2 TIMOTIUS 2:19 - Allah Wene Fano Wene Hupla Inane

¹⁹ Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.

2 TIMOTIUS 2:19 ပူးပေါင်းရင်းမြစ်များ

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

MAZMUR 1:6

Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.

MAZMUR 112:6

Ap fano hilingitarek mene re iren yi'nogo ti'nogo hilingitunem ambisangma ekhe tagan ikhi logogin lek, hundik-handik andoma ap a'nogo oba eberek mondok welagaikharek.

MAZMUR 34:14

hiren wene weak mene ekhe igik, Hit hinambeba nen it ekhe lalinafik, ikhi logogubo.

MAZMUR 37:18

Tuhan nen he, afuni at ane hologo hilingiri'lagwi mene andi inebe ferinarek were'ma re, it inonggwarek inalolegengge mene andi mondok-mondok eise asimbik logogun.

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

AMSAL 10:25

Sogoi sielu funha wagunem he ap ina'mage weak mene omanogo legetfisikherek, oba nen ap higithogo hilingitarek menere hambukhogo mondok-mondok logogun.

AMSAL 3:7

Hat hebeba hilingik welagen mene andoma werek kwelek oba nen, an enek he nelu mondok welagi iluk anggikhi logou fuk. Tuhan ane hologo hilingiti logolik, weak mene re herakfikhi logoino.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 63:19

Nit ninebe hat henggiba fetninarek welagi'lek meneh hangge hilingninafik, afuni nen, Hat henu uluk, ”It inebere At againafuri o,” iluk agarek lek mene hangge hilingninafik ikhi lagen o,” iluk yagatukwa.

YESAYA 65:15

Afuni An nen wenagaisogo fisasigi mene nen he An nenuba hombuk palhi logolik yi'nogo ikhi logogun, ”Tuhan Mondok Lego werek mene nen he harogo it higit pinggi hoasuak, ikhi logogun. Oba nen he ap An nane hologo hilingiti logogin mene re An nen at enu ket mene salogo wogosigin.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

HAGAI 2:23

Linggene andi sambul, hat hamingmingengge Zerubabel he, An nenuba ferinarek logolik yagaisikhi logouwagen menfogoin. Andi re An nen hat wenakhafigimo a'luk hilingisigin, iluk Tuhan Omame Mondok Hokho mene a'nogo nen ikhe ino,” iluk yagatikhe.

ZAKHARIA 3:9

An nen he Yosua elokhoma andem helep misik unggut 7 nen hilingik mene fembik An nen hesesengge waganogo lisu palfagain o. Nenggi misik oba re, An nen o kweang yiba inaweak werek mene andoma mondogat hugisagain o.

BILANGAN 16:5

A'nogo hilingitikhesik aren Korah inom it agoromi ombo'ne lagaukwa mene omanogo inom inoba ikhi logolik he, ”Ohealek hubet he At Tuhan nen ap At angge mene re sa he, Aren sa enogo fakhikhe iluk nit ninoba inuknisugunem ninelu asigin. Ap Aren enogo fakhikhe mene re at ebe horokhogo waga logouwageluk yagate.

BILANGAN 6:27

A'nogo yagatikhesik ekhe mel yagatikhe: ”An nen afuni Israel mene fanorinabuageluk nenu hombuk palogo yaganetunem he, An nen fanorinafi logogin aro,” iluk yagatikhe.

MATIUS 28:19

Halok he, yi afuni ti afuni inunggulenu lombok mondogaren An nagoromi hilinglasuageluk, neisena Allah enuba, An Amlogo nenuba, Areagun enuba, ninenu hombuk palogo ima pelaginafik, An nen wene komothinafi mene andi mondogat higithogo hilingiti logouwageluk yagaisigik, laga logoino. Yet hani! Hit a'nogo hilinginabik lagunem, An nebe ninom mondok-mondogat were'ma huli wurep oba hilinglasigin o,” iluk yagaisasikhe.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.

MATIUS 7:25

meiso hokho pi wagik, i fu hokho wagik, sogoi hokho funha wagik, isikhe meneat he, o a'nogo helep oba loukhogo wutikhemo andi nen he, sanokhogo lagi'lek kamo isikhe andi hagat hilingisigin.

MARKUS 12:16

waluk wagaukwama re, at Yesus nen yagaisikhi logolik: ”Yi sa ebe hilingik nen sa enu palek werek anggegep,” iluk yagaisasikhemo iren he: ”Ari at Kaisar,” iluk yagatukwama,

MARKUS 13:22

It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.

LUKAS 13:27

aren he, hit o koma nen wagep. Hinebe an nonggoro. Hit weak hilingiti lagep mene noba kwi wagup. Andemenat pikhit lani o, iluk yagahisagain werego.

YOHANES 10:14

Domba kwalogo welagirek mene nobabut fano re, nebe Anaro. Neisena nen An elu, An nen at nelu welagorek andi hak, An nen nanggo domba nelu, nen iren an inelu welagorego. A'nogo logolik, An nanggo domba elelerogo wa'lasigiluk welagi.

YOHANES 13:18

An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa: Ap ekhe sumburu nemberek misi'mo ninggi lago mene yi nenat weaget nabigeluk menlaga o, iluk isukwama lisu palek werek andi legasigin lek. Eberogoat hilinglasigin.

YOHANES 3:33

A'nogo herakfisagarek meneat he, it afuni ekhe nen he, Aren wene pilingisogo yaganisikherek mene andi eberogoat, iluk Allah ane andi wanharego.

KISAH PARA RASUL 11:26

Lagaikhesik, ebe emberek ambi agaukwasik he, waluk o Antiokhia lagaikhe. O andoma lagaikhesik, o mo lagagik pigik ugu kwelek, 1 tahun logolik he, Allah againafuri inom andoget fuluk, afuni hokhorogoat wene yagaisikhi lagaukwa. It afuni Yesus ane wanhunem inunggulenu Kristen agarek andi re, attak o Antiokhia andoma nen salhukwa.

KISAH PARA RASUL 9:14

yogondak he, o yoma wesimbik, afuni hat henu hombuk palogo hayonggo fili'lagwi mene halok mondogat, inenggi hele wasuageluk he, it ap Allah eisewerek inogogwi kaindek omanogo nen yagatama wagasik werek andi,” iluk yagatikhe.

ROMA 11:2

Allah nen againafuri attagaren wenaginafikhe mene andi herakfisasikhe lego. Wene at Elia nen hilingitikhe wene lisu palek werek a'nogo hinonggot nogo? Aren he, Allah nen it wene inoba fikhi logouwageluk, mel ikhi lagaikhe:

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

ROMA 15:20

Wene a'nogo iluk lisu yi'nogo palogo fesukwama werek: ”It afuni ekhe, at abok holhi'lek mene ineilenggen higik, nen it wene holhi'lek mene nen futfigik, ugun o,” iluk lisu palogo fesukwa higithogoat yagaisaluk waga logolik, it afuni ekhe nen he, o tik watfoumo an nen o ebe wusu lek hak iluk, nendawinggen tulem he, afuni Kristus enu inesanggo oan holhi'le'ma andoma fano wene yagaisilik wesigin iluk anggasigi.

ROMA 15:9

nen, it afuni endakwe mene Allah nen endawirinafikhe andi nen fogeratik, uageluk, Yahudi mene inawe a'ma kwisikhe andi. Wene andi faget Allah aneba lisu yi'nogo iluk palek werek: ”Andi nen he, an it afuni endakwe mene inanggele'ma logolik, hat fogethafik, wuni wati logolik hapne wanhik, ikhi logogin o,” iluk isikhemo lisu palogo fesukwa.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

ROMA 9:11

It ap inebe pire andi, inebe ta'lagi'lek inobabut fano hilingitik, weak hilingitik, igi'lek werek kwelek, at Allah endawimo nen anggaluk wendeberogo fisasikhe andi ebe asimbik logouwageluk,

1 KORINTUS 8:3

A'nogo meneat he, at ekhe nen, Allah ebe endawinggen hundik halok he, Allah nen at andi ebe elu o.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

EFESUS 2:20

At Kristus Yesus ebe o tik esin hangge warek were'ma re, it ap aren inayonggo fuluk lakfisasikhe mene omanogo inom, it ap Allah ane yagaisili'lagwi mene omanogo inomen, oba loukhogo wuti lagaukwama re, hit hinebe niren oba loukhogo wurogo hinobagasugumo welagebo.

EFESUS 3:15

It pogoroba welagaikharek mene inom, nit kweangma yoma welagorek mene inom, ninebe mondogat ninobabut lombok Arenat wo'nisikherek andi.

EFESUS 4:30

Allah nen hobuk hinebe fanothinabigeluk attagat Areagun wokhisasikhemo hinendawimo werek andi nen endawimo weagetfugubo.

1 TIMOTIUS 6:19

A'nogo hilingiti logogun halok he, yi mene ti mene hobuk mene faget andogorogo fagarek hak, fano hilingiti logolik, hobuk mondok logogin mene fagerat fakhikhi logombik he, ninebe eberogoat ninelugetninabumo logogun andi meneat heloageluk komorinafi logoino o.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

WAHYU 17:8

Mene olomene hangge hegen andi attak welagaikhe meneat he, yogondak elokhe lek hegen andi re, kweang a'ma nen lagai wesigin o. Lagai waga halok, Allah nen alomat fagain o. Nen, Allah nen kweang pogot oan elalhi'lek logolik, suesingga it afuni ineluk mondok logouwageluk fanorinabigin mene halok inenu lisu palek andiba, it ekhe inenu lisu palek lek mene nen, mene olomene hangge andi ineilenggen hasukwasik, iren he, mene olomene hangge yi, attak welagaikhesigen, elokhe lek agaikhe meneat he, hobuk weinam aga yi, nailo e, iluk fogerasugun o.

WAHYU 2:13

Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.

WAHYU 21:14

Nen, leget pa'leget waganek andi, obule helep ebe 12 nenatma re, at Domba Eagen inebe 12 nenat wenagaisogo inayonggo fuluk lakfisasikhe mene omanogo inenu lisu palek welaga higi.

WAHYU 22:4

A'nogo logolik, Allah enu it inelhaba lisu pale'ma re, iren at elokhonggen ineilenggen hikhi logogun.

WAHYU 3:8

Yethani! Hit hinobabut hilingiti lagep he, hinomame mondok endebat meneat he, an nane hologo higithogo hilingitik, nabok labelhi'lek fakhogo yagaisigik, ikhi lagep andi an nelumo re, hit faget he, kwe afuni ekhe nen yagasugun mondok elo'lek mene hurogo hinobagagi o.