AMOS 2:10 - Allah Wene Fano Wene Hupla Inane

¹⁰ An nen hit hinebe o Mesir en wokhinarek wulibi wagagisik, o leikwe afuni mondogat lekwe nen wokhinarek wagu kwelek 40 tahun hilinglagaikhe. A'nogo wokhinarek wagagisik, afuni Amori mene inaiba yoma hit eise asubagaigiluk wokhisasigi.

AMOS 2:10 ပူးပေါင်းရင်းမြစ်များ

NEHEMIA 9:21

Haren it o leimo afuni le'ma andoma, 40 tahun ferinarek logolik, yi mene ti mene it lek mene elokhogoat wogisikhi lagagin. It inasu tilibikhi lagaikhe mondok lek andi. It ineisok ou agik, fitik, ikhi lagaikhe mondok legat andi, neisena.

MAZMUR 95:10

A'nogo hilingitu were'ma 40 tahun huli logolik he, An nen it inobaget hebak naferogo kumurisikhi lagagisik, An nen ikhi logolik he: ”Ibi eberogo nen afuni inunggulenu yi inap he inendawinggen An noba tibet fuluk hilingiri'lagwi lek! An nen yi'nogo hilingiti logoino ti'nogo hilingiti logoino iluk yagaisikhi lagi mene a'nogo sagal fuluk enek hilingiri'lagwi.

KELUARAN 12:51

Linggene andi sambul he, Tuhan nen it afuni Israel mene mondogat o Mesir en woginarek wulibi wagaikhe.

KELUARAN 3:8

Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

YEHEZKIEL 20:10

A'nogo isigisik An nen it woginarek o Mesir en wulibi wagagisik o lei ilingage pirimsekwe woginapluk wagagi.

AMOS 3:1

Hit hinunggulenu Israel mene inom Yehuda mene inom, hinebe hineisok erokwe lombok o Mesir en wokhinarek wulibi wagaikhe mene hinobaget wene Tuhan nen hinoba fagain mene yagahisoageluk ikhe mene yagahisagain yi, hinesanggo fanorogo holini o:

AMOS 9:7

Tuhan ane ikhi logolik he, ”Hit afuni Israel mene yi. An nen ap Sudan mene neilenggen woginafi lagi andi re, hit faget ebeti lagi hakhogo it inoba ogo eberisugu welagirek andi. An he hit hinebe o Mesir en wokhinarek wulibi wagagi hakhogo re, ap Filistin mene o Kreta nen woginarek wagik, nen afuni Siria mene o Kir en woginarek wagik, isigi andi.

MIKHA 6:4

An nen he, hit hinombawi afuni Mesir mene nen inamingmingengge higit ferinarek were'ma, telinafigisik, Musa inom, Harun inom, Miriam inomen woginarek wesuageluk inayonggo fisasigi.

BILANGAN 13:32

A'nogo iluk, afuni Israel mene were'ma kwi lagaukwasik, o ineil penetukwa mene omanogo faget ineranen wene ekhe inom lalogo yagaisilik nikhi logolik mel yagaisasukwa: ”Afuni o andoma mene inobakhe mondok hokhondek mene nineilenggen isogo. Mene re, afuni ekhe kugunem herakfisogoin mondok lek andi nen, nit mondok wenalu asugun o.

BILANGAN 21:25

A'nogo hilingitukwa andiba re, afuni Israel mene nen he afuni Amori mene inawi kota inom, o Hesybon inom, o kota endep-endebengge era'lukwe welagaikhe mene inom, telasukwasik he, it a'nogo o andoma femhogo welagaukwa.

BILANGAN 32:13

Tuhan nen it inunggulenu Israel mene inoba a'mage inoba fikhesik he, o leikwe andoma leil warik nikhi logouwageluk hilingfisasikhemo 40 tahun nikhi lagaukwasik ap At ane sagalhukwa mene omanogo mondogat wa'lagaukwa.

KISAH PARA RASUL 13:18

Woginarek wulibi wagaikhemo, it o leimo afuni inebe le'ma andoma mo lagagik pigik ugu kwelek, 40 tahun logolik, inobabut weak hilingiti lagaukwa meneat he, at afe morogoat ferinarek welagaikhe.

KISAH PARA RASUL 7:42

A'nogo hilingiti lagaukwama re, at Allah nen ambot wogisasikhesik, ”Pogoroba mene mo inom, tugi inom, hesagal hokhorogoat inom, fogerati logonik he,” iluk inebe herakfisasikhe. A'nogo hilingitikhe andi, it ap Allah ane yagaisikhi lagaukwa mene nen mel isukwa hagat hilingitikhe: Allah nen he, Hit afuni Israel mene yi sani. Mo lagagik pigik ugu kwelek, 40 tahun o leimo afuni le'ma andoma logolik he, wam sapi watik, endumo nolhik, ikhi lagagip andi re, an faget nobagagik, wa'netik, ikhi lagagip nogo? Lego.

ULANGAN 1:39

Andi nen at Tuhan nen nit ninebe mondogat ninoba yaganisikhi logolik, ’Hit hinagainafuri inebe yenggerek logolik weak fano penesu elo'lek anggikhi lagep mene inom, nen it faget hiren anggikhi logolik, it he nit ninaselei mene nen tela hak anggikhi lagep mene andi inom, it andi inobaat An nen kweang andi wogisamo iren helambik eise asimbik logogun.

ULANGAN 2:7

Hit hineisena Tuhan Allah nen hiren yi aple ti aple hilingitunem Aren aneba fanot hinobagagik, hit o lei mondok uankwe leil warik nugunem 40 tahun ariba fethinarek welagik, yi mene ti mene hit hinamolo mene wokhisigik hilinghinafi lagaikhe mene a'nogo hinendawimo ebethano.

YOSUA 13:4

Andi nen o ekhe teli kugun oba re: O Kanaan andoma abirengge inom, o Meara (it inunggulenu Sidon mene) andoma inomen he huli-huli re o Afek it inunggulenu Amori mene inaiba inom huli-hulimo andoma inom,

YOSUA 24:8

A'nogo were'ma, An nen wokhinarek afuni inunggulenu Amori mene inaiba i Yordan aik eliba, o mo liabi wagarek higit wagagi. A'nogo wokhinarek wagunem it ap Amori mene nen hit hinoasuogoluk isukwa mene re, An nen he, hiren it mabenet fisobagaigen iluk hinenggiba fisasigi andi. A'nogo fisasigimo, hiren it inaiba sebeli wagu kwelek, An nen inebe mondok legetfisasigi.