2 TIMOTIUS 4:16 - Allah Wene Fano Wene Hupla Inane

¹⁶ Afuni nen wene noba fesukwasik, nanema omanggum wanhunem, an nen he, ”An noba le'ma aro,” iluk wene noba korugunem, it mondogat an nera'lu ekhe welagi'legat heraknobagaluk wulifa andi faget, Allah nen wene inoba figi'lek logouwageluk samban ikhi lagi.

2 TIMOTIUS 4:16 ပူးပေါင်းရင်းမြစ်များ

MARKUS 14:50

at Yesus agoromi omanogo inebe mondogat ebe herakfisaluk he, heise pugulhukwa.

LUKAS 12:11

Hit hinanema wanuageluk, afuni nen it ap Yahudi mene samban agarek oba andoma inom, it ap pemerintah mene ineilhanem andoma inom, it ap inenupogot ineilhanem inom, wokhinarek hinobagai lagu halok he, hinendawimo nen he, Nit ninagap telogo wene re onggo ki mene ugun, iluk hinendawinggen fitubo.

YOHANES 16:32

A'nogo yagaisasikhesik he, ekhe mel yagaisasikhe: ”Hit mondogat pugulogo wulakhinobagaumo, an namu nek heraknobaluk hinawilokwe lombok pugulugun oba oan welago meneat he, yogondak arat asi waga o. Hit a'nogo pugulumo, an neisena nemberek logogun andi nen he, nalegat logogin lego, iluk eberogoat yagahisigi,” iluk yagaisasikhesik,

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

KISAH PARA RASUL 25:16

Yaganeta menere, an nen onggo mel yagaisigi: Nit afuni Roma mene hilingitorek he, ap ekhe wene oba fugunem, it wene oba fogoin mene nen ap andi ebe yagatunem, aren onggo it yagaisigi'le'ma re, inebe inoasuageluk wogisogoin lek, iluk yagaisigi.

KISAH PARA RASUL 7:60

A'nogo ikhi logolik, eindep awi yagaisogo hu'lagaikhe. Hu'lagaikhesik, ane hokhorogoat he, mel isikhe: ”Noe. Ap an weagetnafa mene yoma, wene inoba fugun o,” iluk yagatikhesik ebe arat wa'lagaikhe.

1 KORINTUS 13:5

A'nogo logolik he, inenggali lek hilingitik, yi mene ti mene inonggwarek faget esinet figik, ina'mage horoksek welagik, it ekhe nen weak hilinginafunem he, wene ambumet fuluk welagik, agarek lek.

1 KORINTUS 9:3

Afuni nen nabok weak ugu kwelek, an nen yi'nogo yagaisikhi lagi:

2 KORINTUS 7:11

At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.

FILIPI 1:17

Meneat he, it fena wene pali'lagwi andi nen, wene Kristus faget yagaisili'lagwi andi re, inendawinggen misigat logolik yagaisili'lagwi fuk. We, inendawimo nen he, ”Paulus enggi hele warek werek andi ebe weak asuak,” iluk inonggwarek inenu hokho asuagelugat yagaisili'lagwi andi.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

2 TIMOTIUS 1:15

It afuni o propinsi Asia yi awi ti awi mene omanogo inebe mondogat an heraknobagaluk pugulogo wulifi logolik, at Figelus inom, Hermogenes inom, inomat pugulha andi hat heluat welagen o.

2 TIMOTIUS 4:15

At andi ebe wene niren yagaisikhi lago mene ninane sagalogo herakfisaluk hilingiti laga andi nen, hat hobabut hebelogo logoino.

1 PETRUS 3:15

Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,