AMOS 2:7 - Allah Wene Fano Wene Hupla Inane

⁷ Iren afuni inomame lek yi'nogo ti'nogo ekhe hilingsu lek mene ineisogen tandamerisigik, afuni inangge inelagaik mene filikhogo wulakfisigik, agarek andi. A'nogo hilingiti logolik, ap ekhe amlogo emberegen he helime silerik ekhe inamingmingengge nom werek mene re it emberegen fakfisaluk pailak hilinginabi lagwi andiba re, an nenu weagerogo fagarego.

AMOS 2:7 ပူးပေါင်းရင်းမြစ်များ

2 SAMUEL 12:14

A'nogo meneat he, hat weak hilingiten andi nen, nineisena Tuhan elokhoma weaget fegenma re, hat hamlogo ket ta'laga mene andi ebe wa'lasigin o,” iluk yagatikhe.

1RAJA-RAJA 21:4

A'nogo yagatikhemo re, at Ahab wene Nabot en yagatikhe mene a'nogo esanggo holhikhesik he, endawimo mondok weak agaikhesik, a'mage lagasikhemo re ambotkwe aiba wagaikhesik, sumburu mondok ninggi'lek elokhonggen lagauk-pagauk isikhesik he, nogo ikherek oba weinglagaikhesik welagaikhe.

AMSAL 28:21

Afuni nen yiginik-tiginik iluk peneri'lagwi andi re mondok weak, oba nen he it ap wene higithogo tegetarek inaben he uang endebengge ekhe helagain iluk henarogo hilingiri'lagwi mene re weregat.

YESAYA 10:1

Hit ap wene melalek higithogo hilingiti'lek logolik An nagainafuri mene hinomameba sebelinarek welagep mene andoma re hinebe alomat lakhogoin o.

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YESAYA 3:14

Nen At Tuhan he afuni At againafuri ferinarek welagaikharek mene inobaget inawene higithogo pilingitu mene hilinglasigin. A'nogo hilinglasimbik he Aren it inoba hikhip isagain mene re yi: ”Hirenat anggur yabumo enggen ugu mene omanogo re hugul engge nek helikhi lagep, ariginhi lagep andiba re, hit hinailoba re ap inenggi lek mene inangge helikhi lagep mene omanogo nen hoporek werek.

YESAYA 3:15

Nenahalok hiren An nagainafuri enggin-fenggin inoba figik, ap inenggi lek mene hinomameba inangge telogo heligik, hilingiti lagep nogo? iluk, An Tuhan Lego mondok logolik Nomame Hokho welagirek mene a'nogo nen nane mondogat igi o,” iluk ikhe.

YEHEZKIEL 22:11

it fena nen he onggwarek eamalhe inom ogo, nen ap inagagwi mene inom ogo, agot agaisa ekhe mene inom ogo, inom sebetik agaregat.

YEHEZKIEL 36:20

Ekhekwe-ekhekwe laga logolik, iren hundik-handik An nenu horek welagi mene a'nogo weaget filik mondok laga lagaikha. Andiba afuni nen he, yi'nogo ikhi lagaikha, ’It inunggulenu yi re, Allah againafuri werek ili'lagwiba nen he, it inanggweang Allah nen wogisasikheba a'nogo herakfisagasik hilingiri'lagwi,’ iluk ikhi lagaikha.

HOSEA 4:14

Oba nen he, An nen, it hilingiri'lagwi mene andoma faget unggum wogisagain lego, andi re, hit oba nen ogo re, laluk, it uang herati logolik pailak hilingiri'lagwi mene omanogo inambit kembu awi wurikwe andoma yabu hilingitunem hinom hambenan hilingisi laga lagep. A'nogo hilingiti logolik hiren it hinom seberogo fugungge omanogo kembu dewa faget nologo fogerati lagep. A'nogo hilingiti lagep mene andoma faget wene aben ikhi logolik: ’Afuni inunggulenu Allah ebe werek mene faget wenggelhi'legengge hilingitarek mene andoma re ibi-eberogo nen he it inebe alomat lakhogoin o,’ iluk agarek.

IMAMAT 18:15

Haren hamlogo agwe ogo agun ogo hoe agwe hinom ogo sebe su fuk.

IMAMAT 18:21

Haren homalik misik ekhe kembu molokh fogeratuba warogo saluak iluk wogisa fuk. A'nogo hilingisugun oba heisena Tuhan Allah a'nogo enu sebelogo fegen hanogo.

IMAMAT 18:8

Hat heisena agagwi amu mene misik ekhe hinom seberogo nogogun halok, hat heisena enggali asinogo nen he hinom seberogo nogo u fuk.

IMAMAT 20:3

Ap ekhe nen omalik warogo kembu Molokh oba wogosi lagu halok he An Nawi Sabu wurik mene emerogo figik, Nenu fano mondok welagi a'nogo sebelogo figik igin andi nen, An nen ap andi wene oba fembik at ebe An nagainafuri mene werek he anggagain lek.

AMOS 4:1

A'nogo isikhesik ekhe mel isikhe: ”Hit hemi Samaria hemi hinebe wam sapi o Basan mene asei hokhorogo welagarek andi hak hinasei hokho asuageluk hilingiti lagep mene yoma re hinesanggo holini o! Hiren he afuni inomame lek mene enggin-fenggin inoba figik, inangge lek inelagaik mene sebelogo fisigik, hinaguni yagaisikhi logolik, Nagai nagain mene faget anggur amusu lugu-lugwi palharek mene keralogo nobagakhi logoin o, iluk hinane ninghogo mondok yagaisugu welagep andi.

AMOS 5:11

Hiren afuni inangge lek inelagaik mene sebelogo fisaluk, inamburu gandum he hinenggi abisak helikhi lagep. A'nogo hilingiti lagep andi nen, hit hinebe hinawi fano mondok wurikhi lagep oba andoma logogun mondok lego. Nen, hinagayo anggur awi hineabukwe yago mene andoma enggen amusu ninggi logogun mondok legaro.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

AMOS 8:4

Hit afuni o yiba logolik it ekhe inenggi lek mene enggin-fenggin inoba fugunem inebe lek ari'lagwi andi nen he, hinesanggo fanorogo holini o.

MIKHA 2:2

Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.

MIKHA 2:9

Hiren he hemi An nagainafuri mene hinanggelekwe inawi inendawinggen hundik meneba were'ma mugusogo wulakfisigik, nen it inagainafuri inoba An nen inangge yi mene ti mene fano mene wogisikhi lagi mene omanogo mondogat telogo heligik, hilingiti lagep andi.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

ROMA 2:24

Hit hilingiti lagep andi faget, Allah ane lisu yi'nogo palek werek: ”Hit hinobabut a'nogo hilingisugun oba it afuni endakwe mene nen, Allah enu ikhi logolik, abok weak ikhi logogun o,” iluk isikhemo wene lisu palogo fesukwa hagat hilingiti lagebo.

1 KORINTUS 5:1

Afuni nen, ap hit mene ekhe he wanu lek mene wanhesik werek iluk abok ikhi logolik yaganetama nesanggo holhi o. It afuni Allah ane inonggot mene nen a'nogo hilingitarek lek mene, ap andi eisena agwe mene wanhesik werek andi.