2 TIMOTIUS 3:14 - Allah Wene Fano Wene Hupla Inane

¹⁴ Iren a'nogoat hilingitarek meneat he, hat enek he, nit ninebe helu mene nen ebe wene yagahetugumo, haren he, ”Eberogoat,” iluk wanhigin mene andiat ninghogo fisogo logoino.

2 TIMOTIUS 3:14 ပူးပေါင်းရင်းမြစ်များ

ROMA 14:5

It ekhe nen he: ”O we sambul yi mene ti mene hilingisugun enek meneat he, o yogondak yi sambul enek he, hilingisugun lek,” iluk anggugu kwelek, it ekhe nen he, ”O yi sambul ti sambul higit enek,” anggagarek andi, inebe lombok inendawimo a'nogo anggikhi logogun enego.

KOLOSE 2:2

Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

1 TESALONIKA 1:5

Nit fano wene waluk yagahisa wagagu a'nogo re, ninaneba nek yagahisikhi lagagu fuk. We, Allah Areagun a'nogo ninendawimo logolik, omamerogo lebetnisugu kwelek, ninendawimo nen: ”Wene yi eberogoat,” iluk ninendawinggenma futfesugusigenat yagahisikhi lagagu andi. Nit o andoma ninom logolik, hit fagerat hilingiti lagagu a'nogo hineluaro.

1 TESALONIKA 2:13

Niren wene Allah ane a'nogo yagahisasugumo, hiren he, ”Wene andi afuni inane mene lego. We, Allah ane aro,” iluk wanhigip andi re, eberogoat Allah aneat wanhigibo. Andi nen nit kamo igi'lek Allah hai wato mondok welago. At Allah nen hit hinendawinggen Kristus oba himbiret fesigip mene halok hinendawimo kagalhu mondok welagarego.

1 TIMOTIUS 4:16

A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.

2 TIMOTIUS 1:13

Wene an nen yagahetigimo wanhigin a'nogo, an nobabut wanimbik, nit Kristus Yesus ninom hundik logolik, ninendawinggen at oba himbiret figik, afuni ekhe ninendawirinafik, ogorek hak ikhi logolik, hendawimo nen he, ”Fanotninaferek mene wene ebe yi aro,” iluk, ninghogo fisogo logolik yagaisikhi logoino.

2 TIMOTIUS 2:2

An nen wene afuni hokhorogoat ineilhanem yagahetigimo wanhigin mene a'nogo, haren it afuni ekhe inobabut humbunsek mene nen it ekhe yagaisikhi logouwageluk, inoba feino.

2 TIMOTIUS 3:15

Hat hebe yenggerek oba nenat Allah ane lisu palek helu welagen mene andi hendawimo eberek mondok logoino o. A'nogo logolik, hendawinggen Kristus Yesus oba himbirik were'ma, Allah nen telhabigin mene futfeinogeluk, at ane lisu palek andibaat hendawimo elogat kagaligin werego.

TITUS 1:9

Wene afuni fanorinaferek wene yagaisikhi logolik fanorogo komorinafik, aren ebe wene ugunem, it ekhe nen, at ane sebelogo fugunem, aren inane elok sebelogo fisigik, elogat ikhi logouwageluk, wene niren yagatugumo eberogoat iluk wanhikhesik, obabut higithogoat ninghogo fisogo welagarek mene halok menfisogoin o.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IBRANI 6:11

Nerugwi nagaila'lak. Nit ninendawimo ninamolo re, hit hinendawimo nen he, ”Allah nen nit fanotninabigin,” iluk hinendawimo hinagaiyek anggikhi lagep mene andiat anggikhi logombik, huli wurep oba eise asubagaigen he, hilingiti lagep andi hagat hinebe lombok hinomamerogo hilingitu mondok logogun ninamolo anggikhi lago o.