AMOS 3:7 - Allah Wene Fano Wene Hupla Inane

⁷ At nineisena Tuhan Lego Mondok welagarek mene a'nogo nen he, An yi'nogo hilingisigin, iluk ap At amingmingengge ane yagaisagarek mene andoma inoba fakhogo yagaisigi'lek ekhe hilingitirek mondok lego.

AMOS 3:7 ပူးပေါင်းရင်းမြစ်များ

KEJADIAN 18:17

Lagaukwasik, At nineisena Tuhan endawimo nen he, ”An nen hobuk hilingisigin mene andi Abraham labeligin lek, nabit.

KEJADIAN 6:13

Allah eilenggen a'nogo isikhi lagaikhe andi nen, Nuh mel yagatikhe: ”Afuni o yi awi ti awi inobabut it ekhe inebe inendawirinafi'lek mondok weak hilingiri'lagwi andi nen, afuni inebe inom, yi mene ti mene mondogat inom, kweang inom, mondok legetfisagain o.

2 RAJA-RAJA 22:13

”Nit ninombalagen wene Allah nen, yi'nogo hilingiti logoin o, ti'nogo hilingiti logoin o, iluk nit faget komotninafikhe wene lisu palek werek andi higithogo hilingiti lagaukwa le'ma re, Tuhan a'mage nit ninoba fikhesik werek andi nen he, buku andi elonggoma lisu palek mene andi faget, an inom, afuni Yehuda mene mondogat inom, ninomen hilingisugun mene faget nineisena Tuhan nen yaganisoagen he, heinok wokha lani o,” iluk lakfisasikhe.

2 RAJA-RAJA 22:20

Ma re, hat hebe heluk werek kwelek An nen afuni o Yerusalem welagaikharek mene wene inoba fembik weagerinabigin mondok lego. Nen, hat fanoat logombik hebe wa'lasigin ikhe o, iluk yagasi lano o,” iluk yagaisasikhe. A'nogo yagaisasikhemo, inambotkwe inoe raja ba wagaukwasik yagatukwa.

2 RAJA-RAJA 6:12

Heinok a'nogo wogisasikhemo, at agoromi perwira omanogo mene ekhe nen he, mel yagatikhe: ”Noe, ap ekhe nen yonggo lagi'lego. We, ap Elisa Allah ane yagaisikherek mene a'nogo nenat wene andi hat hebe koma logolik, ale'ma nen he a? Nogo egendek oba nen he a, ugunem at elu a'luk afuni Israel mene inoe raja a'nogoba yonggo lakfisili'lago o, noe,” iluk yagatikhe.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

YESAYA 18:4

Tuhan nen an noba ikhi logolik he, ”Lilengge o hup aganhan lagaikherek sambul yi mene ti mene enggen palhu sambul lilsi'norogo abolo'lek welagarek hak, nen o linggene mo eil ombak-bak fano mene hilingiterek hak, An nebe welagiba po'lima nen noba heanerogo alokhogo logolik pelakhisa waga logogin o.

YEREMIA 23:22

Iren ambi An nendawimo fisogo welagi mene andoma inelu logoumo nen he, iren An nagainafuri inoba wene An nen ikhi lagi mene andoma yagaisikhi logoilep. Nen An nagainafuri inobabut weak hilingitik, inobaharo welagik, agarek mene andoma inobabut hebelilep.

YEHEZKIEL 29:21

Ningginik sambul wene andi ambi agu halok he An nen Israel unggulenu mondok omame hokho mene hilingisogo fagain o. A'nogo hilingisogo fembik hat Yehezkiel en hane haferogo ugunem afuni mondogaren holhi logogun. Andiba re iren An Tuhan iluk inelu asugun o,” ikhe.

DANIEL 11:2

Nen, an nen hat hoba yagahesigin mene andoma re eberogo meneat yagahesigin o,” iluk ikhe. A'nogo ikhesik Malaikat a'nogo nen ikhi logolik, ”Raja amu mene inebe henagan mene nen o Persia ba andoma ferinarek logombigen he, it inombo'ne re raja enggaminogo nek mene andi re it andem we harek oba nen at andi nek he enggi werek mene logogin. A'nogo hilingik logolik at ebe omame arik lagik, enggi werek agik, hilingirik lagik laga logombik ambisangma nen he sa omame werek sa omame werek kerajaan Yunani mene inom wal-wal ugun.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 1:19

An a'nogo welagi andi nen he, heilenggen hegen mene yi wene ti wene yogondak ya hilinglari'logo mene inom, hobuk hilinglasigin mene inom, mondogat lisu palin o.

WAHYU 10:7

We, malaikat inebe falfaligen inambinggong anet hagasik ekhe ambinggong anet hugunem he, at Allah nen wene endawimo hinago mene it ap amingmingengge ane yagaisikhi lagaukwa mene omanogo yagaisikhi logolik he, Hobuk an yi'nogo hilingisigin iluk wene warisasikhe hagat arat hilinglasigin o,” iluk hombuk palhe.

WAHYU 4:1

A'nogo yaganetunem higirik oba nen ombo'ne re, nabikanggo ekhe yi'nogo yethigi. Pogoroba re, kwe ekhe hurik were'ma, at attak ane pinggong ane hokho meneba yaganetunem nesanggo holhi mene a'nogo nen hobuk mel yaganete: ”Wene ya logombigen hobuk hilinglasigin mene heilenggen yethanogeluk, yagahesigen he, lagai me o,” iluk yaganete.

1 SAMUEL 9:15

Inom oan ambi agi'lek logolik hobit hak he, Tuhan nen Samuel yagati logolik: