AMOS 4:7 - Allah Wene Fano Wene Hupla Inane

⁷ Hit hineabukwe yi mene ti mene awi yatu mene enggen oan palhi'le'ma sawet asuageluk An nen meiso pelabi wagi'lek kwe pal fikhi lagi. An nenat meiso o kota ekheba pelabi waga logolik, kota ekhema re herakfisikhi lagi. Nen hit hineabu kwe andoma re, ekhekwe meiso pelafu kwelek, ekhema re meiso pelabi wagi'lek kamo ugunem kweang mondok iringik weak agik, ikherek andi.

AMOS 4:7 ပူးပေါင်းရင်းမြစ်များ

KELUARAN 10:22

A'nogo yagatikhemo, at Musa enggi pogoroba higit liakfesikhemo re, o Mesir yi awi ti awi mondogat mum agaikhe. Mum agaikhesik werek kwelek inenggi henagan welagaukwa.

KELUARAN 10:23

A'nogo were'ma, afuni Mesir mene yi mene ti mene ekhe ineilenggen hasukwa mondok lek. Nen, inebe o ekhema-ekhema lagi'legat welagaukwa. A'nogo meneat he, afuni Israel mene inaiba welagaukwaba andoma o fano selek welagaikhe.

KELUARAN 8:22

A'nogo meneat he, haren he, andi Tuhan nen hilingiri'lago higi, iluk futfeinogen iluk, An nagainafuri inaiba welagaikharek oba o Gosyen andoma nek he, sobon mondok lek logogin o.

KELUARAN 9:26

A'nogo meneat he, afuni Israel mene welagaukwaba o Gosyen enek he, meiso sogenggen andi ninggi'lek kamo isikhe.

KELUARAN 9:4

An nen he, afuni Israel mene inanggo penegeisogo misigat halok ekhe wati'lek herakfikhi logolik, afuni Mesir mene hinanggo nek he, mondok felelenghogo wasigin o.

YESAYA 5:6

Arigin foumo re yi engga ti engga weak mene sagarogo wulibigin. nen anggur ebe mene andi ogore enggi tegeti'lek herakfisamo re selegerati logogin lek. Arigin foumo re engga inom alok alogengge inom hokhorogo wilibimbik sebelek logouwageluk herakfisagain, nen ohena nen ogo at oba meiso pelabi wesinogo iluk nane waik paliginat,” iluk ikhe.

YEREMIA 14:22

Ap inunggulenu mene inanggembu dewa nen he meiso kweangma pelabi wesu lek hak, Nen, pogoren ogore at onggwarek omameba meiso pelabi wesu lek hagat. We Hat hamu nek he nit ninendawinggen hoba eberek welago mene welagenma re, Haren hilingitunem enek he andoma mondogat hilinglagarego.

YEREMIA 14:3

Afuni inenggi werek mene imamingmingengge omanogore i yi kwe ti kwe herasi loageluk miming inabi'lagwi, a'nogo miminginafunem lagaikharesik i mogo habulikwe omanogo heratarek mene re i mondogat firitokhogo le'ma nongasi lili'lagwi. Andiba re iren inagaiwak hinasugun iluk waluk lagaikharek mene omanogore oak waganogo ambotkwe waluk weri'lagwi. Iren inobakheindok palogore inendawinggen weak a'luk inenggali nen inelokhe salsal weri'lagwi.

YEREMIA 14:4

Meiso pi wagi'lek mondok were'ma re kweang iring-paringhogo kelokhogo taik ikhe, ap ineabu helagarek inap omanogo re inendawimo weakhogo inelokhe heiselogo werek.

YEREMIA 3:3

Andiba re i pogoroba nen pelabi wagi'lek, meiso e ilit sabelherek oba weak-weak wagi'lek werek andi o. Hat he henggali lek logolik, hambenan hilingirik nikharek mene andoma hinom higitsek welagen.

YOEL 2:23

Hit afuni o Sion mene yi, An hineisena Tuhan Allah nobabut fano nen fanothinafi andi nen he, hinendawimo hinagaiyegetik, fogerakhigik, ikhi logoni o. O engga lologo pikherek meneba asi wagunem andem he meiso higithogo wokhisigik. O sogoi lagagu meneba asi wagunem andem he An nen meiso higithogo pelakhisa wagik. Nen, enggen itu sambul meneba asi wagunem he attak wokhisikhi lagagi hakhogo wogisigik, ikhi logogin o.

ZAKHARIA 14:17

It inunggulenu ekhe nen o Yerusalem laluk ineisena Tuhan Omame Mondok Hokho mene, Raja Lego Mondok welagarek mene a'nogo fogerasi lagu mene inabit agu halok, it inanggweang oba andoma meiso pelabi wagi'lek logogin.

YOHANES 4:35

Nen, hiren ikhi logolik he, tugi henagan logombigen tugi ekheba halok enggen ugu arat palugun, iluk ikhi lagep meneat he, an nen wene ekhe yagahisak. Yabu enggen awi yagokwe hineilenggen yet hani! Enggen ugu wurik agasik palugun higit agama werego.

1 KORINTUS 4:7

”It ekhe andi elo'lek hak, mene re an enek he mondok fano, ikhi logoino,” iluk sa nen yagahisasikhemo ikhi lagep? Hit hinagarek yi mene ti mene helikhi lagep andi, Allah nenat wokhisikherek lek nogo? Arenat wokhisikherego. A'nogo wokhisugunem helikhi lagep meneat he, hiren elalhep mene hangge hinonggwaregen fogerakhikhi lagep andi nenahalok?

ULANGAN 11:17

Hiren wene melalek andi sagalogo fogoin halok he, At hineisena Tuhan nen a'mage hit hinoba fembik, hit hinobaget meiso pelabi wesigin lek halok, hinanggweang mondogat kelokhogo haro aga logogin. A'nogo hilinglasigin andiba yi mene ti mene yago mene enggen isu lek hak hilinglaga logogin. A'nogo hilingitu were'ma lingge eil misik oba nek hit kweang mondok muli fano mene At Tuhan nen wokhisikheba omanogo nen hinebe wa'lasugun.

YAKOBUS 5:17

At Elia andi re, ebe nit hangge afuni mene nenat, meiso wagi'lek logouwageluk samban isikhemo re, mo lagagik pigik ugu kwelek 3 tahun welagaikhesik, hobuk tugi 6 mene inomat meiso kweangma pi wagi'lek mondok welagaikhe.

WAHYU 11:6

Nen, iren Allah ane yagaisikhi logolik, ”Meiso pogoroba nen pi wesigin lek,” iluk elogat yagatik, i mondogat mep asuageluk elogat hilingitik, nen inendawimo amolo anggogoin oba, ”Afuni kweangma mene yi ou ti ou inoba fouwok,” iluk elogat ou ero inoba figik, ikhi logouwageluk, Allah nen eisewerek fisikhemo a'nogo hilingisugun isigi.