AMOS 5:24 - Allah Wene Fano Wene Hupla Inane

²⁴ Hit hinobabut he, i elesi wulibisogo lagarek andi hak, wene higithogo pilingitarek mene andiat esinet figik, i elesi agai lagu mondok welagarek andi hak, higithogo nek hilingiti logouwogeluk esinet figik, ikhi logogun andi nek he mondok fano.

AMOS 5:24 ပူးပေါင်းရင်းမြစ်များ

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

YESAYA 48:18

An nen nawene melalek yagahisigirek mene andoma hiren futfikhi logoumo nen he, fanot hinobagagu mene andi re i firitok igi'lek lagu mondok welagarek andi hak hilinghinobagakhi logou hago, nen haren ambisangma hilingirik lagain kwe andoma re i laut agum aloget figi'lek founalhu-lenggalhu mondok welagarek andi hak logou hagaro.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

YEHEZKIEL 45:9

Tuhan Lego Mondok welagerek mene a'nogo nen ikhi logolik, ”Yago, hit ap Israel hinap hinenu werek mene yoma sani, hiren weak mondok hilingiti lagep mene andoma re arat hilingitebo! Hit hinendawimo nen anggaluk afuni holhu mene sebelogo fisikhi lagep mene andi re herakfisani o. Hiren he eberogo wene inom katokhogo hilingitarek awene inom hilingiti logoni o. Hiren we ibi-eberogo misigam iluk ogo An nagainafuri inanggweang oba nen mugusogo wulaginabugun hanogo. Iluk An Tuhan Lego Mondok welagirek mene a'nogo nen wene andi hit hinoba yagahisigi.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

AMOS 5:23

Hiren wuni anggilukweak wati lagep mene andi An nelokhoma nen herakfeni o. Nen, gitar wati lagep mene andi, hobuk watunem ane nesanggo holigin nabiro.

AMOS 5:7

Hiren wene higithogo hilingitu awene a'nogo agam fagam isigik, eberogo mene kweangma hugisaluk hineisogen sebelisigik, ikhi lagep mene oma re alomat lasugun o.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.