2 TIMOTIUS 4:5 - Allah Wene Fano Wene Hupla Inane

⁵ It a'nogo hilingitu kwelegat he, hat he, yi mene ti mene faget, hobabut hebelogo logolik, hoba yi enggin ti enggin hikhi logolik, hafe morogoat logoino. Fano wene yagaisilik nikharek andi meneat esinet fuluk he, Allah nen, ”Yi'nogo leberisikhi logoino,” iluk, hayonggo fesikhe mene andi ekhe herakfisigi'legat higithogo hilingiti logoino.

2 TIMOTIUS 4:5 ပူးပေါင်းရင်းမြစ်များ

YESAYA 62:6

leget pa'leget o Yerusalem oba andoma An nen ap kagalek mene menfisilik lagain. A'nogo logolik linggene nen pikhit hubanggo re alokhogo welagi'lek hundik-handik Allah nen wene watnisasikhe mene a'nogo faget ebetu mondok logogun.

YEREMIA 6:17

A'nogo agama re Tuhan nen yi sambul ti sambul he enegenggerogo iluk trompet ane hokho mene anethugunem he, Andi re inebe wagaikhama iluk inafe hebelaga logouwagaluk ap kagalek logogun mene menfisugu mondok welagaikhe meneat he, iren he, ”Nit he pinggong ane andi ninesanggo holek logou re, ninabiro,” iluk ikhi lagaukwa.

YEHEZKIEL 3:17

”Afuni wa'lagaikharek mene yi re, hat he An nen ap unggulenu Israel mene faget ineyaga logoinogeluk menhobagagi o. Ebeti logouwageluk An nen yagahesigin mene yi yagaisano.

YEHEZKIEL 33:2

”Afuni wa'lagaikharek mene yi, haren it ap inunggulenu mene andoma inoba yagaisano, An nen o kweang misik ekheba weim lakfei wesigin sambul andi re yi mene hilinglaga logogin. Afuni andoma werek mene nen ap misik ekhe kagalinarek logogin mene heragaisogo menfogoin.

YEHEZKIEL 33:7

Afuni wa'lagaikharek mene yi, hat he hunggulenu Israel mene faget kagalinarek mene faget iluk An nen menhobagagi. Enggere, ebeti logouwageluk mene yi yagaisan:

MATIUS 25:16

Lagaikhemo re, ap 5.000 nen wanhikhe mene a'nogo uang andiba awarogo yi mene ti mene wanhi logolik, hobuk 5.000 ekhe inom mangorogo fesikhe.

MARKUS 13:34

Wene yi emberek higit he, ap ekhe aiba nen o yatma lageluk he, amingmingengge mene aiba kwalogo logouwageluk fisaluk lagarek. Lagaluk, amingmingengge mene omanogo ineabu lombok sumburogo wogisikhi logolik, ”Hat ekhe yi hilingiti logoino. Hat ekhe ti hilingiti logoino. Hat ekhe nawi kweba kagalek welagen mene yi, heilenggen fanorogo logoino,” iluk sumburogo wogisaluk lagarek andi higiraro.

MARKUS 13:37

hinobabut hebelogo logobagaigeluk, yagahisigi o. Hit yagahisigi mene andi re afuni mondogat inomat yagahisigi o,” iluk yagaisasikhe.

LUKAS 12:37

At kain a'nogo amingmingengge mene omanogo inoe yerogo were'ma ebe waga logoumo re, inendawimo inagaiyek hokhorogo anggogoin o. A'nogo yerogo were'ma wesimbik he, at inoe a'nogo obakhe hele pukhogo, agoromi omanogo isago noageluk inebe misi'mo lambukhogo hutfisambik he, aren sumburisagain o, iluk yagahisigi,” isikhe.

KISAH PARA RASUL 21:8

Ninom welagagusik, ohealekwe re, o Kaisarea lagagusik, it ap inebe 7 nen attagat o Yerusalem en wenagaisogo fisaluk menfisasukwa mene omanogo ekhe fano wene yagaisilik nikhi lagaikhe mene enu Filipus were'ma, aiba kwisugusik ninom welagagu.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

KOLOSE 1:25

An he, Allah nen hit faget at againafuri mene mondogat inamingmingengge logouwageluk nayonggo fesikhemo, wene Allah nen isikhe wene andi mondogat yagaisilik nikhi logou hagat yagaisilik nikhi lagi andi.

KOLOSE 4:17

At Arkhipus a'nogo wene mel iluk yaga'no: ”Ninoe Enupogoren yabu at faget yi'nogo hilingi'no iluk hayonggo fikhe mene andi, wurep kobokhogo hilingi'no,” iluk yaga'no.

1 TESALONIKA 5:6

Halok he, it ekhe nogo hangge ili'lagwi andi, nit a'nogo ikhi logogun elok lego. We, ninobabut hebelogo logolik, ninendawinggen wenggelogoat logouwogo.

1 TIMOTIUS 4:12

Hat hebe souge welagen andi nen, it afuni ekhe nen inendawimo sebelhobagagun lego. Hebe sougweat logolik, afuni ekhe inendawinggen Allah oba himbirik werek mene nen hat hobabut wanuageluk hane higithogo yagaisigik, hobabut higithogo hilingitik, afuni hendawirinafik, hendawinggen Kristus oba himbirik welagik, weak hilingiti'lek heil lomborogo welagik, ikhi logoino.

1 TIMOTIUS 4:15

It afuni mondogaren hat hobabut palhi logolik he, ”At Timotius attak fano hilingiti lagasik yogondak fano mondogat hilingiri'logo,” iluk enegat futhobagauwageluk, wene yagaheti mene andi mondogat hendawinggenma fakhambik hilingitu mondok logoino.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

2 TIMOTIUS 2:3

Ap kaindek mene inogogwi inane hologo weim yafi logolik, yi enggin ti enggin hikhi logolik yafarek hak, haren Yesus Kristus ane hologo, yi enggin ti enggin hikhi logolik, hafe morogo hilingiti logoino.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

WAHYU 3:2

An nen hit hinobabut palhi lagi re, neisena Allah eilhanem fano katokhogo hilingiti lagep lek. We, horogat wa'lasugun hinendawinggen pasalouk welagep andem obaat, siakhogo menla'luk he, hinenggisok hambuget akhaluk, hinomame a'no o.