2 TIMOTIUS 1:8 - Allah Wene Fano Wene Hupla Inane

⁸ Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

2 TIMOTIUS 1:8 ပူးပေါင်းရင်းမြစ်များ

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

MAZMUR 19:7

Pogot eroma nen yarik-yarik pogot elugunmo lagarek. yi mene ti mene mo oba kwikherek lek mene ekhe werek lek, mondogat oba kwikherek enek, iluk wuni watikhe.

YESAYA 51:7

Yago, hit An nunggulenu mene oma re, An nane ikhi lagi mene andi holini o, hit he eberogo mene re ninggi'nogo iluk he hinelu welagebo. An nen wene yagahisikhi lagi mene re hit hinendawimo fisogo welagebaro. Afuni nen puliat hinafu halok he hinailosu fugo, iren li'not hinafu halok he hinoba sinurogo logou fuk.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

MARKUS 8:38

Afuni yoma inobabut weak logolik Allah ebe inom lombokhogo welagi'lek, yi weak ti weak hilingiri'lagwi mene andi hinomat logolik, it ineilhanem sa nen, ”An Yesus agot, igik, an nane andi yagaisigik, u re, ambe enggali halok he, an abat ta'lasi wagagi a'nogo hobuk neisena fogeratu mondok welagaikharek hak hilingla'luk, it malaikat Allah onggwarek faget yonggo pelakfisa wagarek mene omanogo ninom wesimbik he.

LUKAS 9:26

Sa nen, an Yesus agot igik, an nane andi yagaisigik, afuni ineilhanem fakhogo u enggali halok he, an abat ta'lasi wagagi mene yi nen ogo re, hobuk an nebe fogetnafik, neisena fogeratik, malaikat Allah nen yonggo pelakfisa wagarek mene omanogo fogerinafik, ugu kwelek waga logolik he, At yi an nagot, iluk nane fakhogo u re nenggaliat asigin o.

YOHANES 15:27

Aren an nabok a'nogo ugu kwelek, hit ogo re, an hit ninom attagen welagorek andi nen he, hiren fakhogo yagaisikhi logogun aro,” iluk yagaisasikhe.

YOHANES 19:35

A'nogo hilinglagaikhe mene andi, hit futfobagaigeluk, ap ekhe eilenggen welagaikhe mene nen wene andi abok fakhogo ili'logo. Nen, aren ogo re, ”Eberogoat neilenggen furogoat higirik abok fakhogo yagaisigi,” iluk, at elu aro.

KISAH PARA RASUL 5:41

Wulakfisasukwama, it ap wene ero pilingiti lagaukwa mene omanogo herakfisaluk wulifukwasik, it-it ikhi logolik he, ”Allah nen he, hit Yesus enu faget afuni nen, hit weak, iluk wenakhisamo elok, iluk endawimo anggikhe higithogoat wena'nisaga andi fano,” iluk inendawimo inagaiyek agaukwasik wulifukwa.

ROMA 1:16

Fano wene andi Allah omame atma re, attak afuni Yahudi mene, nen hobuk he, afuni Yunani mene, inendawinggen eberogoat Yesus Kristus oba himbiret fagarek mene halok mondogat telinaferek andi nen he, an nailo legat fano wene andi yagaisilik nigirek andi.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

ROMA 8:36

Wene andi higithogo Allah aneba lisu palhi logolik, mel isukwa: ”Hat fagerat he, afuni nen linggene hundik, hubanggo hundik, ninoasuogeluk hilingninafu mondogat werego. Afuni nen domba wam wasuogeluk abok palharek andi hak, ninabok palhuat werego.” iluk lisu palogo fesukwama werek.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

1 KORINTUS 1:6

Wene andi re, Kristus hilingitikhe wene yagahisasigi mene, hinendawimo wanhigipsik hinendawinggen wurigagepsik welagebo.

2 KORINTUS 6:7

A'nogo logolik, Allah omameba ebe wene yagaisilik nikhi lago. A'nogo yagaisilik nikhi logolik, afuni nen he, ”Sige sikhe ninenggi pire wurat welago,” iluk agarek hak, nit Allah endawimo amolo mene hilingiti lago andi.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

FILIPI 3:10

At Kristus yi enggin ti enggin hilik-hilik wa'lagaikhe hak, nemberek higithogoat, an a'nogoat enggin hilik-hilik, wa'lasiginat anggikhi lagi. Mene re, at wa'lagaikhemo, Allah omameba eluget fesikhe hak, an a'nogoat wa'lasumo, neluget nabigin iluk, oba eberegat welagi.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

KOLOSE 1:11

Nineisena Allah omame hokho fogeratarek mene a'nogo nen hinomamet hinafunem, hit hinomamerogo mondok logobagaigeluk ayonggo fikhi lagiat. A'nogo hinomamet hinafunem yi mene ti mene enggin hinoba agu kwelek, hinendawimo puk agi'lek hinafe morogo logolik, hinendawimo hinagaiyek higik,

KOLOSE 1:24

An yogondak ya re, at Kristus nen he: ”Allah againafuri mondogat an nebe aro,” iluk nit faget yi enggin ti enggin hilik-hilik wa'lagaikhe andi, ekhe higi'lek mene obali'mo an nebe hit faget yi enggin ti enggin hilingnabi'lagwi andi nen nendawimo nagaiyegeti lagi.

1 TESALONIKA 3:4

Nit attak hit ninom logolik: ”Hobuk yi enggin ti enggin hilingninafi logogun aro,” iluk, yagahisasugu a'nogo higithogo hilingninabi'lagwi andi hinelu o.

1 TIMOTIUS 2:6

At Kristus afuni mondogat weak hilingitorek andiba hele warogo fetninarek were'ma hele fikhalogo telninabigeluk onggwarek eranen, ”Nebe noasuak,” iluk wagaikhe andiba, Allah endawimo nen he: ”Afuni mondogat telinabigin,” iluk anggikherek mene andi, enegat asigin higithogoat enegat agaikhe andi.

2 TIMOTIUS 1:10

A'nogo anggasikhe mene hinago were'ma, hobuk Kristus Yesus telninaferek mene ebe weinam agaikhe andiba enegat agaikhe andi. At ane fano wene andiba, wa'lari'lagwi ero andi mabenetfisigik, wa'lagi'lek nineluk mondok logogun mene andi, weinametfigik, isikhe.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

2 TIMOTIUS 1:16

A'nogo meneat he, at Onesiforus againafuri inom enek he, hundik-handik, nendawimo fanorogo nendawinggen sebeli weri'lagwi andi nen he, ninoe Enupogoren endawirogo ferinarek logouwago. An nenggi hele warek were'ma noba wesu enggali legat,

2 TIMOTIUS 2:3

Ap kaindek mene inogogwi inane hologo weim yafi logolik, yi enggin ti enggin hikhi logolik yafarek hak, haren Yesus Kristus ane hologo, yi enggin ti enggin hikhi logolik, hafe morogo hilingiti logoino.

2 TIMOTIUS 2:8

An fano wene yagaisilik nigirek andi re, Yesus Kristus, at Daud en tagongge meneat ebe watukwama, Allah nen eluget fesikhe wene andiba hendawimo eberek mondok logoino.

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.

2 TIMOTIUS 4:17

A'nogo meneat he, an nen ebe wene furogo yagaisugunem, it endakwe mene inebe mondogat inesanggo holuageluk, ninoe Enupogot an nera'lu logolik, nomametnafesik, mene olomene anini weak mene a'nogo ambelema were'ma telnabu hak, noasu mene telnafe andi.

2 TIMOTIUS 4:5

It a'nogo hilingitu kwelegat he, hat he, yi mene ti mene faget, hobabut hebelogo logolik, hoba yi enggin ti enggin hikhi logolik, hafe morogoat logoino. Fano wene yagaisilik nikharek andi meneat esinet fuluk he, Allah nen, ”Yi'nogo leberisikhi logoino,” iluk, hayonggo fesikhe mene andi ekhe herakfisigi'legat higithogo hilingiti logoino.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.

WAHYU 1:2

A'nogo yaganetemo, Allah ane andi Yesus Kristus nen abok yaganetunem wene mondogat an neilenggen higi mene andi abok fakhogo lisu palogo figi andi o.

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.