AMOS 3:6 - Allah Wene Fano Wene Hupla Inane

⁶ Afuni o kota welagaikharek mene, Weim werek, iluk inendawinggen wenggelogo pinggong anethugunem ina'manggen lagi'lek logou hak nogo a? Nen, Tuhan nen enggin-fenggin lakfei wagi'lemaat afuni o kota welagaikharek mene andoma weak mene andi inoba asi wesu hak nogo a?

AMOS 3:6 ပူးပေါင်းရင်းမြစ်များ

KEJADIAN 50:20

Hit hinebe mondogaren an weaget nabuogeluk mondok isigipsik weaget nafigip meneat he, at Allah nen afuni yogondak werek mene hokhorogat telinabigiluk, hiren an weak hilingnafigip mene andiba fano mene hilinglasuageluk hilingitemo o.

2 RAJA-RAJA 6:33

At Elisa nen wene a'nogo oan yagaisugu were'ma, raja a'nogo ebe wagaikhesik, Elisa mel yagatikhe: ”Nit mondok weak hikhi lago andi, At Tuhan nen wene ninoba fikhemo hikhi lago o. Ma re, aren telninabigin, iluk an nen nenangoti logogin andi ninggi'nogoluk nogo?” iluk wenagetikhe.

YESAYA 45:7

An nen mum inom selek inom elalogo fesigi, An nenat enggin- fenggin inoba lakfei wagik, fanoaberinafik igirek, Andoma mondogat he An Tuhan nenat hilingitirek.

YEREMIA 10:7

Hat hebe re yi afuni ti afuni inunggulenu hokhorogo inobaget Raja welagen. Ap sa hagen Hat hoba eberogo anggigi'legengge logou hak nogo? Yi afuni ti afuni inanggele'ma andoma inobabut hebelek mene werek oba nen ogo, athe inogogwi raja-raja inungguloak kagalek mene welagaikharek oba nen ogore, Tuhan nineisena Hat hinom he ap iliresu mene ekhe werek lek, we nineisena Hat enek he eberogo esinet hobagaluk legeisogo hobagakhi logou hago.

YEREMIA 4:19

Eige, an nendawimo ou mondok hikhi logolik he, enggin ikhi logolik logou re elo'lek nabi'lago o. Trompet futhugunem ane ugu mene inom weim abolok ugunem inom nesanggo holhaluk he an nendawinggenma mondogat abolok ugunem, an nebe hambuget haluk logou re elo'lek agunem welagi andi.

YEREMIA 4:5

O kweang mondogat andoma bene trompet ane futhani! Hinane hokhorogo kwe'ni. Afuni Yehuda mene inom Yerusalem mene inom he, weak-weakhogo o kota agap telogo helep leget omamerogo waganek oba omanogo loageluk yagaisani,

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

YEHEZKIEL 33:3

Ap kagalinarek mene andi nen selei mene wagunem eilenggen isikhi logolik, afuni hebelogo logouwageluk, ap a'nogo nen youk werek iluk enegengge ekhe abologet hikhi logogin.

HOSEA 5:8

Hit ap Benyamin mene yi, weim yabi we'ni o! iluk inane humesu hak he, o Gibea nen pinggong ane hokho mene anethani o! O Rama nen e anggwe folelek mene anethani! Nen o Betel en he hinane ngai e'ni!

AMOS 3:5

Afuni nen sue hele figi'le'maat ebe ke'nok umo higit nogo a? Paik hele wephogo fagarek oba andi, ebe kwigi'lek kwelegat fetakhogo lagaumo higit nogo a?

ZEFANYA 1:16

Lingge andi re trompet fut hugunem ane hangge it ap weim yafarek mene nen o kota leget pa'leget oba himbirogo wurikwe inom, helep esia'le uanhogo wurogo liabekwe inom, omanogo bene pin kwi lagunem he weim eindep ane mileti logogin.

ZAKHARIA 8:10

Nen, o andem oba oan asi wagi'le'ma re, afuni nen it ekhe yabu onggo faget hilingisuageluk yagaisigik, wam en habulik loageluk miminginafik, ikhi lagaikha lek, nen, it inaselei meneba nen ogore, inebe inendawinggen yamukhogo werek mene re lek aga. Andi nen he it ap ekhe nen ekhe inom lang-lang asuageluk hilingfisasigi andi,

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 4:28

Mene re, wene andi hat henggi omame werek mene nen, hendawimo nen he, A'nogo hilingisuak, iluk anggasigin obaat, a'nogo hilingita andi.

2 KORINTUS 5:11

It andi nen he, ninoe Enupogot ebe ninailorogo logogun iluk futfikhi logolik he, afuni nen wene andi futfouwageluk inendawimo kagalogo yagaisilik nikhi lago. Nit ninobabut hilingiti lago andi re, at Allah eilhanem weinam andi hak, hit hinendawimo nen nit futninobagakhi logogun anggikhi lagio.