AMOS 3:1 - Allah Wene Fano Wene Hupla Inane

¹ Hit hinunggulenu Israel mene inom Yehuda mene inom, hinebe hineisok erokwe lombok o Mesir en wokhinarek wulibi wagaikhe mene hinobaget wene Tuhan nen hinoba fagain mene yagahisoageluk ikhe mene yagahisagain yi, hinesanggo fanorogo holini o:

AMOS 3:1 ပူးပေါင်းရင်းမြစ်များ

2 TAWARIKH 20:15

Aren ikhi logolik he, ”Ninoe kain lego mene inom, nerugwi nagaila'lak inom, Tuhan nen ikhi logolik he, it ap tentara hokhorogo andi inom he, hiren weim hinom yabugun lek, we At Allah nen enek yabigin enggere, hiren inailo a'luk hinendawi fisu fuk.

YESAYA 46:3

Hit Yakub en tagomangge mene An nagainafuri meneba nen alinlan agepsik welagep mene yoma sani, An nane furogo hinesanggo holini o. Hit hinebe ta'laga lagep huli nen yaman aga lagep huli andoma re An nen halhinafu mondok welagirego.

YESAYA 48:12

Tuhan nen ikhi logolik, ”Israel mene nagainafuri e, An nen wolhinafi lagi mene andi hinesanggo fanorogo holini o, An he hineisena Allah netok mondok welagirek mene. Fem attak-attak he Anat welagagi, nen hobuk ogo Anat logogin.

YEREMIA 13:11

Sarung horogengge ap inobakheba ketkethogo puksek welagarek andi higit, An nen anggikhi logolik afuni Israel mene inom, Yehuda mene inom he An ninom a'nogo homago logogun anggasigi. A'nogo hilingi'mo re it he An nagainafuri mene logolik nenu liafik, esinet nobagaluk legeisogo nobagagik hilingiti logogun anggasigi. Oba nen he iren An nane holure inabit mondok welagaikha andi,” iluk ikhe isikhe.

YEREMIA 31:1

Tuhan ane ikhi logolik, ”Inenggi ekhe wesigin meneba re An he afuni Israel mene inunggulenu mondogat faget ineisena asigin, nen it he An nagainafuri asugun.

YEREMIA 8:3

Andiba re it ap inunggulenu inanini mondok weak mene ari ineluk werek mene re An nen yikwe tikwe telfol isasigimo welagaikharek mene andoma nen he ineluk werek mene faget inabitsek logolik, wa'lagaikharek mene faget enek he inendawirogo logogun. Iluk An Tuhan Nomame Mondok Hokho mene a'nogo nen nane mondogat igi o,” ikhe isikhe.

HOSEA 4:1

Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.

HOSEA 5:1

Tuhan nen ikhi logolik, ”Hit ap an eisewerek welagep mene yi inom, hit afuni Israel mene mondogat inom, hit afuni ap inenupogoren tagomangge mene yi inom, hinesanggo fanorogo holini o, hiren he it ekhe wene inoba figik, kotik, higithogo u werek kwelegat he, o Mizpa nen paik ke'noguageluk hele figik, o tom Tabor oba nen ikan kwalasuageluk su webet figik, o Sitim kweang uanhogo habuli'mo puageluk fougetik, egepma werek andi hak, it ekhe weak asuageluk hilingiti lagep andi nen he, An nen wene hit mondogat hinoba fagain o.

AMOS 2:10

An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 5:1

Hit afuni Israel mene yi. An nen hit hinobaget le wuni misik ekhe wasigin mene yi hinesanggo fanorogo holini o:

MIKHA 2:3

A'nogo hilingiri'lagwi andiba re Tuhan nen ikhi logolik, ”An nen weak mene hinoba fei wesigin iluk nendawimo wenggelhimo re, hinoba asi wagu halok he, hiren polokhogo wulibu re elo'lek asigin o. Nen, a'nogo asi wesigin sambul andi re, hit hinunggul uan a'luk laga logogun lek.

MIKHA 3:1

Hit afuni Israel mene hinogogwi kaindek yi, An nen wene igin andi hinesanggo fanorogo holini o. Hiren he afuni wene fanorogo halinabu hinelu logoligenat he,

ZEFANYA 2:5

Hit afuni Filisitin hinap hinebe i esanggo kwe welagep mene andoma homan ugu logoni o. At Tuhan nen he hit hinoba wene feigiluk fik foukhogo hilingfikhesik werek. Aren he hit hinebe mondogat leget hinobagaumo ap misigiluk ogo ekhe agap teligin lek.

WAHYU 2:29

Allah Areagun en it Allah againafuri o yi awi ti awi andogotarek mene yagaisili'logoat andi, hinesanggo holugun halok he, fanorogo holino o, iluk yagaisigi mene andi, lisu palogo inoba lakfeino o,” iluk yaganete.