2 YOHANES 1:1 - Allah Wene Fano Wene Hupla Inane

^1-2 An hinoe Allah againafuri kwelakhinarek logouwageluk aren mennobagasikhe mene a'nogo nen, hit Allah againafuri takhinafikhe mene halok hinebe re, he misik ekhe ebe Allah nen wenatikhe mene eagwi inom wene yi hai warogo lisu palogo hinoba lakfei wagi o. Hinebe eberogoat nendawi o. An nalegat hinebe nendawi welagi fuk. We, it ekhe ninom ebe wene yogondak inendawimo wanhasik hobuk inom mondok-mondogat logogin mene andi inelu agaukwa mene nen ogo re inendawithinafa aro.

2 YOHANES 1:1 ပူးပေါင်းရင်းမြစ်များ

LUKAS 1:3

A'nogo walhilik wagaukwa meneat he, an ogo wene andi eroba nen furogo yanggulhi lagagisik a'luk he, haren wene yagahetukwa mene andi eberogoat iluk angganogen he, wene ebe pilingisogo lisu palogo hoba lakfei wesigeluk anggikhi lagirik palhi lagi yi o. Noe.

YOHANES 8:32

wene ebe wene hinelu asigin o. Hinelu asumo, wene ebe wene andibaat hinebe hele fikhalogo hinale'ma hinobagagin o,” iluk yagaisikhi lagaikhemo,

KISAH PARA RASUL 11:30

A'nogo andogotukwasik he, Barnabas Saulus emberegen, inenggim waluk lagaukwasik, it ap Allah againafuri kwelaginarek welagaukwa mene inenggiba fei loageluk lakfisasukwa andi.

ROMA 16:13

At Rufus andi ninoe Tuhan Yesus nen ayonggo fesikhemo fogeratarek andi. At agaisa andi, an nagaisa hangge aro. Eak emberegat, ”Aren hai wathinafe,” iluk yagaisano aro.

GALATIA 2:14

A'nogo wulifukwama re, an nendawimo nen, ”Wene eberogoat, fano wene yi meneat he, it inobabut he, fano wene yagaisikhi logolik hilingisu mene hilingiri'lagwi lek higi,” iluk, afuni mondogat ineilhanem Petrus wene mel iluk yagatigi: ”Hat hebe Yahudi meneat he, afuni Yahudi mene hilingitarek hak hilingiti'lek, afuni endakwe mene nen hilingitarek hak hilingiti logoligat, it endakwe mene yagaisikhi logolik he, Hit hinobabut afuni Yahudi mene hilingitarek hak, inobabut waganogo hilingiti logoino, iluk ninghogo yagaisikhi lagen andi nenahalok,” iluk, fakhogo wenagetigi.

GALATIA 2:5

Mene re, wene fano wene andi hit faget fanorogo elele palogo fethinarek logouwageluk, iren a'nogo ugunem, niren it inane hologo ninenggi misigat oba ekhe, ”I o,” iluk, igi'legat.

GALATIA 3:1

Hit afuni o Galatia mene hinendawinggen lek hilingiti lagep andi ri! Yesus Kristus ebe eba menfuluk watukwa wene a'nogo hineilhanemat furogo yagahisasugu meneat he, wene hobuk sa nen hinendawimo kagalhemo a'nogo hilingiti lagep.

GALATIA 5:7

Afuni sa awewerek-sa awewerek lagaikharek hak, hit attak wene andi faget hinobabut anggilukhogo hilingiti lagagip meneat he, hobuk sa nen hinendawimo kagalhi lagama ebe wene andi hologo higithogo hilingiti'lek, hinendawimo puk welagep nogo.

IBRANI 10:26

Ebe wene Allah ane yaganisasukwa mene ninelu logoligat he, nineranenat wene andi sagalogo herakfisaluk weak mondogat hilingiti logogun halok he, nit hobuk ninanggo Allah faget waresumo ho'ninabigin mondok legaro.

1 PETRUS 5:1

Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.

1 PETRUS 5:13

Hinerugwi hinagaila'lak Allah againafuri aren wenaginafikhe mene o Babylon yoma welagaikharek mene nen hai wathinafik, namlogo Markus nen hai wathinafik, aga o.

1 YOHANES 2:21

An nen wene lisu palogo hinoba lakfei wagi andi re, ebe wene hinonggoren fuk. Hinelu welagep andi nenat lakfei wagi o. Nen, ineranen agarek andi ero re, Allah ebe nen fuk. Ero hunogoat, iluk ineluaro.

1 YOHANES 3:18

Halok he, nagainafuri e. Niren afuni ekhe ninendawirinafi'lek logoligat he, ninaneba nek he, ”Ninendawirinafi logouwogo,” iluk ikhi logogun elo'lego. Athe, inebe ninendawirinafik, ninenggiba nen eberogoat leberisikhi logouwogo.

2 YOHANES 1:13

He ekhe Allah nen wenatikhe mene, eagwi nen inagaisahe ebe hai wasu hak, it Allah againafuri yoma mene nen he, hit hai wathinafa o.

2 YOHANES 1:5

Andi nen he, nerei e. Wene ket mene lisu palogo heagwi hinomat were'ma hinoba lakfei wagi fuk. Lego. We, nit ebe wene andi futfesugumo at Allah nen nit-nit nendawi-hendawirogo logouwageluk eroba nenat komotninafikhemo ninelu mene a'nogo lisu palogo hinoba lakfei wagi andi o.

3 YOHANES 1:1

Gayus nagailage. An nen Allah againafuri kwelaginarek logouwageluk mennobagasikhe mene hinoe a'nogo nen nendawinggen oba nen hebe eberogoat nendawi welagi, iluk, wene yi lisu palogo hoba lakfei wagi o.