2 TIMOTIUS 3:3 - Allah Wene Fano Wene Hupla Inane

³ afuni inebe inendawirogo welagi'lek inabirat welagik, it ekhe inom weak hilingi'luk sebelogo herakfisaluk logou re, inabirat welagik, inabok weak palhik, inobabut lagokhogo hilingitik, inobabut harorogo hilingitik, fano mene hilingisu inabit logolik,

2 TIMOTIUS 3:3 ပူးပေါင်းရင်းမြစ်များ

KEJADIAN 49:7

Hina'mage lagaluk inailo asu mene hilingiti lagep andi nen Allah nen homan hinobagauwago. Hina'makwe het-periluk afuni ekhe hinendawirinafi'lek inoati lagep andi nen, Allah nen homan hinobagauwak. An nen hit o afuni Israel mene ekhe inailokwe pugulogo lakhinobagagik, O yi awi ti awi afuni inunggulenu lombok inoba pugulogo lakhinobagagik, igin o.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

MAZMUR 22:6

Iren telninabin o iluk inane humetunem he Haren lologo fisikhi lagagin, nen it inendawimo nen Hat hoba nek tipsek mondok were'ma re Haren it inendawinggen heiseluageluk oboget isikhi lagagin mondok lek.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

DANIEL 8:23

Kerajaan andem wurep kobokhogo asi lagunem he, it inaweak mondok hokhorogo agunem andem, ap raja ekhe ungguloak mondok haro logolik afuni lalinabigiluk mondok hebelek mene ekhe weinam asigin.

MATIUS 10:21

Agailak ekhe nen he, at onggwarek agailak ekhe wasuageluk waluk lagik, eisena nen he, amlogo wasuageluk waluk lagik, inagainafuri nen he, ineisena inagaisa inabit a'luk he, inoasuageluk inabok palhik, ugun aro.

MATIUS 4:1

Ima pelakfesikhemo re, Yesus Iblis nen obabut paluageluk he, Allah Areagun en waluk o leimo afuni le'ma andoma lagaikhe.

LUKAS 10:16

A'nogo yagaisasikhesik he, at agoromi ane wanhi lagaukwa mene omanogo yagaisikhi logolik he, mel isikhe: ”It afuni nen hit hinane holi'lagwi halok he, an naneat holi'lagwi o. Nen, ninabit, iluk herakhinobagaga halok he, Anat heraknobagaga o. Nen, An heraknobagaga halok he, An laknobagai wagaikhe mene a'nogo Ebeat herakfisaga o,” iluk a'nogo yagaisaluk he, lakfisasikhe.

LUKAS 16:14

A'nogo yagaisasikhemo re, it ap Farisi mene omanogo uang mondok inendawinggen hundik welagaukwasi'mo andi nen he, Yesus nen wene a'nogo ugunem inesanggo holhukwasik he, inane asegen wokhikhi logolik endo yatukwa.

YOHANES 6:70

Aren he, mel yagaisasikhe: ”An nen hit hinebe 12 nen yi wenakhinafigi lek nogo? An nenat wenakhinafigi o. Meneat he, hat misigat ekhe Iblis meneat welagen o,” iluk yagaisasikhe.

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

ROMA 1:31

Inendawinggen lek weak hilingitik, wene warisagaresigen kamo igik, afuni inabit enek welagik, inendawirinafi lek welagik, agarek.

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

1 KORINTUS 7:9

Hinendawinggen sebelu elo'lek aga halok he, hinagagwi lombok, hinaguni lombok, woginafi logoino. Hinoba aigage lagagunem hesanggeat fakfisamo re, weago. Hinaguni lombok, hinagagwi lombok, waganek logoumo re, fano.

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.

1 TIMOTIUS 3:11

Andi hagat he, it andi inagagwi inoba haro logolik inane yonggo waluk nikharek lek mene halok, weak hilingisuageluk inendawimo kagalhunem sebelhaluk werek mene halok, inobabut lenurek mene halok, inobabut ariginik mene halok, inaguni leberisugu mene logouwageluk menfisogoino.

TITUS 1:8

ap pok inonggot mene wagunem aiba fanorogo woginaferek mene halok, fano hilingitarek andi mene nek amolo anggikherek mene halok, endawimo nen menenei uanhogo eberi'logo mene halok, obabut higithogo hilingiterek mene halok, ebe Allah faget tegelek welagarek mene halok, onggwaregen komorogo welagarek mene halok, menfisogoin o.

TITUS 2:3

Andi hagat he, it hemi inaluendek mene andi, afuni Allah awe a'ma logolik, inobabut higithogo hilingitarek hak, hilingiti logolik, afuni ekhe inabok weak palhi'legat, inogogwi kaindek inawe a'ma welagaikharek hak, i anggur enggen amusu amingmingengge hak logolik, inabit agi'lek nenggarek a'nogo ninggi'legat logolik, iren it ekhe fanorogo hilingiti logogun mene faget, yagaisikhi logouwageluk komorinafi logoino aro.

YAKOBUS 2:6

A'nogo wenaginafikhe meneat he, hiren it inenggi lek mene halok hinendawimo sebel fisikhi lagep andi. Meneat he, sani nen hit hinebe weagethinafik, pemerintah mene nen hinanema wanuageluk inoba wokhinarek lagik, ili'lagwi nogo. It afuni inenggi hokhorogo werek mene andi nenat hilinghinabi'lagwi anggigi.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.

2 PETRUS 2:19

Afuni mondogat he, yi mene ti mene omame a'luk mabenetfisugunem, omame asigin mene andi amingmingengge welagaikharek andi nen he, it andi, inonggwarek inebe weagerinaferek mene andi amingmingengge logoligat he, it afuni ekhe yagaisikhi logolik, ”Hit nit ninobabut wanugun halok he, hobuk hinale'ma asugun o,” iluk we tulemat yagaisikhi logogun andi.

2 PETRUS 3:3

Wene ebe yi tak futfogoin. O wurep oba re, afuni ekhe inane asegen weak mene inendawinggen en nunggunem inendawimo nen kagalogo weak hilingiti logolik, hinoba wesimbik, inane asegen wokhisikhi logolik he,

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

YUDAS 1:18

Iren he, wene mel iluk yagahisasukwa andi: ”O wurep kobokhogo logolik he, it afuni ekhe Allah ebe inabit logolik inendawimo nen, yi mene ti mene inendawinggen en nunggunem, namolo, iluk andi meneat weak mondok hilingiti logolik, inane asegen wokhisa wesugun o,” iluk yagahisasukwa andi.

WAHYU 13:15

A'nogo wutama, at mene olomene hangge hobuk mene a'nogo nen ilirengge a'nogo eluget fugunem ane ikhi laga yethigi. A'nogo ikhi logolik, it afuni inendawinggen ilirengge a'nogo oba himbiret figi'lek mene halok inebe mondok inoasigeluk weim yonggo fikhemo inoarik laga lagaikha isigi.

WAHYU 13:17

Hiren, at enu lisu palek mene he a? Athe, enu faget inenggi wenago mene he a, wanhep mene halok, yi mene ti mene onggo paligik, it ekhe inoba onggo wanhik, ikhi logogun o. A'nogo meneat he, it afuni ekhe wanhi'lek mene halok he, a'nogo wanhi logogun mondok lego,” iluk ane ninghogo yagaisikhi laga yethigi.

WAHYU 16:6

It ap andi nen, hat hagainafuri mene inom, hat hane yagaisagarek mene inom, inamep wulagaisogo inoatukwama re, mep noageluk wogisegen andi re, inobabut obaat higithogo wogisegen o, neisena,” iluk ikhi laga holhi.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.