Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTIUS 2:14 - Allah Wene Fano Wene Hupla Inane

14 Wene yagaheti mene andi mondogat it ekhe inendawimo eberogo yagaisikhi logoino. Yagaisikhi logolik, we, inane mene fagerat wene pali'lagwi andi Allah eilhanem fanorogo komorinafi logoino. A'nogo wene pali'lagwi andiba, fano hilinglasigin lego. We, it ekhe inesanggo holiluk, weak asugun aro.

အခန်းကိုကြည့်ပါ။ ကော်ပီ




2 TIMOTIUS 2:14
30 ပူးပေါင်းရင်းမြစ်များ  

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.


Ap inunggulenu misik mene ekhe nen iren apne wanharek mene andi ebe eberogo Allah re lek oba nen, iren ilah amu mene a'nogo inom agaum eta mene ekhe werek fuk, oba nen he An nagainafuri nen An noba inendawirogo werek mene a'nogo re, yi'nogo ti'nogo hilingisu mondok elo'lek mene a'nogo inom agaum eta andi.


Nen, it ap An faget imam welagaikharek mene nen he, Nineisena Tuhan ebe koma werek iluk mel heinok wo'niikhi lagaukwa legat. Nen, it ap An nen, Yi'nogo hilingiti logoino, ti'nogo hilingiti logoino, iluk komothinafigi wene andi sagalasinogo iluk inenggiba logolik halharek inap andi nen, nane yagaisikhi lagaukwa mene nen he Baal enu hombuk palogo wene hilinglasigin mene yagaisikhi logolik, tugwi kembu, we, tulemat mene fogerati lagaukwa andi,” iluk ikhe.


An Tuhan nen he ap nabi-nabi inabi wokhaluk ineranhogo wene yagaisagarek mene andoma eil inabigin. Iren he ineranhogo wene inane nen weregabet higik An nagainafuri inendawinggen nonghonget fisili'lagwi o. It nabi-nabi nen ili'lagwi andoma re An nen yagaisugunem he lego. It andoma An nagainafuri ebe mene re legaro. Iluk An Tuhan nen nane mondogat igi,” ikhe.


Iren he inaneba nen, ”Tuhan oba enggin ekhe werek,” iluk aga hanogo. Afuni ekhe nen ambi ane andi mene ekhe ugu halok he, An nen ibi-eberogo nen ikhi lagi mene andi enggin mene oba fagain o. Ap aneba nek ikhi logolik, ”Tuhan oba enggin werek,” agarek mene andi re An it ineisena Allah nane, An Allah neluk mondok welagirek mene Tuhan Mondok esin mene a'nogo nane oak sagali'lagwi o.


Oba nen, ibi-eberogo nen he, hiren we alomarogo ineranen wene agarek mene omanogoba tibet fikhi lagep.


Hineranen e mene pugunhogo agauwak hilingisogo fuluk, ”Nineisena, ebe yi aro” iluk ikhi lagep andi nenahalok? We, tulemaro. Andi mene nen ebe wene yagahisikherek nogo? Lalhinaferek mene o. Ane mondok lek meneat he, hiren ebe pugunhogo afe halogo hilingfuluk tulemat oba himbirik welagep andi.


Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.


mel yagatikhe: ”Hat hebe Iblis amlogo o. Afuni lalinafik, nongerinafik, ugu mondok logolik, yi mene ti mene higit hilingisuogeluk ugunem he, haren legetfisageluk hilingitu mondok welagen yi ri! Tuhan Allah nen, afuni telninabigeluk kwe higithogo yakninobagasikhe mene, haren kamo igi'lek weaget inobagaigeluk ugu mondok welagen andi nahalok.


Ap nit mene ekhe hit hinoba wagaikhasik he, niren, wene yi'nogo yagaisa lani, iluk lakfisa wagi'lek meneat he, iren hit yagahisikhi logolik, hinendawimo weaget hinafik, nonget hinafik, aga o, iluk afuni nen agama ninesanggo holho o.


Hinerugwi hinagaila'lak ekhe inendawinggen Allah oba furogo himbiret figi'lek oanat werek mene andi, it inobabut he, ”Yi'nogo hilingisugun, ti'nogo hilingi sugun,” iluk agarek mene andi faget wenagisigi'legat woginafi logoino o.


Ebe re, wene fano wene hunogoat ekhe welagarek le'ma aro. Meneat he, it afuni ekhe nen fano wene Kristus nen hilingitikhe wene andi mene hunogoat hilingisogo lalhinabuogeluk yagahisili'lagwi andi nenat igi o.


An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,


Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.


Nerugwi nagaila'lak. Hit hinerugwi hinagaila'lak ekhe Allah amlogomi meneat he, wene niren komothinafugu a'nogo hologo hilingiti'lek herakfisaluk inenggi wanhi'lek winikwonokhogo nikho mene andi hinom hundik logogubo.


It andi nen he, suetninung ineranen kagalogo pilingitik, Ninebe a'nogo ta'larik wagagu, iluk wene komo wene eroba nen palfigi'legat pilingirik mondok lagik, ili'lagwi andi meneba inendawinggen eberek mondok logoinogo nen he, igi'lek herakfisoageluk komorinabino aro,” iluk yagahetigi anggigi. Wene andi mene ugunem, ebe wene ninendawinggen Allah oba himbiret fuluk were'ma, aren fanotninabigin andi mene hokhorogo agarek lego. We, wurep oba inane hokhoat sagalharek andi.


Menere, it ekhe nen inobabut fano hilingitarek andi mene hilingiti lagaikharesigen herakfisaluk kwanirogo tulemat lek asigin mene andiat hilingiti logolik, inonggwaregenat nong akhili'lagwi andi.


Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.


Wene yagaheti mene andi, haren he afuni ekhe helokhoma fisigik, ekhe hambotma fisigik, igi'lek higithogo yagaisikhi logoino, iluk Allah inom, Kristus Yesus inom, ineilhanemat, malaikat Allah nen wenaginafikhesik yonggo pelakfisa wagarek mene inom, ineilhanemat yagaheti andi.


Allah nen afuni ninebe inom, yi mene ti mene inom, mondogat ninelugetninaferek mene a'nogo eilhanemat, Kristus Yesus afuni nen ap Pontius Pilatus oba waluk lagaukwama, ane eberogoat fakhogo yagatikhe a'nogo eilhanemat, wene yi komorogo yagahesigin.


A'nogo himbirik welagen andi nen he, an nen nenggi hunggul sebelhunem, Allah obabut fano nen, ”Hat yi'nogo hilingiti logoino,” iluk hobabut wokhetikhe mene andi, endu nonggwalharek hak, hendawimo aganhan asimbik logoinogeluk hendawimo kagalogo yagaheti o.


Mene re, it afuni ekhe nen ebe wene andi le'maat, tulemat, lek asigin mene ili'lagwi andi, herakfisaluk kwanirogo laga logoino. It andi a'nogo ikhi logolik, Allah ebe herakfisaluk yatma hak hela wulibi'lagwi andi.


A'nogo hilingiti logolik, it afuni ekhe inendawinggen mum mene nen wene inonggot logolik, inane mari'lagwi mene andi ambisangma re, wene it-it inom weim hak yabi'lagwi andi nen he, it hinom sebeti logou fuk.


At Kristus Yesus ebe hobuk kweangma weinamhogoat wesimbik he, afuni ninebe nineluk welago mene inom, wa'lagaukwa mene inom, mondogat wene ninoba figik, kotik, igin. Fikhi logombik, yi afuni ti afuni mondogat awe a'ma fisambik at ebe kain logogin andi nen, an nen, nineisena Allah inom, Yesus inom, emberek ineilhanem, haren ebe wene afuni yagaisikhi logoinogeluk komorogo yagahesik. Afuni fano wene yagaisugunem holugun werek kwelek inom, inabit werek kwelek inom, holuageluk wene andi ninghogo yagaisikhi logoino. Hendawinggen puk agi'lek yagaisikhi logolik he, weak hilingitunem hane fakhogo yagaisigik, komorinafik, inendawinggen ago warogo yagaisigik, ikhi logoino.


Allah againafuri haren ferinarek welagen mene andoma nen, inogogwi pemerintah mene kaindek inawe a'ma were'ma, iren yi mene ti mene higithogo hilingisuageluk ugunem, ”Io,” iluk inane hologo hilingiti logouwageluk komorinafi logoino.


A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.


At ninoe Enupogot Yesus Kristus nen yaganetikhe hagat, an nebe nagap mene elama faget welagi yi re, herakfisaluk weak-weak lagain higit welagi, iluk an nelu welagi andi nen he, yogondak nebe neluk welagi yaba re, wene andi faget hinendawimo eberogo yagahisugu mondok logigin anggikhi lagi o.


Hiren At ebe herakfisaluk, tugwi kembu ebe lek mene andi faget, aren telhinafik, lebethisigik, ikhi logogin iluk hinendawinggen oba himbiret fuluk at faget hilingirik laga logogubo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ