AMOS 2:3 - Allah Wene Fano Wene Hupla Inane

³ O Moab oba andoma inoe enggi faginarek mene inom, nen at a'ma pemerintah ba yabu hilingitarek mene inom he An nen inebe pinggi inoasigin,” iluk ikhe isikhe.

AMOS 2:3 ပူးပေါင်းရင်းမြစ်များ

AYUB 12:21

Ap inogogwi kaindek-kaindek omanogo Aren inenggaliet fisigik, it inebe inalong logolik inomamerogo melalinafarek mene a'nogo lisogo wanhik ikherek.

MAZMUR 141:6

It inogogwi inalong werek mene nen helep eil silipnorekwe andoma pile pelaginabi lelepma nen he, an nen nane ikhi lagi mene andoma eberogo angga hak.

MAZMUR 2:10

Aren a'nogo ikhe andi nen he, hit ap hinenupogot mene yi sani. Yi'nogo hilinghinabigin iluk husumbi yagahisikhe mene andi hinesanggo fanorogo holini o. Hit ap kaindek kweangma hinomame hokho mene yi sani! Wene andi fanorogo futfeni o.

YESAYA 40:23

Ap inalong werek mene re, iren hilingisu elo'lekhogo hilingisogo fisigik, nen, ap hokho inap he it inomame legasuageluk hilingisogo fisigik, ikherek.

YEREMIA 48:25

Moab omame werek mene a'nogo re omame leget fikhe, nen along werek mene re wolelenggenhogo legetfikhe. Iluk An Tuhan nen nane mondogat igi,” ikhe.

YEREMIA 48:7

Hat Moab he hebelek welagen mene inom, henggi werek welagen mene inom, oba hendawinggen himbirik welagen. Oba nen yogondak he hat hebe mabenet hobagagun. Hanggembu Kamos andi inom, hareise inap andoma inom, hat hobaget yabu hilingitarek mene inom he felelenghogo huginabi logoin.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

AMOS 5:7

Hiren wene higithogo hilingitu awene a'nogo agam fagam isigik, eberogo mene kweangma hugisaluk hineisogen sebelisigik, ikhi lagep mene oma re alomat lasugun o.

AMOS 6:12

Wam kuda tom unggulkwe uarek lagarek nogo? Afuni ekhe i laut yenggelekwe nen, wam sapi nen lisogo waluk yabu wani kwagarek nogo? A'nogo meneat he, hiren hilingisu elo'lek meneba nen tiphogo hilingitu aple omanogo agaumhogo re inendawimo ale palerogo afuni inoatarek mene hilingfikhi lagep, nen, eberogo mene a'nogo agaumhogo re weak mene hilingfikhi lagep.

BILANGAN 24:17

An at ebe neilenggen higi meneat he, o yogondak hilinglasigin mene faget higi fuk. An at ebe neilenggen yethigi meneat he, yatma nen yethigi o. At ap ebe kain enupogot ekhe Israel mene, ebe hesagal eil tibelengge mene hangge hobuk wesigin o. Wesimbik he, afuni o Moab mene inogogwi kaindek mondok wulil tagalogo inoatik, afuni inunggulenu Set mene wulil tagalogo legetfisigik, igin o.