AMOS 5:25 - Allah Wene Fano Wene Hupla Inane

²⁵ Hit afuni Israel mene yi sani. An nen hit wokhinarek o leikwe nen wagu kwelek 40 tahun hilinglagaikhe andi. A'nogo wokhinarek wagu kwelek, hiren wam, sue, yi mene ti mene An nobaget nobagagik, endu nolnetik, ini o, iluk yagahisikhi lagagi lek anggigi.

AMOS 5:25 ပူးပေါင်းရင်းမြစ်များ

NEHEMIA 9:18

Iren he, tugwi kembu sapi mene alik hilingitukwasik mel isukwa andi: Nineisena Allah afuni Mesir mene nen inamingmingengge higit fetninarek were'ma wo'ninarek waga a'nogo ebe yi aro iluk isukwa andi, Allah nineisena, hat hebeat inendawimo seramet hobagasukwa andi.

NEHEMIA 9:21

Haren it o leimo afuni le'ma andoma, 40 tahun ferinarek logolik, yi mene ti mene it lek mene elokhogoat wogisikhi lagagin. It inasu tilibikhi lagaikhe mondok lek andi. It ineisok ou agik, fitik, ikhi lagaikhe mondok legat andi, neisena.

YEHEZKIEL 20:16

An nen na'mage it inoba fesigi mene andi re iren An nawene melalek omanogo furogo hilingiti'legengge hilingitik, yi'nogo ti'nogo hilingi'no iluk yagaisugu mene omanogo sagalogo figik, linggene sabat mene a'nogo emerogo figik, hilingiti lagaikha andiba. It he inanggembu fogerasuogeluk enek he inagaiyek mondok welagaukwa.

YEHEZKIEL 20:24

Andi re iren nawene melalek a'nogo tiphogo hilingiti'legengge, wene yi'nogo ti'nogo iluk melalek werek mene a'nogo taganhogo hilingitik, linggene sabat mene a'nogo emerogo figik hilingiti logolik, kembu it inombawi nen fogerati lagaukwa mene omanogo fogeratik, ikhi lagaukwa andiba hilingitigi.

YEHEZKIEL 20:8

Oba nen he iren An nane sagalhi logolik, An nane holu aple inabit anggikhi lagaukwa. Iren he tugwi kembu it inebe emetfisikherek mene ilirenggethigik werek mene omanogo hugisare inabit logolik Mesir mene inandugwi kembu omanogoba fogerasuogeluk ogo kamo ikhi lagaukwa legat. It inebe andoma welagaukwaba andem he An nen nanini it inoba fagain iluk mondogat fouget fesigi.

IMAMAT 17:7

It afuni Israel mene halok he hundik-handik Tuhan oba himbirik logolik enek logogun. Nen, hiren we misigam iluk ogo ekhe yi wam ti wam nen yi mene ti mene yabumo warek mene munggwat jin-jin inafe hebelek logolik inanini mondok weak mene iluk inobaget wam warogo fisa fuk. Wene melalek yire fanorogo holfuluk higithogo hilingiti logolik enek logogun.

ZAKHARIA 7:5

”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.

YOSUA 24:14

A'nogo yagaisasikhesik, at Yosua nen wene ekhe mel yagaisasikhe: ”Nineisena Tuhan nen a'nogo yaganisasikhe andi. Halok he, yogondak hiren he, at agaukhogo hilingiti logoino o. At amingmingengge a'luk, hinendawinggen misigat logolik, oba lombokhogo mondok logoino o. Ninombalak o Mesopotamia inom, Mesir inom, logolik hunogo mene faget, Nineisena ebe andiat, iluk oba himpirik logolik fogerati lagaukwa andi hangge, andi mene ekhe fogerati'lek, we, nineisena Tuhan amunek amingmingengge a'luk logoino o.