AMOS 5:12 - Allah Wene Fano Wene Hupla Inane

¹² Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

AMOS 5:12 ပူးပေါင်းရင်းမြစ်များ

AYUB 20:19

Aren he ap amu mene sebelogo fisigik, ap inangge lek mene inoba weaget fisigik, o aren wute lek meneba nen telogo heligik hilingiti laga.

AYUB 31:21

Wene pilingitunem it yenggerugwi suarek mene sebel fisaluk, an nane esinet fogoin iluk, it wene pilingitarek mene inenggiba figimo halok,

MAZMUR 127:5

Ap ekhe againafuri ap tago inebe elok werek halok he, inendawimo inagaiyek ikhi logouwak. Ap ariginik mene andi re, afuni inom weak mene re, inanema wanharek oba andoma nen wene oba fugunem, at ebe mabenet fogoin mondok elo'lego, iluk wuni watikhe.

KELUARAN 23:3

Hiren unggum heirogo hilingiti logolik, ap inenggi lek mene inawene oba nen he, latfal isigik, inelokhe penetik, u fuk.

KELUARAN 23:6

Ap enggi lek mene ekhe awene higithogo tegetnesuageluk waluk wagu halok he, hiren it andi inawene heirogo nek hilingfisikhi logoino.

AMSAL 17:8

Ap fena nen anggikhi logolik he uang inenggi a'makwe wogisagarek mene andi omame werek anggagarek, uang inenggi a'makwe helagarek mene a'nogoba yi wene ti wene elok hilingirik logoin iluk anggagarek.

AMSAL 22:22

Ap enggi lek mene at omame le'ma iluk weagerinabu fuk, nen wene higithogo tegetuba andoma nen ap inenggi lek mene andi inangge nit sebelogoin iluk hilingisu fuk.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YESAYA 29:21

aben it ap amu mene ekhe inabok ugu aple inendawirek logolik ilik nikharek mene inom, afuni nen ap kwanirogo hilingitarek mene faget unggum wogisugunem inili woginafarek mene inom, afuni higithogo hilingitarek mene tiphogo hilingfisanogoluk wene ineranhogo wene sagarik nikharek mene inom, mondogat leget fisagain.

YESAYA 33:15

Hiren ambi hinane ugu mene inom, hilingitu mene inom, eberogo nek hilingitu halok he andiba nen hit hinebe elok hambuget hogoin o. Hiren nit hokhorogo helogoin iluk afuni inenggi lek mene inangge hinomameba telogo hela fuk, nen, uang inenggi a'makwe helugu mene wanhi logou fugat, nen ap inaniniba hilingisugun iluk wene palhu mene inom ap wasugun mene iluk weim abok ugu mene inom andoma hinom hilingisu fugaro.

YESAYA 47:9

Oba nen he, we eil misigam, lingge misik obaat, wene ero pire andem ambineat hilinglasigin, haren hareise aweneba inom, nen wesagun nen hilingitarek awene andomaba inom hilingisigin oba nen ogore, hat hagun inom hagainafuri inom legasugun aro.

YESAYA 5:23

Oba nen he hit hinenggi a'makwe saburogo helogoin iluk ap weak hilingitu mene omanogo fikhalogo fisigik, nen ap weak hilingitu lek mene omanogo re it inawene higithogo palinafi'lek hilingiti lagep.

YESAYA 66:18

An he iren ili'lagwi mene inom wenggeli'lagwi mene inom mondogat he nelu o. An nen afuni yi awi ti awi inunggulenu lombok misi'mo lambulogo fisageluk wesigin. Nen andoma andogosugun sambul andi re iren An nomame welagi mene a'nogo ineilenggen enegat neogoin.

YEREMIA 29:23

Iren weak hokhorogo afuni Israel mene were'ma nen hilingiti lagaukwa mene re; Babi lagik, Tuhan enu igisogo ineranhogo wene fagetik, hilingiti lagaukwa andiba it inoba a'nogo asigin. Iren ikhi lagaukwa mene andoma re Tuhan endawimo anggikherek mene inom agamsek hilingi'mo re, iren hilingiri'lagwi mene inobabut At mondogat elu logolik, it inomame lek hilingisogo fisageluk he At amu nen eilenggen isikhi laga. Iluk Tuhan ane mondogat igi ikhe o,” iluk palogo lakfesigi.

RATAPAN 3:34

Nit nineluk a'nogo hele warek logolik enggin-fenggin enek agu werek halok,

YEHEZKIEL 13:22

Ap fano hilingitarek mene omanogore An nen inendawimo ou asu mene ekhe hilinginafi lagi lek oba nen hiren lalinafi lagep oba inendawinggen lebeleget fisikhi lagep. Nen ap weak hiligiri'lagwi mene re inendawimo hokhorogo ekhe inom weak hilingiti logouwak nen it inagap telasugun hanogo iluk hilinginafi lagep.

HOSEA 5:3

Hit afuni Israel mene yi sani, hiren hinobabut yi'nogo ti'nogo hilingiti lagep mene mondogat he An nelu o. Hiren hilingiti lagep mene an neilhanem hinago mene ekhe werek fuk. Hiren tugwi kembu fogerati logolik, An noba lombokhogo logou re hinabit welagep. Andi nen he afuni hit mene ekhe an fogetnafu aple a'nogo re elo'lek ari'lago andi,” iluk yagaisasikhe.

AMOS 2:16

O andi sambul he, ap tentara inailo'lek mene inasikhe inarige kilelogo herakfisaluk heise wulibugun o, iluk An hineisena Tuhan nen nane arat igi,” iluk isikhe.

AMOS 2:3

O Moab oba andoma inoe enggi faginarek mene inom, nen at a'ma pemerintah ba yabu hilingitarek mene inom he An nen inebe pinggi inoasigin,” iluk ikhe isikhe.

AMOS 5:10

Hit he, wene pilingitarek oba ap ekhe wene weakhogo pilingisugunem wenagisagarek mene hinabit inoba fisigik, wene eberogoat agarek mene hinendawimo seramet fisigik, egepsek andi.

AMOS 5:7

Hiren wene higithogo hilingitu awene a'nogo agam fagam isigik, eberogo mene kweangma hugisaluk hineisogen sebelisigik, ikhi lagep mene oma re alomat lasugun o.

AMOS 8:4

Hit afuni o yiba logolik it ekhe inenggi lek mene enggin-fenggin inoba fugunem inebe lek ari'lagwi andi nen he, hinesanggo fanorogo holini o.

MIKHA 3:11

Hit ap o kota ba hinebe kaindek logolik hinalonghogo welagep mene nen ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, hilingiti lagep andi. Nen, hit ap nabi nen ogore, Allah nen yi'nogo hilingisugun iluk ikherek mene yagaisouwogeluk he uang wokhisugu halok enek he inawene palhik, nen hit ap imam en ogore, wene yaganisani iluk onggo palogo ugu halok enek he Tuhan nen awene melalek a'nogo yagaisigik, ikhi lagep andi. A'nogo hilingiti logolik, hit mondogaren he, ”Nit nineisena Tuhan ninom hundik welago, nen At ebe nit ninanggele'ma were'ma re, nit ninoba wene weak mene ekhe aga logogin lego,” iluk anggikhi lagep andi.

MIKHA 7:3

It inebe mondogaren he weak hilingitu mene faget enek inobabut mondok hibil-hebelhogo hilingitu welagaikharek. It ap ineabu legoma welaikharek mene nen inom, nen it hakim wene tegetarek mene nen inom ogore, wene tegesuogeluk he onggo tak wo'nisani iluk kinotarek. Nen, it ap inogogwi kaindegen ogore, it inendawimo anggagarek mene nek hilingisuageluk miminginafarek. A'nogo nek hilingiti logolik it inebe mondogarenat hilingirik lagaikharek andi.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

ULANGAN 16:18

A'nogo yagaisasikhesik at Musa nen ekhe inom yagaisikhi logolik, ”Hit hinaiba o kota ebe lombok At hineisena Tuhan Allah nen wokhisikheba andoma afuni wene heirogo pilingiti logouwageluk it ap wene katokhogo palharek inap inom, fena yabu amu mene faget hilingitarek inap inom menfisogoin.

ULANGAN 31:21

A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

YAKOBUS 5:6

It ekhe higithogo hilingiri'lagwi mene andi, iren onggo hit hinoati le'maat wene inoba fuluk inebe inoati lagep andi ri!

RUT 4:1

At Boas a'nogo o kota kwi louwogeluk lagaikharek oba, leget pa'leget kwe ambe pale'ma, afuni andogotarek oba andoma lagaikhe. Lagaikhesik omanogo hurek were'ma nen he at Boas nen ap andi hun Elimelek werekwe mene a'nogo ebekhalem andoma lagunem hasikhe. Lagunem he Boas nen at a'nogo wolhikhi logolik, mel isikhe: ”Nagailak, hebe ya hu'lasime o,” isikhemo ap a'nogo wagaikhesik aremnogo hu'lasi wagaikhe.

1 SAMUEL 8:3

A'nogo meneat he, it inobabut he, ineisena obabut higithogo hilingiti lagaikhe hak hilingiti lagaukwa lek. We, inonggwarek faget saburikhi logogun mene nek hilingiti lagaukwa. A'nogo hilingiti logolik, afuni weak hilingitarek mene nen he, at Samuel againafuri it werekwe asuagaluk uang inoba waluk wagunem helikhi logolik, wene afuni inoba higithogo figik, kotik, ikhi lagaukwa lek.