2 YOHANES 1:3 - Allah Wene Fano Wene Hupla Inane

³ Andi nen, nerugwi nagaila'lak. Nit ebe wene wanimbik, nit-nit nendawi-hendawirogo were'ma, nineisena Allah amlogo Yesus Kristus emberek inobabut fano a'nogo nen fano mene wo'nisigik, inendawitninafik, ninendawinggen hambugetninafik, ikhi logouwago.

2 YOHANES 1:3 ပူးပေါင်းရင်းမြစ်များ

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

ROMA 1:7

Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

1 TIMOTIUS 1:14

Andi re, at ninoe Enupogot Kristus Yesus obabut fano nen hokhorogo endawitnafikhesik, nobabut he, at inom hundik logolik hilingitarek hagat, nendawinggen at oba himbiret figik, afuni ekhe nendawirinafik, hokhorogoat ikhi logouwageluk, nebe wo'nafikhe andi.

2 TIMOTIUS 1:13

Wene an nen yagahetigimo wanhigin a'nogo, an nobabut wanimbik, nit Kristus Yesus ninom hundik logolik, ninendawinggen at oba himbiret figik, afuni ekhe ninendawirinafik, ogorek hak ikhi logolik, hendawimo nen he, ”Fanotninaferek mene wene ebe yi aro,” iluk, ninghogo fisogo logolik yagaisikhi logoino.

1 YOHANES 4:10

It ekhe inendawirinafarek andi ebe re, niren Allah ninendawiratugu fuk, lego. We, at Allah nen nit endawitninafikhesik, aren nit weak hilingitorek mene sebelogo legetfisaluk ho'ninabuageluk, amlogo ninoba pelakfei wagaikhe andi.

2 YOHANES 1:1

An hinoe Allah againafuri kwelakhinarek logouwageluk aren mennobagasikhe mene a'nogo nen, hit Allah againafuri takhinafikhe mene halok hinebe re, he misik ekhe ebe Allah nen wenatikhe mene eagwi inom wene yi hai warogo lisu palogo hinoba lakfei wagi o. Hinebe eberogoat nendawi o. An nalegat hinebe nendawi welagi fuk. We, it ekhe ninom ebe wene yogondak inendawimo wanhasik hobuk inom mondok-mondogat logogin mene andi inelu agaukwa mene nen ogo re inendawithinafa aro.