2 TIMOTIUS 4:6 - Allah Wene Fano Wene Hupla Inane

⁶ Afuni nen an nebe Allah faget namep wulagaisogo noasugun oba arat horogasi waga o. A'nogo noasumo, an nebe neisena oba lagain higirat agama welagi o.

2 TIMOTIUS 4:6 ပူးပေါင်းရင်းမြစ်များ

KEJADIAN 48:21

A'nogo hilingitikhesik, at Yakub en Yusuf mel yagatikhe: ”An hilingitunem heilenggen neegen andi hak, an nebe yogondak yaat wa'lasigin meneat he, hit Allah nen lebethisikhi logombik, hobuk hinambotkwe ninombalak welagaukwaba wokhinarek lagain o.

KEJADIAN 50:24

A'nogo logolik, ogogwi agoromi omanogo mel yagaisasikhe: ”An nebe horogat wa'lasigin hak welagi o. A'nogo meneat he, at Allah nen eberogoat hit fethinarek logolik, hit hinebe o yoma nen wokhinarek wilibimbik he, o Abraham inom, Ishak inom, Yakub inom, wokhisagain, iluk hombuk palogo wene warisasikheba andoma wokhinarek lagain o,” iluk yagaisasikhe.

ULANGAN 31:14

A'nogo yagaisasikhemo, hobuk At nineisena Tuhan nen wene Musa yi'nogo yagatikhe: ”Hat henggi ekhe inom heluk logogin lego. Ma re, An nen at Yosua nen hilingiti logogin mene yanggulesigen he, at ebe wolesimbik, An nawi su mene wuri'mo waluk we'no o,” iluk yagatikhe. A'nogo yagatikhemo, Musa nen Yosua woletikhesik waluk, o Tuhan awi sabu wuri'mo omanogo lagaikhe.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

FILIPI 2:17

Mene re, afuni nen wam domba Allah faget fisaluk, warogo endu nolesuogeluk, amboloba enggen amusu pelafarek hak, hit hinendawinggen Allah oba himbiret fuluk wogetunem, amboloba afuni nen an nebe warogo namep pelafa halok, an nendawimo nagaiyek anggugunem hit mondogat hinendawimo hinagaiyek anggogoin aro.

YOSUA 23:14

Yogondak he, an nebe wa'lasigin oba arat horok agi yi o. Nen hit hineisena Tuhan Allah nen he mondok fano mene wokhisagain iluk wene wathisikhe mene a'nogo mondogat wokhisikhe mene andi re, hit hinebe lombogen hinelurek. Aren wene wathisikhe mene andoma mondogat he tibet fikhe, we misik iluk ogo ekhe taganet fikhe mondok lek.