2 TIMOTIUS 4:4 - Allah Wene Fano Wene Hupla Inane

⁴ It andi ebe wene andi ugunem inesanggo to'motfuluk, suetninung pilingitarek wene andi pilingitunem enek he, inesanggo langhogo holhi logogun andi.

2 TIMOTIUS 4:4 ပူးပေါင်းရင်းမြစ်များ

AMSAL 1:32

It ap inendawimo inabit mene andi nen an heraknobagaluk wulibugun mene andi hobuk inebe wa'lagik, afuni kembu mene an nane seramet fagarek mene andi hobuk inebe alomat lagik ugun o.

YESAYA 30:10

Iren ap nabi inoba ikhi logolik he, ”Hinambe te'me'ni! Hiren nit ninoba wene eberogo wene andoma yaganisa fuk, oba nen he niren ninamolo anggogorek mene andoma nek holhi logogun. Nit he we yugunat mene ebeti logouwogen he herak ninobagani o.

ZAKHARIA 7:11

Oba nen he An nagainafuri inendawi mondok omame logolik iren holu re inabit mondok welagaikha, nen holu inabiren he inesanggo to'moti lagaikha.

MATIUS 13:15

It afuni yi ineilenggen higik, inesanggo holhik, inendawimo ebetik, ilugen he, inobabut hebelumo hobuk an nen fanorinabinogo iluk he, iren inendawimo pugagik, inesanggo tagum agik, ineilenggen mum agik, ineranenat ineilenggen pugetfigik, hilingitukwa o, iluk Allah nen isikhemo Yesaya nen lisu palogo fesikhe andi higit asuageluk yagaisikhi lagi o.

KISAH PARA RASUL 7:57

A'nogo yagaisasikhemo, it omanogo inane a'mit sup isukwasik he, inenggi inesanggo te'merogo, fungusek ambineat oba hop-hop kwisukwa.

2 TESALONIKA 2:11

It afuni andi nen ebe wene eberogoat iluk wanhi'lek logolik: ”Weak mene andiat ninamolo,” iluk hilingiti logogun mene andi, inebe mondogat Allah nen wene inoba fuluk weagerinabigeluk he, nongerinaferek mene omame werek mene ekhe lakfei wesigin. Lakfei wesumo, eranen igin meneat he, eberogoat iluk wanugun andi.

1 TIMOTIUS 1:4

It andi nen he, suetninung ineranen kagalogo pilingitik, Ninebe a'nogo ta'larik wagagu, iluk wene komo wene eroba nen palfigi'legat pilingirik mondok lagik, ili'lagwi andi meneba inendawinggen eberek mondok logoinogo nen he, igi'lek herakfisoageluk komorinabino aro,” iluk yagahetigi anggigi. Wene andi mene ugunem, ebe wene ninendawinggen Allah oba himbiret fuluk were'ma, aren fanotninabigin andi mene hokhorogo agarek lego. We, wurep oba inane hokhoat sagalharek andi.

1 TIMOTIUS 4:7

Afuni nen suetninung ebe wene lek meneat he, tulemat ineranen pilingitarek mene andi herakfisikhi logoino. Herakfisaluk, Allah awe a'ma logolik hilingitarek mene andiat homamerogo yanggulikhi logoino.

1 TIMOTIUS 6:20

Timotius namlogo e. Allah nen hayonggo fikhi logolik, ”Yi mene hilingiti logoino,” iluk, hoba fesikhe mene andiat fanorogo fisogo logolik, homamerogo hilingiti logoino. It ekhe nen Allah ane yagaisogoin mene andi igi'lek logolik, we tulemat, lek asigin mene fagerat wene palhi logolik, ”Wene ninelu,” iluk, ili'lagwi andi re inonggot logoligenat ili'lagwio. It andi nen he, ”Wene ebe mene arat futfogo,” iluk ikhi logolik, Allah ane eberogoat mene herakfisaluk nong asi wulifa andi nen, wene andi mene wanhi'lek herakfisaluk logoino o. Nagaila'lak. Allah obabut fano a'nogo nenat fethinarek logouwago.

2 TIMOTIUS 1:15

It afuni o propinsi Asia yi awi ti awi mene omanogo inebe mondogat an heraknobagaluk pugulogo wulifi logolik, at Figelus inom, Hermogenes inom, inomat pugulha andi hat heluat welagen o.

TITUS 1:14

It afuni Yahudi mene ineranen kagalogo suetninung wene pilingiri'lagwi mene inom, afuni ekhe nen, ebe wene herakfisaluk inendawimo nen kagalogo, ”Yi'nogo hilingiti logogun,” iluk komorinabi'lagwi mene andi inom, wene andi fisogo logoinogo iluk, ninghogoat komorinafi logoino.

IBRANI 13:25

Nerugwi nagaila'lak. Allah obabut fano a'nogo nen hit mondogat fethinarek logouwago.

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.