AMOS 5:10 - Allah Wene Fano Wene Hupla Inane

¹⁰ Hit he, wene pilingitarek oba ap ekhe wene weakhogo pilingisugunem wenagisagarek mene hinabit inoba fisigik, wene eberogoat agarek mene hinendawimo seramet fisigik, egepsek andi.

AMOS 5:10 ပူးပေါင်းရင်းမြစ်များ

1RAJA-RAJA 18:17

Lagaikhesik, at eilenggen Elia ebe yethasikhesik, ane hokhorogo mel yagatikhe: ”Nit afuni Israel mene ninaiba yoma o elokhenggen weagerarik nikherek mene a'nogo ari yethani,” iluk yagatikhe.

1RAJA-RAJA 21:20

A'nogo yagatikhemo, at Elia ebe at Ahab oba lagunem, at Ahab en eilenggen Elia yetha wagaikhesik he, mel yagatikhe: ”Hat an nemberek weak welagorek a'nogo yogondagen noba wagenma ambi aga lago ari a!” iluk yagatikhe. A'nogo yagatikhemo, at Elia nen he, ”Eberogoat egen o. Hat Allah eilhanem honggwaregen hebe weak hilingisogo fakhikhi logogiluk wenagaisogo fakhegendik hilingiti lagen yoma re!

1RAJA-RAJA 22:8

A'nogo yagatikhemo, at Ahab en he, ”Hun Yimla amlogo Mikha andi nek misik ekhe werek. A'nogo meneat he, aren wene hobuk hilinglasigin mene faget wenggelogo ekhe yaganeterek mondok lek, we weak mene nek yaganeterek andi nen, an at ebe mondok nabit higirek mene andi nek werego,” iluk yagatikhemo, at Yosafat en he, ”Ah, a'nogo ugun o,” iluk yagatikhe.

2 TAWARIKH 25:16

At Amazia nen ikhi logolik he, ”Hat he raja komotu mene logoinogoluk hobagogo re fuk! Hane lek ame. Nen hat hane igin halok he niren hebe hoasuogeluk welago,” iluk yagatikhe. A'nogo yagatikhemo re at nabi a'nogo ane lek agaikheba nen he oan ane lek agi'lek logolik he mel yagatikhe, ”An nen komothafi mene andi hol fegen leksik hun haren hobabut hilingiten mene andiba re At Allah nen hat hebe weaget hobagagiluk fik-foukhogo hilingfikhesik werek andi,” iluk yagatikhe.

2 TAWARIKH 36:16

Oba nen he At Tuhan ane ugu mene omanogo puliabet fuluk he it nabi omanogo endo yaginafik, it Allah nen lakfisa wagu mene omanogo lalfalhogo hilinginafik ikhi lagaukwa. A'nogo hilingiti lagaukwa andiba re, At Tuhan anini inoba fikhe mene andiba nen lologo wulibi la re mondok elo'lek welagaikhe.

AMSAL 15:12

Ap ekhe hempelinabigiluk amolo mene andi re endawirinafu mene re abit anggikherek, nen ap endawinggen kagalek mene oba komo wene yaganesuageluk ambit lagarek legat.

YESAYA 29:21

aben it ap amu mene ekhe inabok ugu aple inendawirek logolik ilik nikharek mene inom, afuni nen ap kwanirogo hilingitarek mene faget unggum wogisugunem inili woginafarek mene inom, afuni higithogo hilingitarek mene tiphogo hilingfisanogoluk wene ineranhogo wene sagarik nikharek mene inom, mondogat leget fisagain.

YESAYA 59:15

Ap higithogo hilingitu mene re ekhe werek lek, nen ap sa nen inanini mene nek hilingisugun mene faget melalhu werek mene andi re, at onggwarek aniniba hilingitarek mene omanogo elema kwalasi kwili'logo o,” iluk fakhogo samban isikhe. Tuhan nen eilenggen hikhe re, katokhogo hilingitu mene a'nogo le'ma hikhesik At mondogat abit anggikhe.

YEREMIA 38:7

Andem oba re ap o Sudan mene ekhe re at raja aiba andoma yabu hilingiti laga. Enu re Ebed-Melekh ouwali waganek welagaikhe, at esanggo holhunemen he an nebe pogole andiba pelakfagama werek ugunem holhe. A'nogo holhikhesik he at raja ebe re kwe enu Pintu Gerbang Benyamin agarek oba andem wene palhuba yagaisugunem he,

HOSEA 4:4

Tuhan nen ikhi logolik, ”Hit imam yoma sani, An nen hit weak iluk yagahisagain enggere, hiren An nagainafuri mene weaget fisigik, wene wenagisigik, u fugo.

IMAMAT 13:10

Waluk wagunem imam omanogo nen kwelakhugunemen, ap a'nogo agap oba kurele walogo firi'mo nen, oumo purakhogo omosi kut sek halok he, ap andi ou henanggo mene oba werek iluk anggikhi logogun.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

YOHANES 15:19

Hit hinebe afuni kweangma mene logoilepma re, it afuni kweangma mene nen he, it he, nit ninagoromi, iluk inendawinggen hundik hilinghinabilep meneat he, hit hinebe it afuni kweangma mene were'ma wenakhinafigisik wokhinafisigi'mo re, hinebe it mene welagep fuk. Andi nen he, inabit mondok hilinghinabi'lagwi o.

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

YOHANES 7:7

It afuni kweangma mene nen hit halok he, inabit mondok hilinginabi'lagwi lek meneat he, an nen, it hilingitarek andi weak mondok, iluk igirek andi nen he, anat inabit mondok hilingnabi'lagwi o,” iluk yagaisasikhesik,

GALATIA 4:16

Yogondak wene eberogoat yagahisigi andi nen, ninom weim palek mene hak neegep he a.

WAHYU 11:10

A'nogo werek kwelek, afuni kweangma mene inebe mondogaren ikhi logolik he, ”It ap pire wene yaganisikhi lagaikha mene yi nen, yi enggin ti enggin hokhorogo ninoba fikhi lagaikha mene a'nogo inebe fanoat inoata,” iluk inendawimo agaiyek hokhorogo anggikhi logolik, pesta hilingitik, yi mene ti mene onggo lek it ekhe nen ekhe wogisigik, wok-wok ikhi logogun.