AMOS 1:2 - Allah Wene Fano Wene Hupla Inane

² A'nogo yagatikhemo, at Amos nen isikhe mene re yi, ”Nineisena Tuhan ebe andom Sion oba logolik, ane kweri'lago. Nen o Yerusalem logolik, ane unggunggu ane hangge pak ili'lago. A'nogo ugunem, o leimo wam fisogo welagaikharek oba engga mondogat puk agik, engga tom Karmel oba welagarek mene mondogat sawet agik, ikhe o,” iluk isikhe.

AMOS 1:2 ပူးပေါင်းရင်းမြစ်များ

MAZMUR 29:4

Tuhan ane re omame mondok hokho were'ma, ane pak ugunem inesanggo holharek.

MAZMUR 46:6

At Allah ebe o andoma welagarek andi nen he, o kota andi, leget fisamo re mondok elo'lek. O hil mogolhu kwelek At ebe we'luk leberisugu mondok logogin.

AMSAL 20:2

Mene singa ane kwerik lagunem inailo agarek andi hak at raja a'mage lagagunem he a'nogoat inailorogo welagaikharek. Ap ekhe nen raja a'mage lagau hak mene hilingite halok he, inonggwarek inebeat weaget fakhogoin.

YESAYA 33:9

O kweang andoma mondogat herakfisamo re afuni inareng tiring-tereng igin. Tom Libanon ogoi engga andoma mondogat abisigin, o Saron fanggong kwe mondok heiselekwe andoma re leikwe higit hilinglasigin. O Basan kwe inom Tom Karmel oba andoma inom he engga mondogat lolhigik pigin.

YESAYA 35:2

O andoma mondogat owil-owilengge wurilogo fegelik lagunem, inagaiyegen wuni lekhikhi logogun. Elokhe hilingik logogin mene re tom Libanon hilingik hakhogo mondok pigin-pugunsek logogin. Elokhe heanerogo hilingik mene re o Karmel fanggong inom, Saron fanggong inom hak hilingik logogin. A'nogo hilingi'mo re ap inebe lombogen nit nineisena Tuhan Omame werek mene a'nogo inom nen nineisena Allah elalin hilingiterek mene omanogo inom ineilenggen hogoin.

YESAYA 42:13

At Tuhan he ap weim aninirogo yaferek mene hangge inom, tentara mene nen weim inomamerogo yafarek andi hangge inom, Aren weim a'nogoat yaferek. Aren weim yafi logolik he ami'mit suphogo At omame werek mene a'nogo it aselei mene omanogo inoba inugisikherek.

YEREMIA 12:4

O kweang yiba iringik mondok werek kwelek nek he ki huli logogin nogo, nen yabukwe omanogo engga puk mondok logogin nogo? Sue inom eluk-elugengge amu mene inom omanogo re nit ninunggulenu mene inanini mondogat weak andiba re wa'lagaikha andi. Iren ikhi logolik, it inoba ari'logo mene andoma An nen hagain lego, iluk aga andi faget heinok wokhiikhi lagi o,” iluk yagati.

YEREMIA 14:2

”Yehuda re awi kota omanogo wa'lasu hak hilingitu nen endawinggen heiselhi logolik werek. Afuni o andi mene re kweangma wengik logolik limamit fali'lagwi, Yerusalem he lebetnabuageluk oak heinet wari'lago.

YEREMIA 25:30

Yeremia ahwi, An nen hat hoba nane igi mene andem he haren mondogat yagaisano. It inoba yagaisikhi logolik, ”Tuhan ane re pogoroba nen pararak eri'lago o. At ebe werek oba obalik mondok fano hore'ma omanogo nen he againafuri inom weim yabigiluk hum liabi'logo. Ap anggur enggen perelharek oba nen abologet hugunem hilingiterek hak, Aren abologet hamo re yi afuni ti afuni o kweangma welagaikharek mene mondogaren holugun.

YEREMIA 28:8

Ap nabi-nabi nit ninebe oan ta'lagi'le'ma attak welagaukwa mene nen asigin mene faget yi'nogo isukwa: Weim yafik, enggin-fenggin agik, ou amben weak mene saga igik, ikhi logolik ap inunggulenu mene inom, inawi kerajaan omame logogin mene omanogo inoba asi wesigin o, iluk yagaisikhi lagaukwa.

YEREMIA 50:19

An nen he afuni Israel mene it inonggwarek inanggweangma nekhengge fisa lagain. It he kweang tomkwe o Karmel inom, Basan inom andomaba nen enggen ugu ninggi logogun. Nen kweang o Efraim inom, Gilead inom oba nen enggen ugu mene andoma nen he it inoba homot fisikhi logogin.

HOSEA 11:10

Tuhan ane ikhi logolik, ”An nen singa ane kouwaterek hak it inaselei mene inailot fisagain sambul he An nagainafuri andoma An nombo'ne logoin o. An nagainafuri re mo ubuk ikherek fikhiren An napne wanuogeluk weak-weak wesugun.

HOSEA 13:8

An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

YOEL 1:19

A'nogo yagaisasikhesik Tuhan oba ikhi logolik he: ”Tuhan neisena. Lei nen nunggunem engga mondogat lek agarek andi hak, o leikwe engga mondok puk agik, yi agayo ti agayo endu nen ninggerek hak mondogat puga'luk wa'lagik, ikhe andi nen he, lebetnisan o, iluk nane hokhorogo nelagaik naneba yagaheti o, neisena.

YOEL 2:11

Nen at agoromi tentara omanogo inendawi wenggelogo iluk enegengge re Tuhan ane unggunggu ane hangge supuk ikherek. At agoromi ane hologo weim yafarek mene re inomame mondok hokho mene logolik, inebe esare inenggi wenasu mondok elo'lek. O Tuhan onggwarek awi wei igin andi re, mondok elalin wesa polan awi wei igin. Inenggi andi sambul andi re afuni nen inailo lekhogo hambuget haluk logou re elo'lek asigin o,” iluk yagaisasigi.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

AMOS 9:3

It heise poloksek tom Karmel ungguloba lagambik hina'lasugun mene ogore, An nen it inebe heraginabimbik inebe fakfisagain o. Nen, it inebe i laut yenggelek a'ma ma'lima hina'lasi pugun mene ogore, An nen kisu Naga i laut oba welagarek mene aigen palinabuageluk yagasigin o.

NAHUM 1:4

Aren he i laut agut palogore terenghogo potfisikherek. Yi agai ti agai lagarek mene andoma re Aren enek firitoget fikherek. Tom Karmel inom o Basan lei omanogo inom he lei mondok pirimhogo hilingfikheregat. Nen o Libanon oba owil-owilengge wilibik mene omanogo re mondogat saweret fikherek.

1 SAMUEL 25:2

At omanogo lagunemen he o kota Maon omanogo re ap misik ekhe enu Nabal hun Kaleb ambisangma mene nen tagongge mene welagaikhe. Hun andi re aren anggo takhuguba faget he kweang o Karmel horokhogo andoma welagaikhe. At ebere enggi werek agun logolik anggo domba re 3.000 nen welagaikhe. Nen anggo kambing he 1.000 nen welagaikhe. At agwe Abigail andi re mondok hebelek logolik he, ebe ogo mondok fano welagaikhe. Oba nen he at agun Nabal andi re obabut mondok haferek logolik mondok weak mene nek hilingiti lagaikhe. Linggene misik sambul he at Nabal a'nogo o Karmel andoma anggo domba esi palhi lagaikhe.