AMOS 4:9 - Allah Wene Fano Wene Hupla Inane

⁹ An nen he, sogoi aganhan mene hinoba funhogo lakfei wagik, ou ero weak mene afuni inoba lakfei wesu hak, yabukwe yi mene ti mene yago mene inom, anggur yabumo inom, weaget fouwageluk lakfei wagik, igi aro. Nen, hit hinagayo ara inom, zaitun inom yago mene re, pulue nen felelenghogo ninggeat, meneat he, hit hinebe An noba hinambotkwe wesu hinabirat welageb andi, iluk An hineisena Tuhan nenat igi o.

AMOS 4:9 ပူးပေါင်းရင်းမြစ်များ

1RAJA-RAJA 8:37

O yoma sumburu ouwak hea, ou ero weak mene hea, wagik, o sogoi aganhan weak mene nen funha waga logolik, yi mene ti mene yago mene pugetfisigik, elugengge hea, pulue hea, nen weagetfisigik, hagainafuri inaselei mene nen inebe o ekhe pin talogo inoasuogoluk igik, ou en inoatik, hilinglagu halok he,

2 TAWARIKH 6:28

It Hat hagainafuri yi inaiba yoma ambi, sumburu ouwak lagagik, ou saga igik, sogoi aganhan mene nen inangge yi mene ti mene yago mene unggul watik, eluk-elugengge nen inom, pulue nen inom palhik, athe it inaselei mene nen inoasi wagik, hilingitunem,

YESAYA 1:5

Hiren Allah ebe ninabit iluk ugu mondok logogun andi re ninggi'nogoluk nogo? Weak hilingiti lagep andiba Allah nen wene ninoba fili'lago mene andem he, we endep hak anggikhi logolik hobuk enggin mene ninoba fouwageluk hilingiti lageba? Hinunggulkwe re hinoumo purak mene mondogat sagaikhemo welagep, nen hinendawinggenma wenggelhi lagep mene mondogat he ou agunem welagep.

YESAYA 50:11

Yago, hit ap amu mene weaget fisouwogeluk hilingiti lagep mene yoma sani, hit hinonggwaregen wene melalogo fakhasigip mene andiba hinebe alomat fakhogoin o. Tuhan nenat andoma hilingitunem he, hiren enggin-fenggin mondok hokho mene hogoin aro.

YESAYA 9:12

At Tuhan Omame Mondok Hokho mene a'nogo nen it Israel mene inoba unggum wogisikheba nen he, it inendawinggen warili'lagwi lek. Nen, iren inobabut agamhogo at oba weri'lagwi legat.

YEREMIA 3:10

Andoma mondogat a'nogo hilingiti la'luk Yehuda tiphogo hilingiterek lek mene andi re endawinggen amurek logoligen yamdalonhogo sugulogo An nambit weri'logo o. Iluk An Tuhan nen nane arat igi andi,” iluk yaganete isikhe.

YEREMIA 5:3

Ibi eberogo nen he Tuhan neisena, Haren it higithogo hilingiti logouwageluk yagaisugu le'ma hangge hilingiri'lagwi. Haren it fut fouwageluk inoati lagen oba nen he iren inobakhe nene hilingiri'lagwi. Haren it lombukhogo hilingiti logouwageluk sebelogo fisikhi lagen, oba nen he iren yanggulninabuak anggili'lagwi lek. It he inendawinggen mondok omamerek logolik inaweak oba nen agam esure inabit mondok werek.

HOSEA 11:5

it afuni Israel mene andi inobabut hebela'luk inambotkwe an noba wesu re, inabit mondok welagaikharek. Andi nen he, it hobuk inambotkwe o Mesir loago. A'nogo lamo, it afuni Asyur mene inoe raja nen ferinarek logogin o.

YOEL 1:4

Pulue esa inenggi wenasu mondok elo'lek mene yonggo palek logalfuluk yabukwe yi mene ti mene yago meneba labogilik laluk, nilik laga-laga andi. It pulue esa attak mene andi nen ando fugu mene re, pulue esa logalek ekhe hobuk waga logolik ninggik, it andi nen ando fugu mene re hobuk ekhe waga logolik ninggik, hilingirik-hilingirik mondok felelenghogo nengga andi.

YOEL 1:7

It pulue andi nen he, nit mene anggur ero mondok legetfisigik, e ara ero andimi nek hilingfigik, agasik he, enggisok mondogat agap ibilhigik nenggama re, ebe nek kut weak hilinglaga andi.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

AMOS 4:6

A'nogo hilingiti lagep andi nen, An nenat hit sumburu ouwakhogo logobagaigeluk sumburu ouwak mondok hokho mene hinawi kota ba mondogat lakfei wagi meneat he, hiren hinambotkwe sugulogo An Noba wesu hinabit mondok welagebo.

AMOS 4:8

O kota fenakwe re i nele nen afuni inomame mondok lek ari'lagwi. A'nogo hingiti logolik, kota amu meneba i herarik lili'lagwi meneba nen he, i andoma it inebe inom higit ari'lagwi lek. A'nogo hilinglari'lago mene andoma hikhi logolik meneat he hit hinebe sugulogo An noba waga lagep legat andi.

HABAKUK 3:17

E ara enggen ugu lek kwelek oba nen, e anggur enggen ugu mene lek kwelek oba nen, e zaitun enggen palhu sambul palhu mene lek kwelek oba nen, yabukwe gandum enggen itu le'ma nendawimo weak agu kwelek oba nen, wam domba ogo mondogat wa'lagu kwelek oba nen, wam awi senggelek kwe somong arik lagu kwelek oba nen,

HAGAI 2:17

Hit hineabu yi mene ti mene yago mene andoma unggul wasuageluk An nen sogoi aganhan mene inom meiso helebenggen mene inom pelabi wagagi, oba nen hit he sugulogo An nambit wagu aplere hinabirat welagagip andi.

MALEAKHI 3:11

An nen, hit hinangge kweangma nen enggen iti logogin mene re eluk-elugengge nen paluageluk herakfisikhi logogin lego. Hit hinagayo anggur enggen he mondok hokho-pokhorogo ugu logogin.

ULANGAN 28:22

At hineisena Tuhan nen he hit hinoba enggin mene fikhi logolik ou sep hun-hun lagu mene lakfei wagik, tuk-tugengge mene lakfei wagik, sogoi aganhan mene lakfei wagik, igin o. Aren enek hibi fululung hibi lagaikherek mene lakfei wagik, sogoi mondogat aganhan mene lakfei wagik ugunem, hiren enggen palugun iluk hilingik mene mondogat weak arik laga logogin o.

ULANGAN 28:42

E wilibik mene mondogat inom yi mene ti mene yago mene inom tagwi hangge mene nen mondogat ninggi logogin.