2 TIMOTIUS 3:5 - Allah Wene Fano Wene Hupla Inane

⁵ afuni ineilhanem he, Allah againafuri hangge logolik, inendawimo nen Allah omame andi mene herakfisigik, ikhi logogun o. Yogondak afuni inobabut andi hangge ekhe hilingiri'lagwi mene halok, hinom hundik logogubo.

2 TIMOTIUS 3:5 ပူးပေါင်းရင်းမြစ်များ

YESAYA 29:13

Tuhan nen ikhi logolik, ”Afuni andi re An noba inendawinggen yatma logoligen it inaneba enek he An foget nabi'lagwi. Iren hilingiri'lagwi mene andoma re afuni inawene melalek omanogo nek eberek logolik hilingiri'lagwi.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

2 TESALONIKA 3:14

Wene lisu palogo hinoba lakfei wago mene andi, it ekhe nen inesanggo hologo hilingisu inabit mene andi, inenggali asuageluk it inobabut a'nogo hilingiri'lagwi mene andi futfuluk he, hinom hunetfuluk logogubo.

2 TESALONIKA 3:6

Nerugwi nagaila'lak. Hit hinerugwi hinagaila'lak ekhe Allah amlogomi meneat he, wene niren komothinafugu a'nogo hologo hilingiti'lek herakfisaluk inenggi wanhi'lek winikwonokhogo nikho mene andi hinom hundik logogubo.

1 TIMOTIUS 4:7

Afuni nen suetninung ebe wene lek meneat he, tulemat ineranen pilingitarek mene andi herakfisikhi logoino. Herakfisaluk, Allah awe a'ma logolik hilingitarek mene andiat homamerogo yanggulikhi logoino.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

1 TIMOTIUS 5:8

It ap ekhe nen Allah ane eberogoat iluk wanhukwasik logoligat he, inonggwarek inagainafuri andiat esinet fuluk leberisigik, afuni ero it mene halok ekhe inomat leberisigik, igi'lek halok he, Allah ane herakfisaluk wulifasik hanggeat werego. It afuni endakwe mene nen wene wanhi'lek logolik, weak endebat hak hilingiri'lagwi meneat he, it andi mek he wene wanhukwasigen afuni it mene leberisigi'lek hilingiri'lagwi andi nen, weak hokho hak hilingiri'lagwio.

2 TIMOTIUS 2:16

Mene re, it afuni ekhe nen ebe wene andi le'maat, tulemat, lek asigin mene ili'lagwi andi, herakfisaluk kwanirogo laga logoino. It andi a'nogo ikhi logolik, Allah ebe herakfisaluk yatma hak hela wulibi'lagwi andi.

2 TIMOTIUS 2:23

A'nogo hilingiti logolik, it afuni ekhe inendawinggen mum mene nen wene inonggot logolik, inane mari'lagwi mene andi ambisangma re, wene it-it inom weim hak yabi'lagwi andi nen he, it hinom sebeti logou fuk.

TITUS 1:16

It andi nen he, ”An Allah ebe nelu o,” iluk, inane fakhogo ikhi logoligat he, ”Ebe ninonggot,” iluk, u hak, komore'legat, Allah abit mene hilingiti logolik, yi mene ti mene fanorogo hilingisu re, elo'lek werek andi.

TITUS 3:10

It ekhe nen, Allah againafuri mene it-it inom weak asuageluk, hilingiri'lagwi mene andi, attak komorinabimbik he, hobuk komorinabino aro. A'nogo komorinabigin mene, inesanggo holugun lek halok, hinom hundik logou fugo.