AMOS 2:9 - Allah Wene Fano Wene Hupla Inane

⁹ A'nogo meneat he hit An nagainafuri yi, afuni Amori mene inebe e sin hakhogo inoakhuse uandek inap, nen e batie hangge inomame hokho inap omanogo re hit hinobaget An nen inebe mondogat legetfisasigi andi.

AMOS 2:9 ပူးပေါင်းရင်းမြစ်များ

KEJADIAN 15:16

Afuni Amori mene inobabut mondok weak hilingitunem wene inoba fagain mene oan welagi andi nen he, haren tagongge mene re, huli inebe enggaminogoba ta'lasimbigen hat hombalak inambotkwe o yoma wesugun o,” iluk yagatikhe.

1 TAWARIKH 1:14

At Kanaan andi re it Yebusi inap inom Amori inap inom, Girgasi inap inom,

AYUB 18:16

E omanggen fili a'luk engga mondogat pugagunem mutarek andi hak at ebe wa'lasigin o.

KELUARAN 3:8

Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

KELUARAN 34:11

Hit hilingiti logogun mene faget, yi'nogo hilingiti logoino, ti'nogo hilingiti logoino, iluk yogondak yagahisigi mene andi, hologo higithogo hilingiti logoino o. An nen hit lagunem he, afuni inunggulenu Amori mene inom, Kanaan mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

YESAYA 10:33

Tuhan Omame Hokho mene a'nogo nen e enggi tekhogo pelafarek hak it inebe a'nogo tamukhogo lakfisagain. It anggele'ma andoma nen lego logogin mene re tekhogo lobaget fisigik, nen wolonghogo liabek logogin mene re sebelogo pelakfisigik, igin.

YESAYA 5:24

Hit he hineisena Tuhan Omame Mondok Hokho mene a'nogo nen wene yagahisasikhe mene omanogo ninabit iluk herakfisikhi lagep, nen hiren afuni Israel mene ineisena Allah Mondok Horek mene a'nogo sebelogo fikhi lagep. Andiba re, lei engga inom engga puk mene inom endu nen libunghogo ninggerek andi hak he hirogo hinomanggen mondok fili agik, hinowil puk agik, sogoien mondogat furogo lakhinobagagik, igin o.

YEHEZKIEL 17:9

Andiba re An Tuhan Lego Mondok welagirek mene a'nogo nen heinok yi'nogo igi: Anggur andi ebe re fanorogo wilipluk sagarik lamo re higira? Sue rajawali attak mene a'nogo nen e andi omanggenet sanogetik, enggen taganhik, enggi sombolhik, hilingfuluk pugasuageluk herakfisa hak nogo? E andi omanggenet sanogesuogeluk he ap hokhorogo inom, athe inunggulenu misik ekhe inomame hokho mene inomen hilingisu lek hak.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

BILANGAN 32:13

Tuhan nen it inunggulenu Israel mene inoba a'mage inoba fikhesik he, o leikwe andoma leil warik nikhi logouwageluk hilingfisasikhemo 40 tahun nikhi lagaukwasik ap At ane sagalhukwa mene omanogo mondogat wa'lagaukwa.

ULANGAN 1:28

Arigini'mo re, nit he nenahalok o andoma logoin ogo? Ap niren o andoma lak fisogo mene omanogo nen aleik kwe lagaisogo ninailo asuageluk yaganisikhi logolik he, afuni o andoma werek mene re nit ninom he higitsek lego, it he inomame mondok hokho logolik, inalong-pinalong inap werego, nen inawi kota inebe welagaikharekwe andoma re inaleget mondok omamerogo wokhigik pogot higithogo liabe'ma re, it inebe ogo re mondok hokhondek inoakhuse yatek-patek were'ma isogo, iluk isukwama hiren he nit he nenahalok o andoma kwi logoin? iluk isigip.

ULANGAN 3:11

(Hun raja Og andire it afuni Refaim mene omanogo wurep kobokhogo re hun andi welagaikhe. At ebe wa'lagaikhemo re ebe kwelafu mene peti re helep mene wurep uanhogo 4 meter en, nen elonggo wogologo re 2 meter ilirengge waleti logogun iluk werek meneba waletukwa. At ebe warek kwelafukwa mene andi re yogondak huli nen o Raba it afuni Amon mene inaiba andoma were'ma ineil hili'lagwi.)

YOSUA 10:12

At nineisena Tuhan nen afuni Israel mene inomame asuageluk inomamerinafikhemo, afuni Amori mene inoatukwa andi sambul, at Yosua nen nineisena Tuhan oba ane isikhe, it ap Israel mene ineilhanem Yosua nen ikhi logolik he: ”Hat mo yi. Hebe afuni Gibeon mene inunggulmo higit kamo ino o. Nen, hat tugi re, o Ayalon tonggoma yoma nen lagun o,” iluk isikhe.

YOSUA 3:10

Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.