AMOS 4:1 - Allah Wene Fano Wene Hupla Inane

¹ A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 4:1 ပူးပေါင်းရင်းမြစ်များ

1RAJA-RAJA 16:24

Oba nen he hobugen aren hun ekhe enu Semer andi andom ekhe onggo uang perak mene 6.000 nen oba onggo palhikhesik he, aren he o kota misik ekhe tom andiba wutikhesik, o andi enu re Samaria, hun tom andi onggwaregagun enu Semer iluk salek welagaikhe hakhogo, salhikhe.

AYUB 20:19

Aren he ap amu mene sebelogo fisigik, ap inangge lek mene inoba weaget fisigik, o aren wute lek meneba nen telogo heligik hilingiti laga.

AYUB 24:4

Iren he ap inenggi lek mene inangge omanogo helogoin iluk hilingitunem kwe palinafu nen he, ningginu-ningginu it ap inangge lek mene omanogo re hina'lari'lagwi.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 140:12

Afuni inobabut aferogo nek hilingitarek mene andoma enggin-fenggin mene nek inoba asi waga logouwak, it ap inabok weak palharek mene andoma kweangma yoma logouwageluk herakfisogoin hanogo.

MAZMUR 22:12

An weaget nabugun mene horogat asi wagaikhama re, telnabugun mene ekhe werek lek andi nen, Hat he hera'nobagaluk yatma lagun o.

AMSAL 22:7

Ap enggi lek mene re ap enggi werek mene andi a'ma werek, ap ekhe angge elama palek logogin iluk wanhe mene andi re angge wanhe mene andi a'ma werek.

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

YESAYA 28:1

O kota it afuni Israel inaben lugu-lugwi palhi logolik inendawinggen himbirogo werek aiba andi re alomat lakhoak. O andi elokhe fano pugunsek mene andi re owil-owilengge mintagaisogo hinunggulkwe pugetunem weak-weak lionggo ikherek andi hangge asigin. O kota kweang mulire'ma tonggo ebema tulem wolonghogo wurogo liabek were'ma afuni anggur enggen amusu naluk lugu-lugwi palhi logolik foget fakhagarek awi andi re alomat lakhoak.

YESAYA 5:8

Hiren afuni inawi wurik mene omanogo onggo paligik, it ineabu omanogo hit akhouwogeluk mikhak kwigik, hilingiti lagep mene andoma re, alomat lakhouwogeluk welagep! Horok eil misik wela'luk afuni amu mene were'ma inobalik legasi lagunem o kweang andiba re hit hinamu nek logogun.

YESAYA 56:12

Lugu-lugwi palik inap andoma nen ikhi logolik, ”Nit anggur hokhorogo nambik ninoba homorogo logouwogen we'ni o! Yogondak fano welagoba nen hobit enek he mondok fanorogo logogun o, iluk agarek,” isikhe.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

YEREMIA 50:11

Tuhan nen ikhi logolik, ”Yago hit Babel hinap yi re, hit he An nagainafuri mene telogo woginabuogeluk hilingitep. Hit he wam kuda nen ane kweti logolik agaiyegen hukhogo lagagik pigik hilingiterek hak, nen wam sapi engga tekhigik nilik laga logolik hilingiterek hak hilingiti lagep.

YEREMIA 50:27

At agoromi tentara mene re mondogat inoa'no! It inebe mondogat eil homologo inoa'no! Unggulenu Babel mene re it unggum inoba fagain mene arat horogasi wagama andi nen he alomat lasugun o!” ikhe.

YEREMIA 51:34

Yerusalem raja Babel mene nen wolelenggenhogo fikhesik mondogat ningge, kota andi re i oak oba hinagongge were'ma afuni nen leget fagarek hak hilingisogo fikhe. Kisu menawe hokho mene nen hakhogo aren Yerusalem pilisikhesik he, o kota andiba nen fano mene omanogo re, alabutmo kwalikhi logolik weak mene re hugisikhe.

YEREMIA 6:6

At Tuhan Omame Mondok Hokho mene a'nogo nen ap inenu werek welagaikharek inap omanogo nen e mutik, o Yerusalem pin kugun kwe e mugusogo kweang punurogo filik lagagik, hilingisuageluk inyonggo fikhe. Nen Tuhan ane ikhi logolik he, ”kota yi elonggoma andoma nen afuni mondok sebelogo fisikhi laga andiba re An nen unggum wogosigin o.

YEREMIA 7:6

Ap pok mene inom yenggerugwi suarek mene inom, hemi sogwe mene inom sebelogo fisagarek mene andi re ariginhi logou fuk. O kweang yiba nen ap weak hilingiti'lek kwelek he inoasu fuk. Nen kembu ilah omanogo inoba apne wanhi logou fugat. Hiren a'nogo hilingiti logogun halok he hinebe weaget hinabigin enggere.

YEHEZKIEL 18:12

Aren afuni inenggi lek mene eranhogo wene lalinafik, inangge teligik, ap at oba palegengge werek mene nen inendawinggen litungge iluk werek mene omanogo felelenghogo heligik, ikherek. Aren ap Tuhan inonggot mene nen tugwi kembu fogeratarek kwe omanogo laluk he kembu ina'meilo mene omanogo fogeraterek.

YEHEZKIEL 22:12

It fena ekhe re ap wasuageluk onggo palinafunem inoatu mene agik, muli inamep nunggu mene agik, nen afuni it inunggulenu mene inoba sebelogo fisikhi logolik welagik, hilingitu mene werek. It inebe mondogaren An inonggot agaikha. An Tuhan Lego Mondok welagirek mene a'nogo nane mondogat igi.

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

YEHEZKIEL 22:29

Afuni inenggi werek welagaikharek mene nen he ineranhogo wene yagaisikhi logolik afuni inangge telhigik helagarek. Iren ap inenggi lek mene omanogo inendawimo nen anggaluk enek weak peakhogo hilingfisigik, nen ap pok mene inangge ekhe inom manggorogoat telogo heligik, agarek.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

YEHEZKIEL 39:18

Iren he ap inogogwi kabelek mene warek omanogo ninggik, it ap kaindek kweangma ferinarek welagaikharek mene inamep ninggik, ikhi logogun. Ap kabelek mene andoma inom, it kaindek kweangma ferinarek welagaikharek mene andoma inom he wam kambing ai mene inom, wam banteng asei hokho mene inom watarek hak inoasigin.

YOEL 3:3

A'nogo hilingiti logolik, iren inamingming engge asuogeluk, An nagainafuri fakfisaluk he, sa asigin iluk, oagengge walhigik, inamingmingengge hilingfisigik, nen onggo it ekhe inoba paligik, uang andi re hemi hesangge hilinginafu mene faget fikhi logogun iluk heligik, ina'logomi tugum mene ogo inamlogomi souge mene ogo onggo paligik, nen uang a'nogoba re iren anggur agai faget onggo hunisugun igik, hilingiti lagaukwa. A'nogo hilingiti lagaukwa mene andi faget he wene inoba fagain o.

AMOS 3:1

Hit hinunggulenu Israel mene inom Yehuda mene inom, hinebe hineisok erokwe lombok o Mesir en wokhinarek wulibi wagaikhe mene hinobaget wene Tuhan nen hinoba fagain mene yagahisoageluk ikhe mene yagahisagain yi, hinesanggo fanorogo holini o:

AMOS 3:3

A'nogo isikhesik, ekhe mel isikhe: ”Afuni inebe pire mene nen, Nit o andoma louwok, iluk emberek wene wati'legengge lamo re higit nogo a?

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

AMOS 6:1

A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.

AMOS 6:6

Hit he, hinagai anggur enggen amusu mangkok oba ambem hetokhogo hinagaisogo ninggik, hinebene amusu amben fano mene warigik, hilingiti logoligat he, hit Israel mene hinebe weaget hinabigin mene andi faget hinendawimo weak agi'lek welagep andi ri!

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

BILANGAN 21:33

Andi mondogat hilingitukwasik he, afuni Israel mene a'nogo haningisogo re kwe o Basan lagaikharekwe nen lagaukwa. Lagunem he, raja Og awi Basan agun a'nogo re agoromi sikhe fisogo mene esa logal fisasikhesik he, afuni Israel mene inoasigin iluk o kota Edrei andoma wagaikhe.

ULANGAN 24:14

Nen, afuni inunggulenu hit Israel mene inom, ap pok hit hinaiba kota ekhe welagaikharek mene inom, inangge lek inelagaigen weakhogo welagaikharek mene inenggi onggo uang wogisoageluk yabu hilingitarek mene andi, inenggi onggo wogisigi'lek lalinafi logogubo.

ULANGAN 28:33

Afuni inunggulenu pok mene nen hineabu hinomame lekhogo wokfuluk enggen palhu mene omanogo helugunem he, hiren fena ekhe heligi logogun lek we hundik-handik ina'mage nen inomameba sebelhinarek mondok logogun.