2 TIMOTIUS 3:16 - Allah Wene Fano Wene Hupla Inane

¹⁶ Allah ane lisu palek andi mondogat he, arenat inendawimo kagalhikhemo, lisu palogo fesukwa mene andiba, afuni ekhe wene ebe wene yagaisigik, weak hilingitunem komorinafik, inobabut hebelhik, Allah endawimo amolo anggikherek mene higithogo hilingiti logouwageluk komorinafik, ikhi logoino aro.

2 TIMOTIUS 3:16 ပူးပေါင်းရင်းမြစ်များ

2 SAMUEL 23:2

”An noba Tuhan Areagun nen yaganetikhemo re, awene melalek inom, ane menogo fesikhe mene inom he, an nambeba werek,

NEHEMIA 9:20

Hat Hareagun fano meneba it komorinafi lagagin andi. Haren it inamburu manna mene kamo igi'lek wogisugunem ninggik, inagai nele were'ma wogisugunem elokhogo ninggik, ikhi lagaukwa andi.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

MAZMUR 119:9

Ap souge mene re Hat Hawene melalegen ugu mene a'nogo hologo higithogo hilingitu halok he, at ebeba weak mene ekhe agi'lek logou hago.

AMSAL 15:10

Ap weak mene nek hilingirik lagaikharek mene andi re enggin-fenggin inoba fagain, ap komorinafunem inabit anggagarek mene andoma re hobuk wa'lasugun.

AMSAL 15:31

Ap komo wene holherek mene halok he ap andi hebelek mene werek iluk anggagarek.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

MIKHA 2:7

Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

ZEFANYA 3:2

O kota Tuhan oba eberek logouwageluk yagaisugunem ane wanhi'lek hilingiri'lagwi mene inom, At awene lenggalek oba yagaisugunem futfigi'lek hilingitarek mene inom, nen inebe faget At enggiba figi'lek hilingiri'lagwi mene inom, nen Aren lebetninabuageluk kino yagari'lagwi lek mene inom andoma re mondogat alomat lakhoago.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

MATIUS 21:42

A'nogo yagatukwama, at Yesus nen he, ”Hiren, Allah ane yi'nogo lisu palogo fesukwama enu salhi'lek welagep nogo? Iren he, It ap tukang o helep meneba wutarek mene nen o ebe wuti logolik, Helep yi weak, iluk herakfisasukwa mene andi obuleat ya'lagama o. A'nogo hilinglaga andi re, nineisena Allah Enupogot enat hilingite o, iluk nineilenggen hogosik he, Ohuk! iluk fogerati lago, iluk lisu palogo fesukwa mene andi enu salhi lagep lek nogo? Enu salhi lagebaro.

MATIUS 22:43

A'nogo yagatukwama, at Yesus nen he ”Halok he, Allah Areagun en Daud endawimo kagalhikhemo, aren he,

MATIUS 26:54

Telnabi wesigin elok meneat he, telnabilepma re, Allah nen, ”A'nogo hilinglasigin, iluk isikhemo lisu palek werek a'nogo re, ninggi'nogo emberek higit a'lep anggegen. Lego. Higit asuageluk a'nogo yagati'lek kamo igi andi,” iluk, yagatikhesik he,

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MARKUS 12:24

aren he mel yagaisasikhe: ”Hit he, Allah ane lisu palek andi inom, at omame andi inom, hinong got logolik, hinane weak egep andi.

MARKUS 12:36

At Daud Allah Areagun endawimo logolik, onggwaregen mel isikhe: Allah Enupogoren an noe Enupogot yagati logolik he, afuni hat hinom weak mene omanogo heisogen al perelogo fisanogen, an nen oan hoba fisa wagi'lek werek kwelek, hat an nera'lu nenggi ebekwe hebe kain logoinogo, iluk Allah nen Kristus yagatikhe, iluk Daud en isikhe.

YOHANES 10:35

Wene Allah aneba lisu palek welagarek andi mondogat he, ekhe tagan ikherek lek anggigi. Andi nen he, irat ane yagaisasikhe mene faget, Hinebe allah aro, iluk isikhemo lisu palek werek kwelegat,

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

KISAH PARA RASUL 1:16

”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.

KISAH PARA RASUL 18:25

Were'ma re, it ekhe nen he, ninoe Yesus ombo'ne lagaikharek wene andi yagatukwama wanhikhesik he, ima pelaginafarek wene andi, Yohanes nen ima pelaginafi lagaikhe andi nek elu welagaikhe. A'nogo meneat he, Yesus ane omamerogo yagaisigik, higithogo yagaisigik, ikhi lagaikhe.

KISAH PARA RASUL 20:20

A'nogo hilingiti logolik he, wene hit yagahisagain mene kamo igi'lek afuni andogorek were'ma yagahisigik, hinawilokwe lombok yagahisigik, ikhi lagi a'nogo hineluaro.

KISAH PARA RASUL 28:25

A'nogo hilingitukwasik, it-it inane hunogo tomok wene palik-palik puguluogeluk ugunem he, at Paulus nen wene misigat ekhe yi yagaisasikhe: ”Wene Allah Areagun en Yesaya nen ninombalak yagaisoageluk yagatikhemo, yagaisikhi lagaikhe andi, higirat higi:

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

ROMA 2:20

Nen, wene Allah nen komotninafikhe wene a'nogo niren fisogo welagoresi'mo re, yi wene ti wene ninelu logolik wene eberogoat mene nek yagaisogorek andi nen he, afuni inendawinggen mum mene yagaisigik, yenggerugwi mene wene yagaisigik, elok ugun o,” iluk ikhi lagep andi.

ROMA 3:2

Andi re, yi mene ti mene faget mondogat fano nek. Wene andi ebe furogo yagahisak. Ekhe re, Allah nen he, ”An nane it elok fisogo logogun,” iluk, irat yagaisikhi lagaikhe.

ROMA 4:23

At Allah nen, ”Wene hoba mene korogo wokhigirik hambotkwe nemberek hunogo hobagagi o,” iluk yagatikhemo re, lisu palogo fesukwama werek andi re, at Abraham faget enek fuk.

1 KORINTUS 12:7

Afuni nen he, ”It Allah Areagun inendawimo werek,” iluk, enegat futninobagauwageluk, aren he, ninebe mondogat faget ninendawimo lombok kagalherek.

GALATIA 3:8

Attagat wene ebe a'nogo oan hilinglagi'lek werek kwelegat, it afuni endakwe mene inendawinggen Allah oba himbiret fugunem, aren he, ”Wene hinoba mene korogo wokhaluk ninom hobuk hinambotkwe hunogo hinobagagin o,” iluk, wene fano wene oan yagaisigi'lek logolik, Abraham tak wene abok mel iluk yagatikhe: ”Yi afuni ti afuni mondogat an nen fanorinabigin andi, ero hararo,” iluk isikhemo, lisu palogo fesukwa.

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

ULANGAN 4:36

Wene yagahisageluk At ebe pogoroba nen ane holubagaigeluk pelakfei wagaikhemo hinesanggo holhigip. Nen, At ebe kweangma nen he, endu inailo mene andi inukhisasikhesik, endu andi anggele'ma nen ane yagahisugunem holhigip andi.

2 TIMOTIUS 2:25

A'nogo yagaisugunem, it afuni ekhe nen at ane sebeluogeluk ugunem, aren ane liokhogoat komorinafi logogin. A'nogo komorinafunem, it weak hilingitarek mene herakfisaluk, ebe wene andi wanuageluk, Allah nen inendawimo kagaluago, iluk komorinafi logogin.

IBRANI 11:1

Inendawinggen Allah oba himbirik welagaikharek andi ebe re, yi'nogo. ”Fano asigin,” iluk eberogoat anggigik, ”Yi mene ti mene nineilenggen higi'lek meneat he, eberogoat werego,” iluk futfigik, agarek andi aro.

IBRANI 3:7

Andi nen he, Allah Areagun en mel yaganisikherek: ”O yogondak yaba Allah ane hinesanggo holhep halok he,

IBRANI 4:12

At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.