2 TIMOTIUS 2:18 - Allah Wene Fano Wene Hupla Inane

¹⁸ ebe wene herakfisaluk kwanirogo wulifukwasik, iren he, ”Allah nen afuni warek mene inelugerinabigin iluk abok isikhe a'nogo arat hilinglagama yi,” iluk, it ekhe yagaisugunem, inendawinggen Allah oba himbirik werek mene weagerinabi'lagwi andi.

2 TIMOTIUS 2:18 ပူးပေါင်းရင်းမြစ်များ

MATIUS 15:13

A'nogo yagatukwama at Yesus nen he, ”Yi mene ti mene an neisena pogoroba mene nen awi yati'lek mene halok he, mondogat henegeisogo lakfisagain aro.

MATIUS 22:29

at Yesus nen he, mel yagaisasikhe: ”Hit he, Allah ane lisu palek andi inom, Allah omame andi inom, hinonggot logolik, hinane weak egep andi.

LUKAS 8:13

Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

1 KORINTUS 11:19

A'nogo hilingiti lagep andi re, at Allah nen, ”It andi an nagainafuri,” iluk anggili'logo mene, enegat asuagen hinebe huli wasugun o.

1 KORINTUS 15:12

At Kristus wa'lagaikhemo nen, hobuk Allah nen eluget fesikhe, iluk yagahisikhi lago meneat he, hit ekhe nen he, ”Afuni wa'lagunem en Allah nen inelugerinabigin lego,” iluk ikhi lagep andi nenahalok?

KOLOSE 3:1

At Allah nen he, Kristus eluget fikhi logolik, hit hinomat hineluget hinafikhemo welagep andi nen, yi mene ti mene Kristus ebe pogoroba Allah era'lu enggi ebekwe kainat welagarek oba andoma mene hela louwogeluk, hinomamerogo hilingiti logoino o.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

2 TIMOTIUS 2:14

Wene yagaheti mene andi mondogat it ekhe inendawimo eberogo yagaisikhi logoino. Yagaisikhi logolik, we, inane mene fagerat wene pali'lagwi andi Allah eilhanem fanorogo komorinafi logoino. A'nogo wene pali'lagwi andiba, fano hilinglasigin lego. We, it ekhe inesanggo holiluk, weak asugun aro.

TITUS 1:11

A'nogo lalinafi logolik, yi mene ti mene inonggwaregen hunirogoin lek mene hunirouwogeluk yagaisogoin lek meneat yagaisikhi logolik, afuni hokhorogoat inagainafuri inomat lalinabi'lagwi andi, it inane andi sebelogo legetfisano.

YAKOBUS 5:19

Nerugwi nagaila'lak. Hinerugwi hinagaila'lak ekhe ebe wene herakfisaluk kwanirogo nong asi laga halok, hit ekhe nen hobuk ambotkwe Allah oba waluk wesugun andi faget,

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.