2 TIMOTIUS 3:8 - Allah Wene Fano Wene Hupla Inane

⁸ Attagat, it ap Yanes inom, Yambres inom, Musa ane sagalogo herakfisaluk hilingitukwa hak, it andi ebe wene sagalogo herakfisaluk weak hilingiti logolik, inendawimo nen wene higit mene ebeti'lek, weak mene eberi'lagwi andi. A'nogo eberi'lagwi andiba, inendawinggen Allah oba himbirik mene kobokhogo herakfisaga iluk, enegat asigin andi.

2 TIMOTIUS 3:8 ပူးပေါင်းရင်းမြစ်များ

KELUARAN 7:11

A'nogo hilinglagaikhe andi nen, at raja a'nogo nen agoromi yi wene ti wene inelu mene inom, wesagun elalin hilingitu inelu mene inom, wolisasikhemo wagaukwasik he, wene it inawesa meneba, andi higithogoat hilingitukwa.

KELUARAN 7:22

A'nogo meneat he, it ap wesainap Mesir mene elalin hilingitu inelu mene omanogo nen inawesa meneba a'nogoat hilingiti lagaukwaat. Andi nen he, kain a'nogo endawinggen mondok haroat logolik at Tuhan nen isikhe hagat Musa Harun emberek inane esanggo holu abirat welagaikhe andi.

KELUARAN 8:18

A'nogo heim ikhi lagaikhemo, it ap wesainap elalin hilingitu inelu mene omanogo inawesa meneba kolum ekhe weinamet fouwogeluk walhasukwa mene re, mondok elo'lek agaikhe. A'nogo elo'lek agaikhemo werek kwelek, o ekhema-ekhema kolum mondok hokhorogo hilinglagaikhe.

KELUARAN 8:7

A'nogo meneat he, it ap wesainap elalin hilingitu inelu mene omanogo nen ogo re, inawesa meneba hilingitunem yagaise hokhorogoat weinam agaikhesik sik-pik isikheat.

KISAH PARA RASUL 15:24

Ap nit mene ekhe hit hinoba wagaikhasik he, niren, wene yi'nogo yagaisa lani, iluk lakfisa wagi'lek meneat he, iren hit yagahisikhi logolik, hinendawimo weaget hinafik, nonget hinafik, aga o, iluk afuni nen agama ninesanggo holho o.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

ROMA 16:18

It andi re, ninoe Enupogot Kristus awe a'ma logolik, at faget hilingiri'lagwi fuk. We, inonggwarek inendawimo inamolo mene hilingiri'lagwi o. A'nogo hilingiti logolik, inane fano igik, liokhogo igik, ikhi logolik he, it afuni ekhe inobabut, ”I o,” nek agarek mene andi lalinabi'lagwi andi.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

1 TIMOTIUS 4:2

Hilingiti logolik he, afuni inenggi senap agunem, ki mene fakfogo heat iluk agarek andi hak, it andi inendawimo min a'luk he, yi weak hilingitimo higi. Yi fano hilingitimo higi, iluk anggigi'lek hesanggeat hilingiti logogun. A'nogo hilingiti logolik, ineranen lalfalhogo hilinginafi logogun andi.

2 TIMOTIUS 4:15

At andi ebe wene niren yagaisikhi lago mene ninane sagalogo herakfisaluk hilingiti laga andi nen, hat hobabut hebelogo logoino.

TITUS 1:10

It afuni ekhe hokhorogoat ebe wene hologo higithogo hilingiti'lek hilingiri'lagwi andi. A'nogo hilingiri'lagwi andi, inebe hokhokwe re, it Yahudi inagap inenggalimo mene palek mene, fano wene wanhukwasigenat he, hobuk ebe wene le'maat, we, tulemat afuni inawene mene ikhi logolik, it ekhe lalinabi'lagwi andi.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.

1 YOHANES 2:18

Nagainafuri e. O yogondak he, wurep oba welago o. Afuni ekhe nen he, ”Hobuk ap ekhe Kristus inom weim palek mene wesigin,” iluk yagahisasukwama, hinesanggo holhigip andi hak, o yogondak he, Kristus inom selei mene inebe hokhorogo arat weinam agaikhasik werek andi nen he, niren, ”O yogondak eberogoat wurep oba welago,” iluk ninendawinggen wenggelfuluk futfikhi lago.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

WAHYU 2:20

A'nogo meneat he, at he Izebel a'nogo nen eranenat, An nebe Allah ane yagaisigirek mene aro, iluk afuni an namingmingengge mene inebe hokhorogoat pailak fakfisikhi logouwageluk yagaisigik, wam tugwi anggo warek mene kurik ninggi logouwageluk yagaisigik, ugu kwelek, hiren he, wenageti'lek, At oba lombok, iluk, herakfikhi lagep andi nek he, It weak hilingiri'lagwi, iluk hinobabut palhi lagi o.

WAHYU 2:6

A'nogo meneat he, it ekhe ap Nikolaus obabut waganogo hilingitunem, an nen nabiret fisigirek hak, hiren ogo hinabiret fisikhi lagep andi nek he, fano o.