AMOS 5:11 - Allah Wene Fano Wene Hupla Inane

¹¹ Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

AMOS 5:11 ပူးပေါင်းရင်းမြစ်များ

AYUB 20:19

Aren he ap amu mene sebelogo fisigik, ap inangge lek mene inoba weaget fisigik, o aren wute lek meneba nen telogo heligik hilingiti laga.

YESAYA 16:10

Yabu kweang mondok heiselek welaga mene andi faget yogondak ap misigen iluk ogo ekhe agaiyek werek lek. Anggur yabu andi faget ap ekhe nen fogeratik, wuniba apne wanhik, ekhe ugun lek. I anggur agai hilingisugun iluk ap misigen iluk ogo ekhe perelogo keraligin legat. It inagaiyegen inabunugeri'lagwi mene andoma palfouwageluk an nen arat yagaisigi.

YEHEZKIEL 26:12

Hinaselei mene andoma nen he hangge henggi werekhogo fetaluk welagen mene andoma inom, onggo wanhu mene faget fisogo welagen mene andoma inom, telogoin. Iren he hat haleget pa'leget waganek mene inom, hawi femhogo wurik mene inom, meisalogo lakfisogoin. Arigin fuluk iren he helep omanogo inom, e inom, kweang inom mondogat waluk lambik i laut agumo hugesi logoin.

YEHEZKIEL 34:21

Hiren he domba ou mene omanogo tamakhogo lakfisigik, hinandimugen taung isigik, ikhi lagepma re it omanogo domba esa logalek oba andoma nen wulibi lili'lagwi.

HOSEA 9:2

Oba nen we eil misik logombik andem oba hit hinangge gandum enggen inom, zaitun amusu inom, anggur inom mondogat lekhogo nek logogun.

IMAMAT 26:16

An nen enggin mene hit hinoba asuageluk hilingfigik, hinebeba ou aganhan engge mene andi nen hineilenggen puk agik, nen hinoba fano asu elo'lek mene andi nen hutet hisugunem inebe mondok weak agik ugun. Hit hineabu wokfakhaluk awi yasugun oba nen he enggen oan ninggi'le'ma, it hinaselei mene nen sebela kwi we'luk ninggi logogun.

AMOS 2:6

Tuhan nen ikhi logolik, ”Afuni Israel mene hundik-handik weagenek hilingitu nen he, An nen eberogoat unggum wogisagain. Ap higithogo hilingitarek mene nen agaila'lak inangge we elama faget iluk wanhu mene nekhengge obali'mo fili'lagwi lek mene omanogo re iren inamingmingengge asuagaluk onggo huninafa. Andi hakhogo re iren afuni inenggi lek mene nen palegengge faget onggo obali'mo fou mondok elo'lek mene omanogo ogore, iren palegengge andi re, ineisok sandal wuthogo onggo fou hakhogo meneba nen he a'nogo nek hilingfisili'lagwi andi.

AMOS 2:7

Iren afuni inomame lek yi'nogo ti'nogo ekhe hilingsu lek mene ineisogen tandamerisigik, afuni inangge inelagaik mene filikhogo wulakfisigik, agarek andi. A'nogo hilingiti logolik, ap ekhe amlogo emberegen he helime silerik ekhe inamingmingengge nom werek mene re it emberegen fakfisaluk pailak hilinginabi lagwi andiba re, an nenu weagerogo fagarego.

AMOS 3:15

A'nogo hilingiti logolik, it inaiba o salim agunem welagaikharek oba andoma inom, o hibi agunem welagaikharek oba andoma inom, mondok weaget fisigik, nen o timuk oba liagaisogo wurik mene andoma tukhumhogo lakfisigik, igin o, Nen o hokho mene wurik mene andoma re mondogat wolelenggenhogo weaget figik, igin,” iluk ikhe isikhe.

AMOS 3:9

A'nogo isikhesik he, ekhe mel isikhe: ”Hiren he, afuni o Mesir mene inogogwi inom, Asdod mene inogogwi inom, werek mene andoma inoba lambik wene yi yagaisa lani. Yagaisikhi logolik he yi'nogo yagaisano: Hit hinebe re afuni Samaria mene inawi tom-tom welagaikharekwe andoma andogosi laluk he, it weak mondok hilingitik, hesangge-pesangge hilingitik, inenggi omameba sebelinarek welagik, mondok hokhorogo hilingiri'lagwi mene andoma, hineilenggen penesino o,” iluk ikhe.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 6:11

At nineisena Tuhan nen yi'nogo hilinglame igin halok he, o sili hokhondek mene inom magendek mene inom mondogat wolelenggenhogo legasigin aro.

AMOS 6:12

Wam kuda tom unggulkwe uarek lagarek nogo? Afuni ekhe i laut yenggelekwe nen, wam sapi nen lisogo waluk yabu wani kwagarek nogo? A'nogo meneat he, hiren hilingisu elo'lek meneba nen tiphogo hilingitu aple omanogo agaumhogo re inendawimo ale palerogo afuni inoatarek mene hilingfikhi lagep, nen, eberogo mene a'nogo agaumhogo re weak mene hilingfikhi lagep.

AMOS 8:4

Hit afuni o yiba logolik it ekhe inenggi lek mene enggin-fenggin inoba fugunem inebe lek ari'lagwi andi nen he, hinesanggo fanorogo holini o.

AMOS 9:14

Hobuk An nen afuni Israel mene inambotkwe fano logouwagaluk hilinginabigin. Inawi kota meisalagaikhe mene andi, iren hobuk ambotkwe wutfembik, inebe andoma logogun. Logolik, anggur awi yagaisogo enggen palogo ninggik, yabu ebe waganogo, yi mene ti mene yakfuluk, ebe palogo tagaisogo ninggik, ikhi logogun.

MIKHA 1:6

Andi nenat nineisena Tuhan nen mel ikhe, ”An nen Samaria mene inaiba andoma o meisalek helep enek kabok lagagunem o leimo andoma afuni nen anggur awi yati logouwageluk hilingisogo figik, o meisalek helep andoma o tonggoma kaboget figik, o tik warek mene mondok weinamet figik, igin o.

MIKHA 2:2

Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.

MIKHA 6:15

Hiren hinangge gandum awi feik lakfikhi logogun oba nen he enggen palikhi logogun lek. Nen, hinagayo zaitun amusu keralikhi logogun oba nen he, i amusu ebe hit he ninggi logogun lek, nen hiren hinagayo anggur enggen perelikhi logogun oba nen he i anggur amusu andi ebe hit ninggi logogun legat.

ZEFANYA 1:13

It mene inangge yi mene ti mene re mondogat telogoin, nen it inawi wurik he mondogat wolelenggen isogoin. Ma re iren inawi wurikhi logogun oba nen inebe logogun lek, nen it ineabu anggur yabu helikhi logogun oba nen enggen iti logogin mene andoma re it ekhe ninggi logogun legaro,” iluk yagaisasikhe.

HAGAI 1:6

Hiren awingge feik hokhorogo folhi lagep, oba nen he enggen ugu re endebengge nek palikhi lagep, hit hinangge nunggu mene higit ninggi lagep, oba nen he hinalabut ning ili'lago lek. Hit hinagai anggur agai higit werek, oba nen he hinoba homot hinobagali'lago lek. Hit hinasu re laberek welagep, oba nen he hinagap oba aganhanet hinobagali'lago lek. Nen, hit ap yabu hilingitu hinap onggo wokhisugunem helikhi lagep mene ogore aremnogoba higithogo hineluk logou lek hak ari'lago.

MALEAKHI 1:4

Nen it Esau ambisangma mene o Edom mene nen ikhi logolik he, ”Nit ninawi kota mondogat meisalogo potfisaga oba nen, niren hobuk ambotkwe wusugun o,” iluk ili'lagwi oba nen ogo re, At Tuhan nen onggo ikhi logolik he, ”It inawi kota andi hobuk ambotkwe wusugun fano meneat he, an nen meisalogo potfisagain o. A'nogo meisalogo potfisamo, afuni nen he mel ikhi logogun: Afuni weak hilingitu welagaikharek mene inaiba, igik, inebe Tuhan nen a'mage inoba fikhemo werek mene o, igik, ikhi logogun,” iluk ikhe.

ULANGAN 28:30

Nen hiren hineisena Tuhan Allah ane hologo hilingiti logogun lek halok he ero ariginik mene andi hinoba asi wesigin. Hiren hinagagwi helogoin iluk hinom lombolek werek kwelek it ekhe nen lisogo helikhi logogun. Hit hinaiba wuti logogun oba nen he hit hinonggwarek hinebe elonggoma logogun legat. Hiren e anggur awi yasugun oba nen he enggen hit ekhe nogoin legat.

YAKOBUS 2:6

A'nogo wenaginafikhe meneat he, hiren it inenggi lek mene halok hinendawimo sebel fisikhi lagep andi. Meneat he, sani nen hit hinebe weagethinafik, pemerintah mene nen hinanema wanuageluk inoba wokhinarek lagik, ili'lagwi nogo. It afuni inenggi hokhorogo werek mene andi nenat hilinghinabi'lagwi anggigi.