2 TIMOTIUS 2:11 - Allah Wene Fano Wene Hupla Inane

¹¹ Wene mel iluk agarek yi re, eberogo aro: Nit At ninom wa'lago mene halok, At ninom nineluk mondok logogun aro.

2 TIMOTIUS 2:11 ပူးပေါင်းရင်းမြစ်များ

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

ROMA 6:5

At wa'lagaikhe hak, nit ninom hundigat logolik wa'lagagu halok he, at eluk agaikhe hak, nit andi hagat nineluk logogun.

ROMA 6:8

”Nit he, Kristus ninom hundigat wa'lagagu halok, ninom hundigat nineluk logogun o,” iluk ninendawinggen at oba himbirik welago.

2 KORINTUS 13:4

At Kristus ebe lebelek were'ma eba menfuluk watukwa meneat he, at Allah omameba eluget fesikhemo elugat welagarek. Andi hagat he, nit at ni nom hundik logolik lebelek welago meneat he, at Kristus ninom hundik nineluk logolik he, Allah omameba hit faget hilingisi wesugun o.

2 KORINTUS 4:10

A'nogo wa'lagi'lek welago andiba, at Yesus ebe wa'lagaikhesik eluk agaikhemo re, nit ninendawimo eluk welagarek andi, enegat asuageluk, at watukwa hak, nit hundik-handik ninoasuogeluk ugunem telninaferek andi.

1 TESALONIKA 4:17

Hobuk nit nineluk logogun mene ninomat ohena anggele'ma hambokhogo wo'ninarek lagagunem he, ninoe Enupogot ninom tulem po ya ambi asi lagambik he, At ninom mondogat logoguno.

1 TESALONIKA 5:10

At Yesus ebe nit faget ninom nineluk mondok logouwogeluk wa'lagaikhesik he, hobuk wesigin andi, ninebe wa'lasumo wesigin he a? Nineluk were'ma wesigin he a. Fano nek. At ebe wesimbik, ninom nineluk mondok logogun andi.

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

1 TIMOTIUS 3:1

Wene yi, eberogoat mene igino. It ekhe inendawimo nen anggikhi logolik he, ”An Allah againafuri kwelaginarek logoile,” iluk, inendawimo anggaga halok he, andi fano mondok meneat inamolo nen anggaga andi.

TITUS 3:8

igi andi eberogo aro. Haren it ekhe inendawinggen Allah oba himbirik werek mene nen, afuni ekhe faget fanorogo leberisagarek andi mene esinet fuluk anggilukhogo hilingiti logoumo, afuni mondogat faget fano mondok, iluk, a'nogo hilingiti logouwageluk, ninghogo komorinafi logoinogeluk, an nendawimo anggigi mene yagaheti andi.