းရင်းမြစ်များ

MAZMUR 125:5

Oba nen he it afuni lalogo hilingitarek mene inom, it afuni kwanirogo hilingitarek mene inom At Tuhan nen unggum inoba fagain logouwak. It afuni Hat hagainafuri mene omanogo inebeba fanorogo nek logouwak!

MAZMUR 36:3

Aren anggikhi loglik he an enek he nalong werek nagun welagi anggikherek, andiba re aren aweak hilingiterek mene a'nogo oba ebeterek lek, nen at aweak faget abit anggikherek legat.

AMSAL 21:7

Ap ina'mage hokho mene andi re wene melalek higithogo hilingiterek lek, nen it inonggwarek ina'mage lagaikherek andiba enggin-fenggin hokhorogo inoba fakhagarek.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 10:1

Hit ap wene melalek higithogo hilingiti'lek logolik An nagainafuri mene hinomameba sebelinarek welagep mene andoma re hinebe alomat lakhogoin o.

YESAYA 46:12

Ap winik-wonok ikhi lagep mene yoma sani, hiren anggikhi logolik inomame agaikharek mene re yatma werek iluk anggikhi lagep mene andi re An nane hinesanggo holini o.

YESAYA 5:20

Hit afuni wene eberogo mene inom kwanirek mene inom agam fagam isigik, mum mene inom, selek mene inom agametik, arik weak mene inom, enduk mitsek mene inom agametik, hilingiti lagep mene andoma re mondok alomat lakhouwogeluk welagep!

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YEHEZKIEL 18:24

Oba nen he, ap fano meneba nen fano hilingiti lek engge weak hilingitu mene eroratik, ap kwanirogo hilingitarek mene nen ina'meilorogo hilingitarek mene omanogo hakhogo hilingitik, ikherek mene andi re eluk logogin anggegen? Lego! Aren obabut fanorogo hilingiti logogin mene aremnogo tem misik hogoluk ekhe ebet hagain lek. At andi re An noba tiphogo welagi'lek weak mene nek hilingiti logogin andiba re at ebe wa'lasigin.

YEHEZKIEL 3:20

Ap ekhe fano hilingiti logombigen hebekhogo weak hilingitu mene eroratunem, haren oan komot higi'le'ma An nen wene enggin mene oba foumo at ebe wa'lasigin. Nen at ebere onggwarek aweak ambisangma nen wa'lasigin, nen aren fano hilingiti logogin mene andoma An nen ebethagain lek. Oba nen he at ebe wa'lasigin mene andi faget enek he hat hoba hikhibet heagain.

YEHEZKIEL 33:18

Ekhe inom An nen omamerogo ikhi lagi, ap ekhe fano hilingiterek mene nen, hobuk weak hilingitu mene erora'luk hilingitarek mene re, andiba wa'lasigin.

HOSEA 10:4

Iren he inane nen weregaberik lagik, ineranhogo weneba wene watik, wene watu mene andi eberogo mene re lek oba nen, hilingiri'lagwi. Wene melalek he iren agaum-fagaum hugunem katokhogo hilingitu mene a'nogo re yabu fano waganek enggeba omirik arikweak mene wiliferek hak sebelogo fili'lagwi.

AMOS 2:3

O Moab oba andoma inoe enggi faginarek mene inom, nen at a'ma pemerintah ba yabu hilingitarek mene inom he An nen inebe pinggi inoasigin,” iluk ikhe isikhe.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

AMOS 6:12

Wam kuda tom unggulkwe uarek lagarek nogo? Afuni ekhe i laut yenggelekwe nen, wam sapi nen lisogo waluk yabu wani kwagarek nogo? A'nogo meneat he, hiren hilingisu elo'lek meneba nen tiphogo hilingitu aple omanogo agaumhogo re inendawimo ale palerogo afuni inoatarek mene hilingfikhi lagep, nen, eberogo mene a'nogo agaumhogo re weak mene hilingfikhi lagep.

MIKHA 3:9

Yago, hit ap kaindek afuni Israel mene inobaget welagep hinap yi sani, an nen nane igin mene andi re furogo holini o. Hiren he afuni inawene katokhogo palinafi'legengge hilingfisikhi logolik, agaumhogo re weak mene nek hilingfisikhi lagep.

HABAKUK 1:4

A'nogo hilingitu kwelek welagen andiba re, weak mene nek hilingiti logolik wene melalek sagalogo mabenet figik, higithogo hilingitarek awene faget omamerati'lek welagik, afuni tiphogo nek hilingitarek mene omanogo sebelogo fisikhi logolik he iren weak hilingitarek mene omanogo omameratu werek andi. A'nogo hilingiri'lagwi andiba re, fano higithogo hilingitarek awene a'nogo hebekhogo re weaget fili'lagwi o.

ZEFANYA 1:6

It afuni an nambit wagi'legengge nen, An noba, ’Yi'nogo yaganisoageluk’ kino yaganeti legengge hilingitik, An nombo'ne lagi'legengge hera'nobagaluk lagik, agarek mene andoma re An nen mondogat legetfisagain o,” iluk yagaisasikhe.

ULANGAN 29:18

Arigini'mo re hit afuni andoma hinanggele'ma nen ekhe ap mene a, he mene a, it o hulu misik mene he a, it henawi misik mene he a, ya mendek welagep mene misik ekhe nen nit nineisena Tuhan Allah a'nogo herakfuluk afuni inunggulenu amu mene nen amu mene faget allah ap-ap elalfuluk apne wanharek mene andoma inoba apne wanilagep hanogore furogo kagalek logoino. Hiren a'nogo hilingisugun halok he omanggen ale weak mene inom, wa'lagaikharek mene inom wuliferek a'nogo hakhogo asugun o.