AMOS 2:12 - Allah Wene Fano Wene Hupla Inane

¹² A'nogo meneat he, ap An faget tegelek logogun u hak Nazir mene logouwagaluk wokhisasigi mene andi, i anggur amusu, Na fugo, iluk isigi mene noagaluk wogisigik, ap An nane yagahisikhi logouwagaluk wokhisasigi mene andi, Hiren he Allah ane yaganisikhi logogun mondok lego, iluk wene palhik, ikhi lagep andi.

AMOS 2:12 ပူးပေါင်းရင်းမြစ်များ

YESAYA 30:10

Iren ap nabi inoba ikhi logolik he, ”Hinambe te'me'ni! Hiren nit ninoba wene eberogo wene andoma yaganisa fuk, oba nen he niren ninamolo anggogorek mene andoma nek holhi logogun. Nit he we yugunat mene ebeti logouwogen he herak ninobagani o.

YEREMIA 11:21

Afuni o Anatot mene nen he an wa'lasuageluk inendawimo anggikhi logolik iren yi'nogo ikhi lagaikha, ”Haren Tuhan nen ugu mene andoma yaganisugu logogin halok niren hebe pinggi hoasugun o,” iluk yaganeti lagaikha.

YEREMIA 35:5

A'nogo kwisugusik he An nen it ap Rekhab mene omanogo inelokhoma iwak oba anggur agai ele sophigik hinagaisogo iwak nunggu mene inom figirik he, ”Hinagai nani o,” iluk yagaisigi.

AMOS 7:13

Oba nen he o kota yomaba re, raja faget inom nen wene afuni at a'ma welagaikharek mene nen kabogeri'lagwi kwe nek hilingi'mo re, hat he o Betel yoma nen wene ekhe yagaisikhi logogin lego,” iluk wenagetikhe.

AMOS 7:16

Arigini'mo re, Tuhan nen hat yi'nogo hilingi'nogen iluk yagaheri'logo mene andi hesanggo fanorogo holin o. Andi re haren an wene yagaisikhi logolik it Israel mene nen hilingiri'lagwi mene andi faget wenagisugu kwelek kwe palnafi lagen enggere.

MIKHA 2:6

A'nogo yagahisamo afuni ekhe nen an noba ikhi logolik he, ”Haren nit wene yaganisugu lego. Wene mondogat andoma asigin mene faget nit yaganisa fuk, nit he ninenggali asigin lego.

BILANGAN 6:2

”Wene melalek hilingiti logogun mene yoma afuni Isarel mene yagaisan o. Afuni inebe lombok aben hea, hemi nen hea ane menfikhi logolik, Tuhan faget fisambik netokhogo logogin iluk ane tekhogo ugu halok he,

BILANGAN 6:3

i anggur agai inom, i aik weak mene inom ninggi logogun lek. At andi re anggur enggen amusuba hilingik mene inom, e enggen ekhe amu-amu meneba hilingik mene inom ninggi logogin lek. Athe anggur enggen ket taganek mene inom, iringik mene inom nagain legat, we yi mene ti mene ero anggur oba nen mene halok ogo, enggen elonggoma mene halok ogo ninggi logogin mondok legat.