AMOS 1:8 - Allah Wene Fano Wene Hupla Inane

⁸ Afuni o kota Asdod mene inom, inoe kain enu werek mene inom nen Askelon mene inom he, An nen higilogo ale'ma fisagain. Nen, kota Ekron he An nen wene inoba fikhi logolik, afuni Filistin mene fena ineluk werek mene andi mondogat, inebe legetfisigik, igin o,” iluk ikhe isikhe.

AMOS 1:8 ပူးပေါင်းရင်းမြစ်များ

2 TAWARIKH 26:6

At Uzia nen he it ap Filistin inap inom, weim yabi lagaukwasik he, aren o kota Gat, Yabne, Asdod inom, leget pa' leget omamerogo waganek welagaikhe mene omanogo meisak-langkukhogo lakfisasikhe, aren hobuk he o kota-kota andoma mondok ning maniberogo o Asdod horokhogo andoma inom, o it afuni Filistin mene werekwe alekwe andoma inom wutikhe.

MAZMUR 81:14

Nagaila'lak agwi, it nagainafuri nen An nane ugu mene holnobagakhi logoile'ma nen inom, iren An nane hologo hilingiti logoile'ma nen inom,

YESAYA 1:25

Afuni nen perak weak mene inom were'ma endumo weragaisogo fanot fagarek andi hak, hiren yi weak ti weak hilingiti lagep mene andomaba nen An nen pugunhogo hinobagagin o.

YESAYA 20:1

Raja Asyur mene Sargon a'nogo nen tentara inoe panglima a'nogo ayonggo fesikhesik o kota Filistin misik ekhe enu Asdod andiba pin kwi loageluk ayonggo fesikhe.

YEREMIA 47:1

Raja Mesir mene nen o Gaza pin kwigi'lek werek kwelek Tuhan nen an noba it Filistin mene faget wene yi'nogo ikhe.

YEHEZKIEL 25:16

Andi faget he An nen nane menfikhi logolik, ap Filistin mene inoasi kwimbik it mondogat legaphogo fisagain. O Filistin esanggokwe andoma afuni alinlan logogun mene re An nen inebe pinggi inoasigin.

YOEL 3:4

Hit afuni Tirus mene inom, Sidon mene inom, afuni o Filistin mene ekhema-ekhema welagep mene mondogaren he, An ninggi'nogo hilingnobagauwogeluk hilingiti lagep nogo? An nen weagethinafi lagagi mene andoma eberek logolik wene onggo noba fouwogoluga? Halok he An nen hit hinonggwarek hinobabut oba wene hinoba fembik onggo lagokhogo weak-weagat weagethinabigin werego.

AMOS 1:7

A'nogo hilingita andiba re, An nen endu o Gasa leget pa'leget wurik oba lakfei wagik, nen himbirengge wurik mene andomaba lakfei wagik umo re endu nen mondogat nagain o.

AMOS 3:9

A'nogo isikhesik he, ekhe mel isikhe: ”Hiren he, afuni o Mesir mene inogogwi inom, Asdod mene inogogwi inom, werek mene andoma inoba lambik wene yi yagaisa lani. Yagaisikhi logolik he yi'nogo yagaisano: Hit hinebe re afuni Samaria mene inawi tom-tom welagaikharekwe andoma andogosi laluk he, it weak mondok hilingitik, hesangge-pesangge hilingitik, inenggi omameba sebelinarek welagik, mondok hokhorogo hilingiri'lagwi mene andoma, hineilenggen penesino o,” iluk ikhe.

OBAJA 1:18

An nagainafuri Israel mene re endu higit asimbik, yabukwe engga lei ninggerek andi hak it Esau ambisangma mene omanogo re mondogat endu nogoin. A'nogo hilinglasumo re Esau ambisangma mene andoma misik iluk ogo ekhe linet lasugun mondok lego,” iluk An Tuhan nen nane mondogat igi!

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

ZAKHARIA 9:5

Kota Askelon inom Gaza inomen ineilenggen hambik he inailo nek asugun. O Ekron mene nen ogo ineilenggen hambik inendawinggen hambuk haluk logoure elo'lek asigin. Nen o Gaza mene re it inoe raja legasiginat, nen Askelon he afuni were'lek aiba hakhogo inareng tiring-tereng igin.

ZAKHARIA 9:6

O Asdod andoma re it ekhe inunggulenu amu-amu mene inom nanggelek-hanggelek logogun. An Tuhan nen ikhi logolik, ”It Filistin inap mondok winik-wonok ili'lagwi mene andi re An nen inebe mondogat inoasigin.

1 SAMUEL 6:17

Afuni Filistin mene o kota 5 nen were'ma inogogwi raja inebe 5 nenat ferinarek welagaikharek mene higithogoat, it weak hilingitukwa mene faget onggo palogo Tuhan faget fesukwasik a'nogo lakfei wagaukwa andi. O kota andoma enu re, yi: Asdod inom, Gaza inom, Askelon inom, Gat inom, Ekron inom. O kota andem fenakwe re, leget pa'leget helep mene wurik, nen, fenakwe re, wuri'lek. O kota ebe lombok andoma nen he inebene tugetikhe mene andi faget emas alik waganek misiktek higik, ekhe re inebene tugetikhe mene alik waganek, nen, ekhe re wusikham alik waganek lakfei wagaukwa. Wene andi faget, Allah nen Peti Wene Warogo wo'ninafikhe iluk hilingik a'nogo helep hokho mene andiba liakfesukwa, helep andiba inendawi wenggelogo welagaikharegat andi. Nen helep andi huli yogondak ogore, ap Yosua aiba Bet-Semes mene eabumo andemat werek.