2 TIMOTIUS 3:9 - Allah Wene Fano Wene Hupla Inane

⁹ It Yanes inom, Yambres inom, weak hilingitukwama, it ekhe nen, ”Inendawinggen lek,” iluk enegat futfesukwa hak, it andi a'nogoat inendawinggen lek hilingiri'lagwi iluk, afuni mondogaren inobabut enegat palumo re, it inane andi ebe asigin lego.

2 TIMOTIUS 3:9 ပူးပေါင်းရင်းမြစ်များ

1RAJA-RAJA 22:25

A'nogo wenagetikhemo, at Mikha nen he, mel yagatikhe: ”Hobuk hat hebe o hulu ekhe senggele'ma hina'lasi kwikhi logolik he, Mikha nen yaganete a'nogo re eberogoat mene yaganetemo higi, iluk futfagain o,” iluk yagatikhe.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

KELUARAN 7:11

A'nogo hilinglagaikhe andi nen, at raja a'nogo nen agoromi yi wene ti wene inelu mene inom, wesagun elalin hilingitu inelu mene inom, wolisasikhemo wagaukwasik he, wene it inawesa meneba, andi higithogoat hilingitukwa.

KELUARAN 7:12

Ariginhi logolik, iren he, inarige tomuk kweangma hukhasukwa, hukhugunem he, kisu hilinglagaikheat. Meneat he, a'nogo hilinglagunem at Harun arige tomuk a'nogo nen it inarige tomuk andi haumhogo nasikhe.

KELUARAN 9:11

It afuni Mesir mene inebe mondogat inoba pot hokhorogo agaikhe andi hak, it ap wesainap elalin hilingiti lagaukwa mene omanogo ogo re, pot inoba mondok hokhorogoat inagap selek ekhe welagaikhe lek andi nen at Musa elokhoma ninggi'nogo menlasu heat hilinglagaikhe.

YEREMIA 37:19

Neisena haren mene nabi nen ikhi logolik raja Babel mene nen he o yoma pin talogo kwi wagik, neisena hat hebe fakhobagagik ugun lego, iluk ikhi lagaikha mene omanogo koma werek?

LUKAS 6:11

A'nogo higitikhemo, it ap Allah ane lisu palek inelu mene omanogo inom, it Farisi mene omanogo inom, ina'mage hokho mene lagasukwasik he, ”At Yesus ninggi'nogo hilingisuok he,” iluk, it-it abok palhi lagaukwa.

KISAH PARA RASUL 13:11

Yethan! A'nogo hilingiti lagen andi nen, Tuhan Allah nen wene hoba fikhemo welagen o. Andi re, hat hebe yogondak elama faget ya heilenggen mum asimbik he, mo andi heilenggen yethigi'lek logogin o,” iluk yagatu kwelek aremnogoat, eilenggen ohena hangge salogo mum agaikhe. Mum agaikhesik he, ”Sa nen nenggi fagaisogo wo'narek lagain he,” iluk afuni enggi fak heraginabik lagaikhe.

2 TIMOTIUS 3:8

Attagat, it ap Yanes inom, Yambres inom, Musa ane sagalogo herakfisaluk hilingitukwa hak, it andi ebe wene sagalogo herakfisaluk weak hilingiti logolik, inendawimo nen wene higit mene ebeti'lek, weak mene eberi'lagwi andi. A'nogo eberi'lagwi andiba, inendawinggen Allah oba himbirik mene kobokhogo herakfisaga iluk, enegat asigin andi.