Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTIUS 4:18 - Allah Wene Fano Wene Hupla Inane

18 A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

အခန်းကိုကြည့်ပါ။ ကော်ပီ




2 TIMOTIUS 4:18
40 ပူးပေါင်းရင်းမြစ်များ  

A'nogo wo'narek nikhi logolik, ebe malaikat higit a'lugen, an nebe weaget nabuhak were'ma telnafi lagaikhe andi. Ma re, Arenat yenggerugwi yi fanorinafi logouwago. Yenggerugwi yi inalisikhogo re, an nenu inom, Abraham enu inom, Ishak enu inom, ugu mondok logouwak. It inombalagen tagongge mene inebe kweangma o yi awi ti awi mondok hokhorogo sik-pik imbik logouwak,” iluk yagatikhe.


Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.


Hat hebe weaget habinogoluk, At Tuhan awe a'ma hobagaluk were'ma, heluk fano logoinogoluk setharek mondok logogin.


At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.


An neluk fanorogo logogin mene faget Haren komotnafi lagen, Nen Harenat hobuk an nebe agaukhogo wo'nabiginat.


Tuhan neisena, it Hat haselei mene andi re inebe felelenghogo leget fisigik, it afuni inanini weak mene mondogat telfol isigik igin mene andi re, nit mondogaren he ninelu welago.


Ap obaharo weak mene alomat lakhagain andi re onggwarek aweak oba, ap fano hilingiterek mene inili waganogo logogun andi re it fano hilingisugun oba.


Nen, it afuni Allah endawimo anggikherek mene higithogo hilingitarek mene andi nek he, inebe o mo selekhogo yaterek hak, ineisena Allah awe a'ma logogun o, iluk hinesanggo holugun halok he, fanorogo holini o,” iluk yagaisasikhe.


A'nogo tegelogo fisambik he, an nebe kain nenupogorat andi nen he, it nenggi ebekwe fisagain mene andi, wene mel yagaisagain: An neisena nen fanothinafemo welagep mene andi we'ni o. An sumburu nele were'ma hiren mela'netik, i nele were'ma hiren wo'netik, an ap pogat were'ma hiren wo'nafik, nasu laberek lek were'ma hiren labetnobagagik, ou warek were'ma hiren nea wagik, nenggi hele warek were'ma nea wagik, isigip andi nen he, an neisena nen pogot kweang oan elalhi'lek logolik, hit kain hinenu werek logobagaigeluk wenagaisogo hinobagasikhe mene yi hela we'ni o, iluk yagaisugunem,


Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.


It afuni nit weak hilingninabi'lagwi mene inebe lombok niren sebelogo legetfisogo andi hak, niren weak hilingiti lago mene haren sebelogo legetfisan o. Weak hilingisuageluk ninendawimo kagalhu halok herakninobagagi'lek fetninarek mondok logoino, iluk samban ikhi logoino,” iluk yagaisasikhe.


”Halok he, hit Allah againafuri a'luk welagep mene hinebe endebat mene yi, nerugwi nagaila'lage! Allah nen hit at awe a'ma hinobagaigeluk endawimo anggikhesik werek andi re, hinailo agubo.


An Neisena nen afuni an nawe a'ma ferinarek logouwageluk mennobagasikhe andi hak he, hit ogo re afuni an nawe a'ma fisagain oba andoma sumburu ninggik, i ninggik, ikhi logolik he, hinobuluk talek oba kainat logolik, afuni Israel mene inunggulenu 12 nen omanogo wene inoba figik, kotik, ubagaigen, iluk, hirat menhinobagagi o,” iluk yagaisasikhe.


Haren, it afuni kweangma mene inanggele'ma nen it enek kigilogo woginabinogen iluk kino yagaheti lagi fuk. We, at weak mene a'nogo nen weagerinabigeluk inoba wagunem, haren kwelaginarek logoinogen iluk yagaheti lagi o.


Eroba, yi mene ti mene mondogat he, at Allah nenat elalhikhemo, at enggiba welagarek. Logombik he, wurep oba, aren at hilingisigin. Halok, at enek fogeratu mondok logouwogo, iluk igi andi, ebe asuak u hak, ”Amin,” igi andi.


At Allah alegat endawimo kagalek welagarego. At Yesus Kristus nen hilingitikhe mene faget Allah fogeratu mondok logouwogo, iluk, ”Ebe asuak,” iluk u hak, ”Amin,” igi andi.


At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.


Hit weak hilingisuageluk hinendawimo kagaligeluk wagunem obabut hikhi lagep andi re, nit afuni mondogat ninendawimo kagaligeluk wagunem hogorek hagat hikhi lagebo. Meneat he, Allah nen abok yaganisasikhe higithogoat hilingiteresi'mo re, weak hilingisuageluk hinendawimo kagaligeluk wagunem he, hiren hinendawinggen sebelugun elo'lek mene, Allah nen herakhinobagagi'lek fethinarek logogin o. Hinendawimo a'nogo kagalhu kwelek, hinendawinggen sebelubagaigen iluk, Allah nen wene higithogo yagahisagain werego.


Nerugwi nagaila'lak. Wene yi yagahisak. Ninebe ninagap wa'lagorek mene yi inom he, Allah awe a'ma ninobagagin oba andoma eisewerek asugun mondok lego. Nen, ninebe fili agarek mene yi inom hobuk ninebe ninetok mondok logogun mene eisewerek asugun mondok legaro.


Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.


Andi nen he, at Allah nek fogeratu mondok logouwogo. A'nogo igi andi, ”Ebe asuak,” u hak, ”Amin,” igi andi.


A'nogo were'ma, at Allah nen ninendawinggen hambuget ninobagaikherek mene a'nogo nen, hinebe abirengge onggwarek faget fakhaluk logouwago. Were'ma, ninoe Enupogot ebe wagunem, hinendawinggen inom, hinebe inom, hinobabut inom, wene hinoba figi'lek tegelek mondok were'ma wesuagen he, arenat fethinarek logouwago.


Menere, ninendawinggen ninoe Enupogot oba himbiret fugunem, ninane hologo hilingiterek mene a'nogo nen hinendawinggen wuriget hinafi logolik, at obabut mondok weak mene a'nogo nen weaget hinabigeluk ugunem fethinarek logogin andi nen, hinendawinggen at oba himbiret fuluk logoino o.


Nineisena kain Enupogot Allah andi alegaro. At ebe nineilenggen hogorek lek. Walhasikhe etok mondok welagarek mene andi aro, iluk, fogeratik, hai watik, ugu mondok logouwogo, iluk, ”Amin,” igi andi.


Nen, at ebe wa'lagi'lek etok mondok welagarek menere, at alegaro. At ebe o selek oba mondok were'ma, ineilenggen siluk pabuk iluk, oba horokhogo la elo'lek. At ebe afuni ekhe nen ineilenggen hagarek legat. A'nogo ha elo'lek. Omame mondok logogin mene andi, fogeratu mondok logouwogo, iluk ”Amin,” igi andi.


A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.


At Kristus Yesus ebe hobuk kweangma weinamhogoat wesimbik he, afuni ninebe nineluk welago mene inom, wa'lagaukwa mene inom, mondogat wene ninoba figik, kotik, igin. Fikhi logombik, yi afuni ti afuni mondogat awe a'ma fisambik at ebe kain logogin andi nen, an nen, nineisena Allah inom, Yesus inom, emberek ineilhanem, haren ebe wene afuni yagaisikhi logoinogeluk komorogo yagahesik. Afuni fano wene yagaisugunem holugun werek kwelek inom, inabit werek kwelek inom, holuageluk wene andi ninghogo yagaisikhi logoino. Hendawinggen puk agi'lek yagaisikhi logolik he, weak hilingitunem hane fakhogo yagaisigik, komorinafik, inendawinggen ago warogo yagaisigik, ikhi logoino.


We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.


It andi hangge meneba wagaukwa meneat nen, hit enek he, tom Sion Allah eluk welagarek mene awi sili o kota Yerusalem pogoroba meneba wagep andi. Andoma re, malaikat esa yi esa ti esa hokhorogo inom,


Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.


Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.


Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.


Yi mene ti mene mondogat at alegat eise logolik fisogo mondok logouwak, iluk, ”Amin,” igi andi.


Ninoe Enupogot Yesus Kristus telninabi'logo mene a'nogo, kain mondogat logogin oba andoma hinobagai kwikhi logolik, aren he, ”Hit hinebe eisewerego,” iluk, hai warogo fanorogo wokhinarek kwigino.


Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.


An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.


Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.


Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ