2 TIMOTIUS 2:10 - Allah Wene Fano Wene Hupla Inane

¹⁰ Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

2 TIMOTIUS 2:10 ပူးပေါင်းရင်းမြစ်များ

AMSAL 8:35

Ap sa nen, an hera'nabigin halok he, inebe inelugerinaferek mene eise asugun o. Eise asugun andiba re, neisena Tuhan nen at ebe oba liok igin o.

MATIUS 24:22

Weak hilinglagunem hogoin andi re, at Allah nen he, ”Huli yi huli araro,” iluk igi'lek kamo ilepma re, afuni mondogat felelenghogo telinafi'lek weagat a'lep. Meneat he, At againafuri wenaginafikhe mene faget enek he, ”Weak arat hegebo,” iluk, huli wasigin werego.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

LUKAS 22:57

at Petrus nen labelhi logolik he, mel yagatikhe: ”Lego. Hele yi! Ap andi ebe an nonggoro,” iluk yagatikhe.

YOHANES 11:52

Mene re, it afuni Yahudi mene faget enek isikhe fuk. Afuni mondogat Allah againafuri mene nek o yi awi ti awi pugulogo lagaukwasik welagaikharek mene inom lambukhogo inobagaigeluk, Yesus wa'lasigin mene faget isikhe.

YOHANES 17:24

Allah neisena, haren kweang oan elalhi'lek logolik, an nebe hendawinggen hundik welagagin andi nen he, fogethafi logouwageluk esinetnafigin a'nogo, it haren fageat wo'netigin mene omanogo ineilenggen neoageluk, o an logogin oba andoma, it ninomat logogun namolo o.

YOHANES 17:9

An nen samban ikhi lagi andi re, it afuni kweangma mene faget ikhi lagi fuk. We, it hat hagainafuri mene wo'neten mene andi nen, it faget samban ikhi lagi o.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 9:23

It andi faget a'nogo afe morogo logolik, nit faget mel anggili'logo: ”It ekhe nendawi mene fanorinabigeluk attak elalinafigi andi, fano mondok hilinginabigin mene inelu asuago,” iluk anggikherek.

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.

1 KORINTUS 9:22

It afuni inendawinggen oan mene Kristus faget woginabigeluk he, an nobabut he, nendawinggen oan mene hangge welagi. It afuni mondogat inobabut hilingitarek lombok hilingiti lagi andi re, it mene ekhe telinabigeluk a'nogo hilingiti lagi o.

2 KORINTUS 1:6

Nit yi enggin ti enggin hikhi lago andiba, Allah nen hit hinendawimo fano asuageluk hinendawinggen sebelhik, hinebe telhinafik, igin aro. Nen, nit yi enggin ti enggin hugunem Allah nen ninendawinggen sebelherek andiba, hit a'nogoat yi enggin ti enggin hikhi logolik hinafe morogo logogun halok, Allah nen hinendawimo fano asuageluk hinendawinggen sebeligin aro.

2 KORINTUS 12:15

Andi hagat he, hit hinendawinggen faget an nagarek yi mene ti mene hinobagagik, nebe inom hinobagagik, nendawinggen oba nen nendawimo nagaiyek anggikhi logolik iginat welagio iti. An hit hinebe nendawinggen tulem werek kwelegat he, hit enek he, an nebe hinabit logogun nogo?

2 KORINTUS 4:15

Nit yi enggin ti enggin mondogat hikhi lago andi re, hit fageraro. A'nogo hikhi lagoba, at Allah obabut fano mondogen afuni ekhe endawiratik, ekhe endawiratik, inebe hokhorogoat lambulik endawirinafi logolik telinafunem he, inebe hokhorogoaren, Allah hai wari'lagwi andiba, it ekhe nen Allah fogerari'lagwio.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

KOLOSE 1:27

At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.

1 TESALONIKA 5:9

Allah a'mage, nit ninoba fuluk weagetninabigeluk wena'ninafikhe lek. We, ninoe Enupogot Yesus Kristus nen telogo fanotninabuageluk wena'ninafikhe o.

2 TESALONIKA 2:14

Ninoe Enupogot Yesus Kristus fogeratu mondok welagaikharek hak, hit a'nogo hinom fogethinabuageluk, Allah nen fano wene niren yagahisa wagagu andiba hinayonggo fesikhemo welagep.

2 TIMOTIUS 1:1

Timotius nendawi mene namlogo e. Allah nen he, ”Hit Kristus Yesus hinom hundik were'ma hinelugethinaferek,” iluk, abok yaganisasikhe mene andi, an Paulus nen yagaisilik nikhi logouwageluk, endawimo anggasikheba Kristus Yesus nen nayonggo fesikhesik laknobagai wagaikhemo, yoma logolik wene yi lisu palogo hoba lakfei wagi andi o. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

2 TIMOTIUS 2:3

Ap kaindek mene inogogwi inane hologo weim yafi logolik, yi enggin ti enggin hikhi logolik yafarek hak, haren Yesus Kristus ane hologo, yi enggin ti enggin hikhi logolik, hafe morogo hilingiti logoino.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

1 PETRUS 2:10

Hit attak he, Allah againafuri mene welagagip lek, meneat he, yogondak hinebe Allah againafuri eberogoat agebo. Nen, attak hiren he, ”Allah nen ninebe endawi werek,” iluk hinonggot welagagip meneat he, yogondak ”Ninebe Allah endawi nen wo'ninafikhemo welago,” iluk hinelu agebo.

1 PETRUS 5:10

Were'ma, at Allah ebe fogeratu mondok logogun andi hak, hit Kristus hinom hundik were'ma hinomat fogethinafu logouwageluk hinayonggo fesikhemo, yogondak ya endebat enek hinoba yi enggin ti enggin hikhi logombik, hobuk at obabut fano mondok a'nogo nen, katokhogo hilinghinafik, hinendawinggen wurigetfigik, hinomamethinafik, hambugethinafik, igino.