AMOS 1:4 - Allah Wene Fano Wene Hupla Inane

⁴ andi nen he ap raja Hasael aiba andoma endu lakfei wagik, nen raja Benhadad en aleget pa'leget waganek mene andoma endu fatik, igin o.

AMOS 1:4 ပူးပေါင်းရင်းမြစ်များ

1RAJA-RAJA 19:15

A'nogo yagatikhemo Tuhan nen he mel yagatikhe: ”Hambotkwe o leimo afuni le'ma o Damsyik horokhogo a'lima lan o. Lambik andoma nen he, o kota kwimbik, ap Hazael afuni Siria mene inoe raja logouwagaluk inendawi wenggelogo unggul oba amusu keisalogo menfeino o.

2 RAJA-RAJA 13:25

A'nogo menlagaikhemo raja Israel mene Yoas a'nogo nen Benhadad a'nogo enggi henagan oba mabenet fesikhesik, aren o kota-kota ap Yoas eisena Yoahas a'nogo raja logolik telasikhe mene omanogo nekhengge oak waganogo helasikhe.

2 RAJA-RAJA 13:3

Andiba re Tuhan a'mage afuni Israel mene inoba fesikhesik, raja Siria mene hun Hazael a'nogo inom nen amlogo Benhadad a'nogo inomen hundik-hundik afuni Israel mene inomame leget fisoageluk oboget isasikhe.

2 RAJA-RAJA 6:24

A'nogo logolik, ekhe inom hogo welagaukwasigen, afuni Siria mene inoe raja Benhadad en agoromi tentara mondogat woginarek afuni Israel mene inoasuogoluk wagaukwasik, o kota Samaria labetukwa.

2 TAWARIKH 16:2

A'nogo hilingitikhe mo re at Raja Asa a'nogo nen he, o Tuhan Awi wuri'mo omanogo nen inom, o at raja werek oba omanogo nen inom o ekhe yi mene ti mene wokhigik fikhi lagaukwa ba omanogo nen no emas inom perak inom, wanhikhesik he aren raja Siria mene hun Benhadad a'nogo ambit o Damsyik lakfikhi logolik he, wene yi'nogo inom warogo lakfesikhe,

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 49:27

O Damasyik leget pa'leget waganek mene andoma re An nen endu noligin, raja Benhadad awi istana re endu oba mondok alkan kurogo hilingfagain. Iluk An Tuhan Nomame Mondok Hokho mene a'nogo nen nane mondogat igi,” ikhe.

YEHEZKIEL 30:8

An nen ambi Mesir endu fati logolik at inom seberogo hilingiri'lagwi kwe andoma mondogat inoasumo re, iren An Tuhan a'nogo inelu asugun.

YEHEZKIEL 39:6

An nen o Magog kweang oba inom, i esanggokwe andoma inom afuni inendawi hambukhogo welagaikharekwe andoma endu fasigin. Andiba re iren An Tuhan nebe inelu asugun.

HOSEA 8:14

Afuni Israel mene nen inawi o istana sili pumbuk wurili'lagwiba nen iren ap ebe elalinafikhe agun a'nogo inonggot ari'lagwi. Afuni Yehuda mene nen inawi kota omamerogo wurilik lagali'lagwi, oba nen he An nen it inawi istana sili andoma inom, inawi kota andoma inom endu noageluk pelabi wesigin o,” iluk ikhe.

AMOS 1:10

Andiba re, An nen he, o Tirus leget pa'leget waganek mene andoma bene endu lakfei wagik, iren himbirengge wurik mene andoma endu nolhik, igin o,” iluk ikhe isikhe.

AMOS 1:12

A'nogo hilingitukwa andi nen he, An nen endu o kota Teman lakfei wagik, nen o Bozra leget himbirengge waganek mene omanogo bene lakfei wagik umo, endu nen nagain o,” iluk ikhe, isikhe.

AMOS 1:14

A'nogo hilingita andiba re, An nen endu o kota Raba leget pa'leget waganek meneba lakfei wagik, iren himbirengge wurik mene andoma endu fatik igin o. Andem sambul he, ap weim yafi logolik inane hokhorogo sup ugunem inane inesanggo holhik, weim sogoi hokhorogo funha wagarek andi hak anini weak mondok yafunem isigik, ugun o.

AMOS 1:7

A'nogo hilingita andiba re, An nen endu o Gasa leget pa'leget wurik oba lakfei wagik, nen himbirengge wurik mene andomaba lakfei wagik umo re endu nen mondogat nagain o.

AMOS 2:2

A'nogo hilingitukwa andi nen he, An nen endu afuni Moab mene inaiba lakfei wagunem, o Keriot leget pa'leget ninghogo waganek mene andi re endu mondok nagain o. A'nogo nunggu kwelek, weim yafi logolik, inane hokhorogo a'mit sup igik, pinggong ane hokho mene anethigik, inane hokhorogo sagalhik, ugunem inane anggelekwe afuni Moab mene inebe inoasugun.

AMOS 2:5

A'nogo hilingiri'lagwi andiba re, An nen o Yehuda ba andoma endu lakfei wagik, nen Yerusalem oba leget pa'leget ninghogo waganek mene mondogat endu fatik, igin o,” iluk ikhe.

HAKIM–HAKIM 9:57

Tuhan nen he ap Sikhem mene inobabut weak mene andi faget unggum inoba fesikhe. Aren at Yotam Gideon amlogo a'nogo nen it homan fisikhi logolik it inobaget isikhe mene aremnogo higithogo agaikhe.