2 TIMOTIUS 2:7 - Allah Wene Fano Wene Hupla Inane

⁷ Wene an nen yagaheti mene andi hendawimo ebeti logogin halok, ninoe Enupogoren mondogat furogo yagahesigin werek andi nen, oba ebeti logoino o.

2 TIMOTIUS 2:7 ပူးပေါင်းရင်းမြစ်များ

1 TAWARIKH 22:12

Tuhan Awene melalek yi'nogo hilingi'no ti'nogo hilingi'no iluk isikhe mene a'nogo higithogo haren it afuni Israel mene melalinafi logoinogen, At heisena Tuhan Allah andi nen hat enggaret hobagagik, heluet hobagagik, hilingiti logouwak.

1 TAWARIKH 29:19

An namlogo Salomo ba re, Haren wene melalek a'nogo endawimo nen fi-furogo tibet fuluk hilingiti logouwageluk wogetik, o wene kabogetuba wusuageluk an nen ongge tik-tukhogo hilingiti mene andi wusigin endawimo anggikhi logouwageluk wogetik, hilingiti logoin o, neisena,” iluk sambanisikhe.

MAZMUR 119:125

An he Hat hamingmingengge welagimo re, Hat hawene melalek a'nogo futfikhi logouwageluk, Harenat hilingnobagakhi logoin.

MAZMUR 119:144

Haren yi'nogo hilingiti logoino ti'nogo hilingiti logoino iluk wene fesigin mene andi re mondok katokhogo nek hilingik werek, an neluk ekhe inom logouwageluk Haren wenggelek mene ekhe inom wo'nom.

MAZMUR 119:73

We Haren enek an nebe pugunhogo elalnafigin, Haren wene yi'nogo hilingiti logoino ti'nogo hilingiti logoino iluk werek mene andi yanggulikhi logoiyogen he, an wenggelhu mene wo'nom o.

MAZMUR 64:9

It inonggwarek inane agarek oba inebe legarik lagaikharek, a'nogo hilingitunem it ekhe ineilenggen kwelaginarek logolik he inunggul kwanit hagarek.

AMSAL 24:32

An nen a'nogo hilingik mene a'nogo faget fut figirik he nendawimo menenei wenggel higirik he wene yi mene nelu agi:

YESAYA 1:3

Wam sapi re eisena halharek agun a'nogo elu welagarek. Nen, keledai re eisena nen amburu wogeterek oba obalik aremnogo elu welagaregat, oba nen he An nagainafuri Israel mene re a'nogo hilingitu aple inonggot. Nen iren futfili'lagwi legat,” iluk ikhe.

YESAYA 28:26

At Allah nen yabu yi'nogo ti'nogo hilingitu mene faget mondogat yagatikhemo re, aren ninggi'nogo hilingisigin iluk andi re mondogat elu werek.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

LUKAS 24:45

Allah ane lisu palek futfouwageluk, it omanogo wene inendawinggen kagalogo yagaisasikhemo futfesukwa.

LUKAS 9:44

”An wene yagahisagain yi fanorogo futfikhi logoni o. An abat ta'lasi wagagi a'nogo aben yonggo lambik it ekhe nen noasuageluk inenggiba nobagagun o,” iluk yagaisasikhe meneat he,

YOHANES 16:13

A'nogo meneat he, Allah Areagun, ebe wene ikherek mene andi wesimbik he, kwe inonggotma inelu mene nen yagaisagarek andi hak, ebe wene mondogat futfobagaigen iluk yagahisikhi logogin o. A'nogo yagahisikhi logogin andi re, wene at endawimo nen wenggelogo ikhi logogin lego. We, at esanggo holherek mene nek ikhi logolik he, hobuk hilinglasigin mene yagahisikhi logogin aro.

KISAH PARA RASUL 7:10

A'nogo telho were'ma, ap kain Firaun o Mesir mene inoe enupogot a'nogo nen he, ”Ap yi obabut fano. Endawinggen mondok kagalek,” iluk ebe oba liok isikhesik, mel yagatikhe: O Mesir yoma inom, an nawi inom, nagainafuri inom, haren ferinarek logolik, an mene yi mene ti mene yoma mondogat hat henggiba logoinok, iluk ebe gubernur logouwageluk menfesikhe.

1 KORINTUS 12:8

At Allah Areagun en, at ekhe wene kagaukhogo ikhi logouwageluk wogeterek. Nen, at Areagun andi nenat, at ekhe yi wene ti wene elu mondok logouwageluk wogeteregat.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

ULANGAN 4:39

Pogoroba inom, kweangma inom, nineisena Tuhan Allah ami-amuat welagarego. Amu mene ekhe lego. Andi nen he, o yogondak yi huli nen At oba hinonggoragi'lek eberek mondok logoino o.

FILIPI 4:8

Nerugwi nagaila'lak. Wene wurep oba yi ekhe yagahisak. Hinendawinggen ebeti logolik he, fanorogo hilingitik, fogerinabu mene hilingitik, ili'lagwi mene oba ebeti logoino. Andi ebe re, wene eberogoat mene oba ebetik, fogerasu mene oba ebetik, inobabut lomborogo logolik hilingitarek mene oba ebetik, inobabut heanerogo hilingitarek mene oba ebetik, inoba liok ugu mene oba ebetik, ebetu mondok logoino o.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

1 TIMOTIUS 4:15

It afuni mondogaren hat hobabut palhi logolik he, ”At Timotius attak fano hilingiti lagasik yogondak fano mondogat hilingiri'logo,” iluk enegat futhobagauwageluk, wene yagaheti mene andi mondogat hendawinggenma fakhambik hilingitu mondok logoino.

2 TIMOTIUS 2:6

Nen, ekhe re, afuni ekhe ineabu heligik, awi yagaisogo set kwalogo hilingiri'lagwi mene andi ebe wurik agunem he, inonggwaregen tak nenggarek andi.

2 TIMOTIUS 2:8

An fano wene yagaisilik nigirek andi re, Yesus Kristus, at Daud en tagongge meneat ebe watukwama, Allah nen eluget fesikhe wene andiba hendawimo eberek mondok logoino.

IBRANI 12:3

Hit hinendawimo puk a'luk hinomame lek asinogo iluk, it afuni weak hilingitarek mene nen at Yesus inendawimo nen sebelfuluk ebe weagetfugu kwelek halolot fisaluk afe morogo welagaikhe mene andi hiren he, ”At ninggi'nogo hilingitikhe nogo,” iluk hinendawimo nen futfikhi logoino o.

IBRANI 13:7

Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.

IBRANI 3:1

Andi nen, Allah againafuri at onggwarek faget fakhasikhe mene nerugwi nagaila'lak. At Allah pogoroba nenat hit ninomat ninayonggo fesikhemo wene wanhugusik fakhogo ikhi lago andi faget, at Yesus ebe Imam Agung logouwageluk, Allah nenat lakfei wagaikhemo werek andi nen he, hit hinendawinggen oba nenat futfikhi logoino o.

IBRANI 7:4

Nit afuni Israel mene ninambu Abraham en weim andi yafi logolik, yi mene ti mene hugul wanhikhe mene enggi wenagaisogo fenakwe minggilogo 10 nen lagai wagaikhe mene, Allah faget fisasikhesik, at Melkisedek wogetikhe andi nen he, nit ninendawimo nen, ”At Melkisedek andi ebe kain mondok,” iluk anggogoin andi hani!

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

YAKOBUS 3:15

A'nogo hilingitarek andi re, Allah nen inendawinggen kagalhunem hilingitarek fuk. We, ero at Iblis nenat inendawinggenma kagalhunem afuni kweangma mene inobabut inetogat logolik inamolo anggagarek mene hilingitarego.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.